Fjarðarpósturinn - 15.01.2015, Blaðsíða 6

6 www.fjardarposturinn.is FJARÐARPÓSTURINN | FIMMTUDAGUR 15. JANÚAR 2015
Það ríkti eftirvænting á Völl­
unum á miðvikudaginn í síðustu
viku því þá ætlaði innanríkis­
ráðherra, Ólöf Nordal, að gera
tilraun til lendingar á Boeing 757.
Í risastóru húsi við Flugvelli hefur
Icelandair komið fyrir nýjum
glæsilegum flug hermi þar sem öll
þjálfun flug manna félagsins mun
nú fara fram. Í þessum flughermi
fékk innanríkisráðherra að setjast
í flugmannssætið og með aðstoð
flugstjóra lenti hún Boeing 757
flugvél heilu og höldnu í New
York.
Aðstæður í flugherminum eru
mjög raunverulegar og útsýnið
þegar komið er inn til lendingar
magnað og raunverulegt. Það eina
sem flugmennirnir fá ekki í
flugherminum er þjónusta flug­
freyjanna og þurfa því að sækja
sitt kaffi sjálfir. Hins vegar gefst
eflaust lítill tími til kaffidrykkju
því flughermirinn verður mikið
notaður að sögn Þorgeirs Har alds­
sonar yfirflugstjóra hjá Icelandair.
Segir hann að stefnt sé að því að
hann verði notaður frá því
eldsnemma á morgnana og
jafnvel fram á nóttina. Þörfin er
mikil hjá Icelandair sem hefur
fjölgað sínum flugmönnum mikið
auk þess sem stefnt sé að því að
selja tíma til erlendra flugfélaga
þegar álagið er minna, t.d. yfir
hásumarið og jafnvel á næturna.
Flughermirinn er með mjög
fullkomnum myndvörpum sem
líkja eftir útsýni úr flug stjórnar­
klefa og á tjökkum sem hreyfa
hann og skapa þá tilfinningu hjá
flugmönnum að þeir séu að fljúga
við raun verulegar að stæð ur.
Flughermir af þessari gerð
hreyfist á tjökkum sem eru raf­
drifnir í stað vökva drifinna tjakka
sem eldri flug hermar hreyf ast á.
Flughermirinn er í fyrsta áfanga
þess húsnæðis sem byggt verður á
Flugvöllum 1 en alls er gert ráð
fyrir rúmlega 4 þúsund fermetra
húsnæði á um 1.800 fermetra
grunnfleti. Í næsta áfanga eru
áhafnarherbergi, kennslustofur og
fl. en skrifstofur eru áætlaðar í
austasta hlutanum.
Lóðin er tæpir 43.000 fer metrar
sem gefur möguleika á aukinni
uppbyggingu síðar. Alls er gert
ráð fyrir 298 bílastæðum á lóðinni
við Flugvelli sem er í raun engin
gata því ekið er inn á lóðina frá
Selhellu.
Ólöf Nordal skemmti sér vel við stjórnvölinn.
New York lending í Hafnarfirði
Nýr flughermir tekinn í notkun á Flugvöllum
Flughermirinn er gríðarstór og færist hratt til á rafdrifnum
tjökkum sem líkja eftir hreyfingum á flugi.Rósa Guðbjartsdóttir, formaður bæjarráðs, Birkir Hólm Guðna son,
framkvæmdastjóri Icelandair, Hilmar B. Baldursson, flug rekstr ar­
stjóri og Ólöf Nordal innanríkisráðherra klippa á borðann.
Það fór vel á með þjálfunarflugstjórum Icelandair og Unni Láru
Bryde bæjarfulltrúa og flugfreyju hjá Wow air.
Þorgeir Haraldsson
yfirflugstjóri hjá Icelandair.
Ert þú
ekki gera ekki neitt
týpa?
Motus ehf. er leiðandi fyrirtæki
á sviði kröfustjórnunar (Credit
Management Services).
Hjá Motus starfa rúmlega 140
starfsmenn á 12 starfsstöðvum
um land allt. Meðal viðskipta-
vina Motus eru m.a. fjölmörg af
stærstu fyrirtækjum og
stofnunum landsins.
Motus er samstarfsaðili Intrum
Justitia, sem er markaðsleiðandi
fyrirtæki í Evrópu á sviði
kröfustjórnunar.
M
O
T
01
15
-0
4
Hafnarfjörður - Þjónustufulltrúi
Motus leitar eftir þjónustufulltrúa í Greiðendaþjónustu
á nýja skrifstofu fyrirtækisins í Firði, Hafnarfirði.
Starfið felst í almennri vinnslu innheimtumála á milliinnheimtu- og lögfræðisviði.
Reynsla af skrifstofu- og/eða bankastörfum er kostur.
Helstu verkefni
• Afgreiðsla og upplýsingagjöf til greiðenda
• Símsvörun og hringingar í greiðendur
• Gerð samninga og greiðslusamkomulaga
• Ýmis skjala- og tölvuvinnsla
Hæfnisþættir
• Framúrskarandi samskiptahæfileikar
• Þjónustulund
• Nákvæm vinnubrögð
• Góð almenn íslensku- og tölvukunnátta
Nánari upplýsingar veitir Sigurbjörg D. Hjaltadóttir, starfsmannastjóri
Motus, í síma 440 7122. Vinsamlegast sækið um á heimasíðu okkar,
www.motus.is. Umsóknarfrestur er til og með 22. janúar 2015.
Ráðið verður í starfið sem fyrst.