Ægir - 01.07.2002, Blaðsíða 94
92
F Y R I R T Æ K J A K Y N N I N G
Frystikerfi ehf.
Viðarhöfða 6
112 Reykjavík
Sími: 577 1444
Fax: 577 1445
Veffang: www.frystikerfi.is
Vésteinn Marinósson, lengst til hægri ásamt þeim Jóni Valdimarssyni, Hafþóri Svendsen, Sigurjóni
Guðmundssyni og Engelhart Svendsen.
Fjölbreyttari búnaður
fyrir kröfuharða notendur
Frystikerfi ehf. mun á sjávarútvegs-
sýningunni beina athygli manna að
nýrri gerð ísvéla frá Ziegra, en nýja
vélin er svokölluð „þrjár í einni“ sen
þýðir að hún getur framleitt ís úr
ferskvatni, ís úr sjó og krapa í mis-
munandi þykkt. Einnig verður
kynntur hurðabúnaður frá HCR, en
þar sem hann hefur verið settur upp
hefur hann svo sannarlega sannað
gildi sitt.
„Fyrirtækið heldur upp á 5 ára afmælið
sitt um þessar mundir og er það vel að
geta fagnað þeim tímamótum í rýmra og
hagnýtara húsnæði sem við fluttum í sl.
vor að Viðarhöfða 6. Sem fyrr er okkar
aðal áhersla lögð á þjónustu og ráðgjöf
við matvælaframleiðendur og hefur at-
hygli okkar fyrst og fremst beinst að sjáv-
arútveginum og sláturhúsum,“ segir Vé-
steinn Marinósson hjá Frystikerfum. „Þó
tókum við að okkur að setja upp kæli og
frystikerfi í Hagkaupum í Smáralind á síð-
astliðnu ári, en það verkefni telst risavax-
ið á mælikvarða verslunarkerfa. Á sjávar-
útvegssýningunni í ár munum við sýna
Stream Ice vél frá Ziegra. Ziegra hefur
fylgst náið með því sem er að gerast á
ísvélamarkaðnum og hefur þróað vél
sem er fær um að framleiða ís úr
ferskvatni, ís úr sjó og Stream Ice, en
hann er hægt að framleiða í mismunandi
þykkt. Það sem er sérlega áhugaverður
kostur fyrir eigendur Ziegra ísvéla er, að
hægt er í flestum tilfellum að breyta eldri
gerðum ísvéla í Stream Ice vélar. Fyrir um
ári síðan var fyrsta vélin sett niður í Helgu
Maríu AK og eru ummæli vélstjóranna
þau að vélin hafi reynst framar björtustu
vonum og jafnframt að þetta hafi verið
lang hagkvæmsta lausnin. Önnur vél
verður sett niður í Vigra RE nú á næst-
unni.“
Vésteinn heldur áfram: „Á síðustu
sjávarútvegssýningu kynntum við bylting-
arkenndan hurðabúnað frá HCR í
Bandaríkjunum. Fyrir tveimur árum var
sett upp hurð fyrir klefa hjá Sláturfélagi
Suðurlands á Hvolsvelli sem í var mikið
hrím og ísvandamál í lofti og gólfi. Eftir
aðeins 8 vikur í notkun var nánast allt
hrím horfið úr loftunum og ísinn hafði
stórum minnkað á gólfunum. Ánægjan
með búnaðinn er það mikil að Sláturfélag
Suðurlands keypti annan hurðabúnað
fyrir klefann í húsinu á Selfossi. Er þessi
hurðabúnaður tvímælalaust hagkvæmur
fyrir klefa í frystihúsum og einnig til að
koma í veg fyrir loftskipti milli vinnsluher-
bergja, til að mynda í alifuglasláturhús-
um. Með samstarfi við fyrirtækið LOS í
Slóveníu getum við boðið sjó og vatns-
kælibúnað á einstaklega góðum verðum,
en einmitt slíkan búnað settum við niður í
MT Eldborg á sl. ári.“
„Hjá okkur setjum við ávallt viðskipta-
vininn í öndvegi og kappkostum að veita
persónulega og góða þjónustu. Við
leggjum metnað okkar í að bjóða ein-
göngu góðan búnað frá þekktum fram-
leiðendum, búnað sem viðskiptavinurinn
getur treyst,“ segir Vésteinn að lokum.