Ægir - 01.07.2002, Blaðsíða 82
80
F Y R I R T Æ K J A K Y N N I N G
Sæplast
Gunnarsbraut 12
620 Dalvík
Sími: 460 5000
Fax: 460 5001
Veffang: www.saeplast.is
Höfuðstöðvar Sæplasts eru á Dalvík en fyrirtækið rekur einnig verksmiðjur í Noregi, Kanada og á
Indlandi.
TechSea kerfi fyrir
flutning á lifandi fiski
Frá því Sæplast hf. kynnti fyrst
plastker til notkunar í fiskiðnaði hef-
ur orðið gríðarleg þróun í vörulínu
fyrirtækisins. Í dag sérhæfir Sæplast
sig í flutnings- og geymslulausnum á
matvælum með kerjum af mörgum
stærðum og gerðum, auk þess sem
fyrirtækið framleiðir belgi, baujur,
björgunarhringi, flot fyrir kræklinga-
eldi og fjöldamargt annað. Verk-
smiðjur Sæplasts hf. eru nú á Ís-
landi, í Kanada, þrjár í Noregi og ein
á Indlandi. Velta Sæplasts er hátt í
þrír milljarðar á ársgrundvelli.
„Sæplast hefur allt frá upphafi byggt sína
þróun á sjávarútveginum og þó við höf-
um horft til fleiri sviða matvælaframleiðsl-
unnar á síðustu misserum þá mun sjáv-
arútvegurinn áfram verða þungamiðjan í
okkar framleiðslu. Það mun bás okkar á
sjávarútvegssýningunni í Kópavogi sýna
mjög glögglega,“ segir Hilmar Guð-
mundsson, sölustjóri, sem nú á dögun-
um flutti heim frá Álasundi í Noregi þar
sem hann vann að sölumálum fyrir fyrir-
tækið og tók við starfi sölustjóra.
Hilmar segir uppbyggingu Sæplast á
undanförnum árum hafa miðað að því að
staðsetja verksmiðjurnar nálægt við-
skiptavinunum og hefur reynslan sýnt að
markaðirnir hafa með þessu móti vaxið.
„Þetta fyrirkomulag skilar okkur greinilega
markvissari vöruþróun og hefur leitt af
sér aukna fjölbreytni í vörulínunni. Í dag
skilgreinir Sæplast sig sem framsækið
fyrirtæki í lausnum fyrir sjávarútveg og
matvælaiðnað í heild en engu að síður
munu lausnir fyrir sjávarútveginn verða
stærstur hluti okkar starfs í nánustu
framtíð,“ segir Hilmar.
TechSea 2000 til
flutnings á lifandi fiski
Sjávarútvegssýningin í Kópavogi er ein af
mörgum sem Sæplast tekur þátt í á
þessu ári en jafnframt ein af þeim stærri.
Síðastliðið vor kynnti Sæplast á sýningu í
Brussel svokallað TechSea 2000 kerfi
sem ætlað er til flutnings á lifandi fiski og
verður kerfið nú sýnt í fyrsta sinn á Íslandi.
„Samhliða þróuninni í fiskeldi hafa
opnast nýjar þarfir á markaðnum fyrir
lausnir og þar með tækifæri fyrir okkur í
vöruþróun og framleiðslu. TechSea 2000
hlaut fádæma viðtökur á sýningunni í
Brussel og í ljósi þess hversu mikil sókn
er í fiskeldinu, bæði hér á Íslandi og er-
lendis, þá bindum við miklar vonir við
kerfið í framtíðinni,“ segir Hilmar.
Ker með tölvukubbum
Önnur nýjung hjá Sæplasti eru svokallað-
ar örflögur eða tölvuupplýsingakubbar
sem felldir eru inn í veggi plastkerjanna
og ætlað er að vera mikilvægt hjálpar-
tæki hvað varðar rekjanleika afurða.
Hilmar segir að með þessum búnaði sé
hægt að lesa inn á flögurnar strax um
borð í skipum úti á sjó, senda upplýsing-
ar um innihald í viðkomandi kerjum inn í
tölvukerfi vinnsluhúsanna í landi og
þannig er hægt að fylgja hráefninu eftir
allt til enda vinnslunnar. Þessi tækni getur
nýst mjög víða í matvælavinnslu og
þannig er Sæplast nú þegar í samstarfi
við nokkra stóra viðskiptavini í Evrópu
um framleiðslu kerja með örflögum.
„Rekjanleiki er eitt af þeim atriðum
sem hæst ber í matvælavinnslu í heimin-
um í dag og við höfum með þessu vöru-
þróunarverkefni sýnt hvernig okkar vörur
geta orðið hjálplegar viðskiptavinum okk-
ar í að svara síauknum kröfum markaðar-
ins um rekjanleika og upplýsingar. En
jafnframt er þessi tækni til þess fallin að
spara tíma og auka hagræði í matvæla-
vinnslu og það er vel,“ segir Hilmar Guð-
mundsson, sölustjóri Sæplasts hf.
Hilmar Guðmundsson, sölustjóri Sæplasts.