Tímarit Máls og menningar - 01.03.1949, Qupperneq 24

14
TÍMARIT MALS OG MENNINGAR
þess að ganga í hernaðarbandalagið við þau. Með duldum ógnum
hefur Norðmönnum verið nauðgað.
Flestir benda fyrst á skipastól Noregs til skýringar. Hann þarf aukn-
ingar upp í sama magn og var fyrir stríð, og Bandaríkin munu til
endurgjalds fyrir inngöngu í Atlantshafsbandalag selja Norðmönnum
stálið, sem þarf til að byggja flotann. Án inngöngu hefðu þeir ekki
fengið að eignast skipastól. — Flotinn yrði bundinn gagnslaus heima
eða að nokkru hertekinn, ef Noregur yrði hlutlaus í heimsstyrjöld eða
lenti inn í hana andstæður vesturveldunum, sem hafinu ráða. Til þess
mega norskir útgerðarmenn ekki hugsa. Hitt lízt þeim betra að láta
landið í stríði, en halda flotanum, sem þá hefði mikið starf að vinna
í þjónustu vesturvelda.
Ýmsir aðrir verzlunarhagsmunir gátu verið í veði, en á því liggur
nokkur hulda enn. Minna skal á Marshallhjálp.
En ógnir stríðs eru þyngstar. Athugum útkomu þess reikningsdæmis,
ef Noregur þyrfti að verjast innrás vesturveldanna eða langvinnum
loftárásum þeirra. Með kjarnorkusprengjum má eyða borgum og höfn-
um á miklu róttækari hátt en ástæða mundi til að vænta við rússneska
hertöku. Gengu Norðmenn í Atlantshafsbandalag af því, að þeir ótt-
uðust amerískar loftárásir enn meir en rússneskar?
Það er þegar ljóst, að umráðendur kjarnorkunnar hafa spillzt svo
síðan í seinasta stríði, að þeir leyfa helzt engri smáþjóð að vera hlut-
lausri, allar skulu þær berjast með þeim eða heita ella kommúnistar
og bíða dóm gereyðingarstríðsins.
Annað mál er, að slíkar kröfur og fyrirætlanir þorir enginn valdhafi
að opinbera. Þess vegna er sagt, að Atlantshafsbandalagið sé eingöngu
til að „tryggja friðinn“ og staðfesting bandalagssáttmálans við hverja
þjóð er gerð með Júdasarkossi.
Það hefur aldrei gerzt enn í sögunni, að eins stórkostleg aukning
árásarvopna og nú er ráðin á vesturhveli jarðar væri ekki bráðlega
notuð í styrjöld. Atlantshafsbandalagið miðar að beiting allra þeirra
vopna á eina þjóð, þegar mál þykir til komið. Slík aðgerð drepur þá
friðarvon, sem við höfum haft allt fram á þetta ár. Þar með er ekki
sagt, hvenær á næstu 10—20 árum þetta stríð muni skella yfir. Því
síður verður spáð um stríðsúrslit
Hlutverk vígra Norðmanna á að verða eins í þessu stríði og hinu