Tímarit Máls og menningar - 01.05.1949, Blaðsíða 83
OPINBERT LISTASAFN Á ÍSLANDI
145
Inn úr sýningarsalnum er síðan geymsla, lítið herbergi og lyfta,
sem er í sambandi við bakdyrnar, svo ekki þurfi að flytja sýningar-
gripi um forsalinn.
Austurálma, neðri hœð (Sjá 2. mynd). Inn í neðri hæð austur-
hlutans er gengið um dyr, sem eru fyrir miðjum hægra vegg forsalsins.
Fyrst er komið inn í litla forstofu, en þaðan eru dyr inn í salerni,
aðrar í veitingasal, og þær þriðju inn í aðra af tveim skrifstofum. A
annarri teikningu hefur Skarphéðinn gert ráð fyrir því, að salernum
verði komið fyrir undir tröppum í forsal, og væri sú úrlausn að lík-
indum betri.
Það er einnig nokkur nýlunda í safnbyggingum, að gert sé ráð fyrir
veitingasal, en eins og allir þekkja, sem söfn hafa sótt, er slíkt ekki
sízt nauðsynlegt. Hér geta bæði þeir, sem sjálft safnið sækja og einnig
þeir, sem sitja við lestur á bókasafninu, fengið sér hressingar, auk
þess, sem hann er aðgengilegur beint að utan fyrir þá, sem kannske
sækja höggmyndagarðinn en ekki safnið sjálft.
Fyrir framan veitingasalinn er lítill gangur, sem veit annars vegar
inn í bókasafnið en hins vegar inn í skrifstofu safnsins. Með þessu
skipulagi má þannig koma á skrifstofuna, bókasafnið og veitingasalinn
beint að utan, án þess að ganga þurfi um fordyri hússins.
í bókasafninu mundu verða geymdar allar þær bókmenntir um
listir, sem föng væru á, jafnframt mundi þar vera safn tímarita, ljós-
mynda og prentaðra eftirmynda af erlendum sem innlendum listaverk-
um. Inn úr því er lítið, aðskilið námsherbergi og geymsla.
Auk þessa, sem upp hefur verið talið, er hér að sjálfsögðu eldhús
í beinu sambandi við veitingastofuna, og hefur það útgang um bak-
dyrnar. Því er enn fremur þannig fyrir komið, að það hefur hentugan
aðgang að lyftu upp á efri hæðina. Þetta er einkar þægilegt, því að oft
getur það komið fyrir, að nota þurfi stóra sýningarsalinn uppi fyrir
veizlur, t. d. í sambandi við komu erlendra gesta, listamannaþing
o. s. frv., og er öll aðstaða til þess þannig gerð mjög handhæg.
Það eina, sem mér virðist mega betur fara í skipun þessarar hæðar
er það, að veitingasalurinn ætti frekar að vita á móti suðri, bæði
vegna birtu og útsýnis. Þetta atriði hefur Skarphéðinn að vísu athugað,
og hefur í öðrum uppdráttum skipt á staðsetningu bókasafns og veit-
ingastofu, en ef því yrði fylgt, verður jafnframt að opna greiðari að-
10