Tímarit Máls og menningar - 01.10.1969, Side 20

Tímarit Máls og menningar
LEIÐsÖgumaðurinn: Það skilur enginn.
KÚLÍINN: Vegurinn yfir eyðimörkina versnar eftir því sem á líður. Vonandi
þola fætur mínir raunina.
leiðsögumaðurinn: Örugglega.
KÚlíinn: Eru ræningjar hér?
LEIÐSÖGUMAÐURINN: Við hljótum að verða þess varir á leiðinni í dag, alls-
konar trantaralýður safnast saman í grennd við stöðina.
kúlíinn: Og svo?
LEIÐSÖgumaðurinn: Þegar við höfum Mír-fljótið að baki ríður á að þræða
leiðina milli vatnsbólanna.
kúlíinn: Þú þekkir leiðina?
LEIÐSÖGUMAÐURINN: Já.
Kaupmaðurinn hefur heyrt raddir. Hann fer að hurðarbaki til að hlusta.
kúlíinn: Er Mír-fljótið erfitt yfirferðar?
leiðsögumasurinn : Á þessum árstima yfirleitt ekki. En þegar vöxtur er í
ánni er straumurinn afar þungur og lífshættulegur.
kaupmaðurinn : Hann talar þá við burðarkarlinn. Hjá honum getur hann
setið! Með honum reykir hann!
kúlíinn: Hvað er þá til ráða?
LEIÐSÖgumaðurinn: Oft þarf maður að bíða átta daga til að komast heill á
húfi yfirum.
kaupmaðurinn: Sjáum nú til! Hann ráðleggur honum þá að hafa sitt fram
með hægðinni og láta sér vera annt um hið dýrmæta líf sitt! Þetta er hættu-
legur náungi. Hann mun einlægt veita honum ásjá. Þessi maður lætur
aldrei neitt að sér kveða, það er augljóst mál. Ef hann er þá ekki vís til
hins versta. Frá og með deginum í dag verða semsagt tveir á móti einum,
minnstakosti leynir sér ekki að hann er smeykur við að þjarma að þeim
sem undir hann er settur, einmitt núna þegar við leggjum á mannlausa
eyðimörk. Ég verð skilyrðislaust að losa mig við þennan mann. Hann
gengur til þeirra. Ég fól þér það hlutverk að líta eftir hvort vel væri húið
um farangurinn. Nú skulum við sjá, hvort þú framkvæmir skipanir mínar.
Hann þrífur kröftuglega í burðaról svoað hún slitnar. Kallast þetta vel
bundið? Ef ólin slitnar tefjumst við í heilan dag. En það er nú einmitt
það sem þú vilt: tafir.
LEIÐSÖGUMAÐURINN: Ég vil engar tafir. Og ólin slitnar ekki ef ekki er verið
að toga í hana.
114