Tímarit Máls og menningar - 01.03.1949, Qupperneq 12

2
TÍMARIT MÁLS OG MENNINGAR
fyrir næstu mánaðamót. Ríkisstjómin mun hafa heitið því og einnig undirskrift
íslands undir sáttmálann 4. aprfl n.k.
Árið 1945 er vér gáfum út tímaritshefti eins og nú til að vara við bandarískri
ásælni tókum vér fram að vér vantreystum ekki ríkisstjórn íslands né alþingi. Nú
er því ekki lengur að fagna. Ólán íslands sem fleiri landa er að hafa á jafn
hættulegum tímum ríkisstjórn sem lætur sér sýnilega um annað meira annt en
hagsmuni íslendinga, virðist líta á sig sem undirtyllu Bandaríkjanna og dansar
eftir þeirra pípu, en hefur gefizt upp við öll vandamál heima fyrir og er gleggst
dæmi er hún hleypur hálf til Ameríku frá togaraflotanum öllum bundnum við
iandfestar. Er ekki að sjá að hún hafi átt önnur áhugamál undanfarna mánuði
en hvemig hún ætti að véla þjóð sína og blekkja til að gerast aðili í undirbún-
ingi hernaðar.
Vér munum ekki heyra af vörum þessarar ríkisstjórnar satt orð um innihald sátt-
málans. Vér munum ekki orð fá að heyra um þá sérsamninga er á eftir fara. Þeir
ráðherrar sem utan var stefnt munu þykjast koma aftur sem frelsandi englar.
Utanríkisráðherra hefur látið hafa eftir sér vestra að hér verði ekki herstöðvar á
friðartíma. Hér er augljóslega vikið frá sannleikanum. Bandaríkin hafa þegar
herstöð á íslandi og fara ekki leynt með. Og fleiri munu á eftir fara, ef sáttmál-
inn yrði samþykktur. Aðrar skýringar á sáttmálanum munu verða eftir þessu. En
hverjum heilskyggnum manni er ekki minna vit ætlandi en sjá í gegnum þessar
blekkingar.
Atlantshafssáttmálinn er ófriðarsáttmáli en ekki friðar.
Hann felur í sér allar hættur en ekkert öryggi.
Hver alþingismaður sem greiðir honum atkvæði veit ekki nema hann sé um leið
að undirrita dauðadóm sinnar eigin þjóðar.
Þennan sáttmála ber ekki að gera.
Það ber að hindra með öllum ráðum að þessi sáttmáli verði gerður.
Kr. E. A.
*
Næsta hefti Tímaritsins sem er þegar í prentun flytur grein um Þórberg Þórð-
arson sextugan eftir Hallbjörn Halldórsson, „Litla samantekt um útilegumenn",
þriggja arka ritgerð, eftir Halldór Kiljan Laxness, kvæði eftir Snorra Hjartarson
og Stein Steinarr, ritgerð um nóbelsverðlaunaskáldið T. S. Eliot eftir Kr. E. A.,
ritgerðir um harmleik Spánar og Grikklands, aðra eftir Sverri Kristjánsson, hina
þýdda úr frönsku af Jóni Óskar, ýmsar bókafregnir o. fl.
Nokkrir höfundar sem komust ekki að með greinar sínar í þetta hefti, vegna
þess hve prentun varð að hraða, rita um þjóðvarnarmálið í næsta tímarit. Meðal
þeirra eru Magnús Ásgeirsson skáld, Sigurður Þórarinsson jarðfræðingur og
Sverrir Kristjánsson sagnfræðingur.
Ritstj.