Tímarit Máls og menningar - 01.05.1949, Blaðsíða 80
142
TÍMARIT MÁLS OG MENNINGAR
Varðandi byggingarefni er gert ráð fyrir rammakerfi úr járnbentri
steypu, sem sé síðan fyllt út með léttara efni, eins og mikið er farið
að tíðkast erlendis. Burðarstöplarnir úr járnbentri steypu, sem sýni-
legir eru á útlitsteikningunni, skipta framhliðinni í reiti, og gera með
því allt yfirbragð hússins léttara. Hugmyndin er síðan sú, að leggja
yzta borð þessara reita, á milli glugganna, með myndskreyttum kera-
míkplötum eða mósaík. Skreytingin yrði þó að vera mjög yfirlætis-
laus og fínleg, svo heildarsvipur byggingarinnar yrði ekki rofinn.
Yfir fordyrinu er gert ráð fyrir lágmynd, allstórri, og einnig á gafli
þverálmunnar til vinstri.
Forsalur. Þótt uppdrátturinn (1. mynd) segi glöggttil um helztu atrið-
in í skipun hússins, ætla ég samt að fylgja honum eftir með nokkrum orð-
um. Eins og sjá má á teikningu framhliðarinnar, eru á henni tvær dyr,
fordyrið stóra fyrir miðju og annað austar. Þegar gengið er inn um
aðalinnganginn, verður fyrst fyrir vindfang, en inn úr því aðrar dyr
í forsalinn sjálfan. Forsalurinn (sbr. 4. mynd) er ca. 10X12 metrar,
nær alveg upp úr og fær birtu sína um stóra glugga, sem eru efst móti
suðri, þannig að Ijósið fellur með mönnum, þegar inn er gengið.
Hér er gert ráð fyrir nokkrum höggmyndum, og einnig því, að
veggirnir verði skreyttir, t. d. freskum.
Vesturálma, neðri hœð. Þegar hér er komið, tekur hið eiginlega
safn við á vinstri hönd (fatahengi utarlega til hægri), og verður þá
fyrst fyrir mönnum mikill höggmyndasalur, ca. 8X24 m, (sjá 2. mynd)
og er gengið í hann niður örfá þrep. Hér er gert ráð fyrir að geyma
hinar smærri höggmyndir og allar þær, sem ekki má hafa úti. Gólf-
flöturinn er hér lægri en annarsstaðar í húsinu, en það er gert til þess
að fá aukna hæð og hærri birtu.
Þegar komið er upp þrepin í hinum endanum, tekur við pallur, sem
tengir salina beggja megin með jöfnum gólffleti. Hér eru einnig
myndir og bekkir til hvíldar.
Til vinstri taka við tveir málverkasalir, ca. 8X12 metrar til samans.
Annar þeirra fær birtu sína um glugga á móti vestri, hinn á móti
austri, en suðurveggurinn er heill. Ef á þarf að halda, má taka skil-
rúmið og nota þá í einu lagi.
Héðan tekur við annar salur nokkru minni, með glugga móti vestri,
en síðan þrír, sem allir vita í norður. Þeir stærstu, sem skipta má með