Tímarit Máls og menningar - 01.05.1947, Blaðsíða 90

80
TÍMARIT MÁLS OG MENNINGAR
Vilji menn fá npplýsingar um þá, sem þar hafa setið og störf þeirra þar, þá
er aðeins að finna nöfn þeirra, sem fyrst voru kosnir í bæjarstjóm, og 1942
eða næsta tímabil á undan. Vilji menn leita sér upplýsinga um þróun skipa-
stólsins í Eyjum, finna menn skrár yfir báta og formenn. frá síðari hluta 19.
aldar og vertíðinni 1935.
Stór galli er það á bókinni, að ekki fylgir efnisskrá. Er mjög erfitt að finna
ákveðin málefni í bókinni, sökum þeirrar vöntunar. Heildarefnisyfirlit er að
vísu fyrir framan hvort bindi, en það er ófullnægjandi, sökum þess að mikið
skortir á, að skyldu efni sé haldið saman. Ægir saman óskyldu efni í flestum
köflum bókarinnar, og auk þess hefur höf. sérstaka kafla fyrir sína ögnina úr
hverri áttinni, og er engin regla í þeirri samsuðu.
Framan við bókina er löng heimildaskrá. Handritaskráin er þannig úr garði
gerð, að erfitt er að nota hana, sökum þess að tilvísanir eru ekki nógu ná-
kvæmar. I sýsluskjalasafn Vestmannaeyja í Þjóðskjalasafni er yfirleitt vitn-
að án frekari tilgreiningar. Gæti orðið mikil leit úr, ef menn vildu athuga,
hvernig höf. notar þessar heimildir, sem hann vitnar til. Þá er á allmörgum
stöðum vitnað til eigin handrita höf. I þessari skrá eru á 11 stöðum taldir
reikningar umboðsmanns konungs frá 1586—1601 og fylgiskjöl með þeim.
Þá eru í skránni talin ýmis handrit, sem prentuð hafa verið. Má þar nefna:
Vestmannaeyjalýsing séra Gizurar (Lítil tilvísun um Vestmannaeyja háttalag
og bygging), og sóknarlýsing séra Jóns Austmann. Eru þær báðar prentaðar
í bók dr. Þorkels Jóhannessonar prófessors: Omefni í Vestmannaeyjum. Enn
fremur eru í skránni Vestmannaeyjalýsing Jónasar Hallgrímssonar, sem prent-
uð er í ritum hans í útgáfu Matthíasar Þórðarsonar, Tyrkjaránssöguhandrit
prentað í Tyrkjaráninu á Islandi, Islandslýsing Þorláks Magnússonar, sem
prentuð er í útdrætti í Blöndu V, 22—36, Söguleg lýsing af Vestmannaeyjum
frá 1749, sem prentuð er í þýðingu í Blöndu VI, lýsing Gullbringusýshi eftir
Skúla fógeta, sem prentuð er í Landnámi Ingólfs I. og Bibliotheca Arna-
magnæana IV.
I skránni yfir prentaðar heimildir sé ég ekki getið Andvara, þar sem höf.
hefur skrifað um hákarlaveiðar í Vestmannaeyjum og þætti úr menningar-
sögu Vestmannaeyja. Einnig er þar merkileg grein eftir dr. Bjarna Sæmunds-
son um sjávarútveginn í Vestmannaeyjum árið 1899. I skránni er ekki heldur
VI. bindi Blöndu, sem vitnað er til í lesmáli, afmælisrit Bátaáhyrgðarfélags
Vestmannaeyja, sem einnig er vitnað til, eða Fjórar ritgerðir eftir Þorvald
Thoroddsen, en þar gerir hann grein fyrir skoðunum sínum á því, hvernig
Vestmannaeyjar komust í eign konungs.
Myndaval í hókina hefur tekizt mjög illa. Að vísu er þar margt af góðum
myndum og mikill sægur af mannamyndum. Gegnir furðu, hve mannamynd-
irnar virðast vera valdar af miklu handahófi. Við fljótlega yfirsýn virðist mér,
að myndir vanti af flestum sýslumönnum, prestum, læknum og fjölda nefndar-
manna. Sumar mannamyndirnar eru ekki boðlegar, svo afskræmislegar eru
þær. Af landslagsmyndum skortir mikið til þess að gefa góða hugmynd af