Tímarit Máls og menningar - 01.05.1948, Qupperneq 59

HIROSHIMA
49
sem var líkast stórri gröf, og þegar augu hans höfðu vanizt dimm-
unni, sá hann herra Tanaka, bólginn og löðrandi af blóði og greftri
á andliti og handleggjum, og augun sokkin. Það var afar vond lykt
af gamla manninum og hann stundi án afláts. Hann virtist þekkja
rödd herra Tanimotos. Herra Tanimoto stóð við stiga byrgisins til
þess að hafa næga birtu og las upphátt úr japanskri vasabiblíu:
„Því að þúsund ár eru í þínum augum sem dagurinn í gær, þegar
hann er liðinn, já, eins og næturvaka. Þú eyðir þeim, þeir sofna,
þeir er að morgni voru sem gróandi gras; að morgni blómgast það
og grær, að kveldi fölnar það og visnar. Því að vér hverfum fyrir
reiði þinni, skelfumst fyrir bræði þinni. Þú hefur sett misgjörðir
vorar fyrir augu þér, vorar huldu syndir fyrir ljós auglitis þíns;
allir dagar vorir hverfa fyrir reiði þinni, ár vor líðá sem and-
varp . . .“
Herra Tanaka gaf upp öndina á meðan herra Tanimoto las þenn-
an sálm.
Ellefta ágúst komu boð til Ninoshima-herspítalans um að mikill
fjöldi særðra manna frá aðalstöðvum Chugoku herliðsins kæmi til
eyjarinnar sama dag, og að nauðsynlegt væri talið að flytja þaðan
alla aðra sjúklinga. Ungfrú Sasaki, sem var enn með hættulega háan
hita, var flutt út á stórt skip. Hún var lögð þar ó þilfarið og koddi
undir fótinn. Sóltjöld voru yfir þilfarinu, en vegna stefnu skipsins
komu þau henni ekki að gagni. Henni fannst sem lægi hún undir
stækkunargleri í sólskininu. Gröfturinn vall úr sárinu, og brátt
varð allur koddinn útataður. Hún var flutt i land í Hatsukaichi,
sem er borg í nokkurra mílna fjarlægð suðvestur af Hiroshima, og
lögð þar inn á barnaskóla, sem kenndur var við gyðju líknarinnar
og hafði verið breytt í sjúkrahús. Hún lá þar í nokkra daga, áður
en sérfræðingur i beinbrotum kom þangað frá Kobe. Þá var fótur-
inn orðinn rauður og bólginn upp undir mjöðm. Læknirinn taldi
sig ekki geta fellt saman brotin. Hann skar í fótinn og stakk þar
inn gúmmíslöngu, sem flytja skyldi út óhreinindin.
í klaustrinu voru móðurlausu Kataoka-börnin óhuggandi. Faðir
Cieslik lagði mikið á sig til þess að hafa af fyrir þeim. Hann lagði
4