Ægir - 01.07.2002, Blaðsíða 64
62
F Y R I R T Æ K J A K Y N N I N G
Tben ehf.
Hvaleyrarbraut 39
220 Hafnarfjörður
Sími: 544 2245
Fax: 544 2246
Þorsteinn Benediktsson, framkvæmdastjóri Tben ehf.
Gæðavörur og góð þjónusta
Tben ehf. er nýtt fyrirtæki í þjónustu
við sjávarútveginn með útgerðar-
vörur. Tben ehf. hóf starfsemi í lok
maí síðastliðinn og er fyrirtækið í
500 fermetra húsnæði að Hvaleyr-
arbraut 39 í Hafnarfirði, starfsmenn
eru alls 5. Eigendur Tben ehf. eru
Kristín Björgvinsdóttir og Þorsteinn
Benediktsson sem jafnframt er
framkvæmdastjóri. Þorsteinn er
lærður netagerðarmeistari og hefur
víðtæka reynslu og þekkingu af
veiðarfærum enda starfað við fram-
leiðslu og sölu veiðarfæra síðastlið-
in 25 ár. Sölustjóri fyrirtækisins er
Jón Pétur Guðjónsson en hann
hefur starfað sem netagerðarmaður
og sölumaður veiðarfæra til margra
ára.
Þorsteinn var rekstrarstjóri netagerðar
Höfða á Húsavík frá stofnun 1981 og til
ársins 1990, þar á eftir var hann deildar-
stjóri veiðarfæradeildar Skagfjörð til árs-
ins 1992 en sama ár stofnaði hann fyrir-
tækið Icedan ehf. ásamt dönskum aðil-
um. Þorsteinn var framkvæmdastjóri Ice-
dan frá stofnun og þar til í júlí 2001.
Að sögn Þorsteins eru helstu áherslur
Tben ehf. að bjóða gæðavörur samhliða
góðri þjónustu, enda eru slagorð fyrir-
tækisins: „Þar sem þjónusta og þekking
mætast“. „Tben ehf. hefur nú þegar náð
góðum árangri með seiðaskiljur og smá-
rækjuskiljur, töluvert hefur verið um út-
flutning á seiðaskiljum og nú virðist sem
mikill áhugi sé að koma upp erlendis á
smárækjuskiljunni,“ segir Þorsteinn.
„Smárækjuskiljan sem Tben framleiðir er
sú sem kölluð er tvöfalda skiljan eða
samlokan. Hún kom fyrst á markað árið
1996 og er hönnuð af Þorsteini Bene-
diktssyni og Helga Valdimarssyni sem þá
var skipstjóri á Blæng NK. Við munum
bjóða uppá alhliða rockhopperþjónustu
með viðgerðir á gömlum lengjum og
uppsetningum á nýjum rockhopperlengj-
um, fyrirtækið mun einnig bjóða uppá al-
hliða víraþjónustu með 600 tonna víra-
pressu og handsplæsningu.“
Helstu birgjar Tben ehf. eru Thyboron
Skibsmedie A/S með Thyboron trollhler-
ana, Sicor með trollnet, tóg og garn, Net
Systems með hnútalausa PE og Dy-
neema netið, Randers Reb með trollvíra,
kranavíra og vírmanillu, Peter Harbo með
vinnsluvíra og hífibúnað, Carl Backs með
vinnufatnaði og Showa gúmmíhanska
ásamt fjölda annarra tegunda af hönsk-
um, Bottes Le Chameau með handunnu
bláu Le Chameau stígvélin, Weissenfels
með keðjur, patentlása, gilskróka ásamt
mjög öflugum hífiútbúnaði, Brdr. Markus-
sens með „The blue line“ blakkir, sig-
urnagla, kóssa, Parson vörur, ásamt
fjölda annarra vörutegunda, Itsaskorda
með dragnótarmanillu, Columbus með
hnífa, Formfiner með netanálar, Gúmmí-
vinnslan með stálbobbinga og milli-
gúmmí, Sæplast með trollkúlur og belgi,
Hampiðjan með net, tóg og garn, Rock-
hopper-gúmmí sem eru flutt eru inn frá
Rússlandi, plastskiljur og smárækjuskiljur
sem eru fluttar inn frá Kanada.
„Af nýjungum hjá okkur er það að
frétta að ný gerð af Thyboron trollhlerum
kom á markað síðastliðið vor og kallast
hlerarnir Týpa 3. Hlerarnir þykja mjög
skemmtilegir í vinnslu, auðvelt er að
kasta þeim og þeir skvera mjög vel í
samanburði við aðra hlera í sama flatar-
máli. Þá þykja hlerarnir mun léttari í híf-
ingu en eldri gerðir af Thyboron hlerum.
Alls eru fjögur hlerapör af Týpu 3 komin í
notkun hér á landi. Þetta er ánægjuleg
viðbót við hlerategundir Thyboron, sem
fyrir er með Týpu 2, Týpu 7 fyrir fiskitroll
og Týpu 8 fyrir flottroll. Þá er Weissenfels
að koma með á markað nú í haust nýja
línu í hífibúnaði sem er í Grade 100 en
gamla línan var í Grade 80. Þetta þýðir
að hægt verður að nota grennri keðjur og
fylgihluti en áður hefur þekkst. Með
Grade 100 verður öll vinna léttari á hönd-
um,“ segir Þorsteinn að lokum.
Tben ehf. verður með 42 fermetra bás
númer F70E á sjávarútvegssýningunni en
þar verða fulltrúar frá Thyboron, Rand-
ers, Itsaskorda, Rocon, Carl Backs, Net
Systems og Peter Harbo - allir reiðubúnir
að svara spurningum áhugasamra.