Fjarðarpósturinn - 22.04.2015, Blaðsíða 2

2 www.fjardarposturinn.is FJARÐARPÓSTURINN | MIÐVIKUDAGUR 22. APRÍL 2015
Á mánudaginn var jákvæður
og vel sóttur fundir í skáta­
heimilinu um framtíðar notkun á
Víðistaðatúni. Þriggja manna
pólistísk nefnd var sett í það
hlutverk að vinna að málinu og
hafði hún þegar sett fram
hugmyndir um grillaðstöðu og grasbólur og jafnvel
hvar á túninu grillaðstaðan eigi að vera. Samt er ekki
til nein stefna um garða og útivistarsvæði í
Hafnarfirði. Enginn veit enn hvað gera eigi við Óla
Runs tún. Engin er stefna um það hvort fjölga eigi
almenningsgörðum í bænum eða hvar þeir ættu þá að
vera. Það er frábært ef vilji er til að að bæta við
þjónustu á Víðistaðatúni en þá verða menn líka að
ganga skefið til fulls. Í dag er alltof litlu fjármagni
varið til viðhalds útivistarsvæðum í bænum, viðhaldi
gróðurs, stígum og slíku. Verður viðhaldið aukið á
Víðistaðatúni? Á fundinum komu fram margar
bráðskemmtilegar hugmyndir en flestar kalla á meira
viðhald og jafnvel umsjá. Er gert ráð fyrir fjármunum
í slíkt. Það er til lítils að vekja vonir bæjarbúa ef ekki
á að stíga skrefið til fulls. Þá er betra heima setið en
af stað farið. Alltof oft er aðeins lítill blettur skoð aður
í einu. Dæmi má nefna um Óla Runs tún, Dvergslóðina
og nú er jafnvel verið að bjóða upp í dans með
húsbyggingar inni í sundlaugargarðinum í
Suðurbæjarlaug. Er það í framtíðarhugmyndum
bæjarstjórnar um sundlaugargarðinn að þar verði
byggt stórhýsi? Blettaskipulag er orðið jafn hafnfirskt
og orðið rambelta. Af því síðara er ég stoltur en ég
skammast mín fyrir hitt. Blettaskipuleggjum ekki
útivistarsvæðin okkar. Horfum á stóru myndina.
Menningarhátíðin Bjartir dagar hófst í dag. Stendur
hún til sunnudags og er fjölmargt í boði. Flest er frítt
en selt er inn á ýmsa tónleika. Bæjarbúar eru hvattir
til að skoða dagskrána vel, sýna sig og sjá aðra í
miðbænum á sama tíma og þeir fá að upplifa eitthvað
spennandi eða bara framandi, hvort sem það er í
myndlist, tónlist eða öðru. Því miður er hátíðin ekki
svipur af sjón eins og hún var á árum áður þegar hún
stóð yfir í mun lengri tíma. Sumardagurinn fyrsti
kryddar hana og tónlistarhátíðin Heima sem býður
upp á 13 tónleika í 13 heimahúsum. Endurspeglar
þetta þröngan fjárhag bæjarins og sennilega líka
takmarkaða þátttöku hins almenna Hafnfirðings. En
það er til lítils að halda hátíð fyrir bæjarbúa ef þeir
sitja svo heima eða fara annað þegar hátíðin er.
Fögnum því að enn er töluð íslenska í miðbæ
Hafnarfjarðar. Kannski verður það ekki sjálfsagt eftir
10­20 ár.
Guðni Gíslason ritstjóri.
leiðarinn
Útgefandi: Keilir ehf. kt. 480307-0380
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf.
Ritstjóri: Guðni Gíslason
Ábyrgðarmaður: Steingrímur Guðjónsson.
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. • Dreifing: Íslandspóstur
ISSN 1670-4169 Vefútgáfa: ISSN 1670-4193
www.fjardarposturinn.is
www.facebook.com/fjardarposturinn
Sunnudagur 26. apríl
Messa kl. 11
Prestur sr. Jón Helgi Þórarinsson.
Jóhanna Ósk Valsdóttir syngur.
Organisti Douglas E. Brotshcie.
Sunnudagaskóli kl. 11
í umsjón Önnu Elísu.
Þriðjudagur 28. apríl
Hádegistónleikar kl. 12.15
Haukur Guðlaugsson leikur.
Aðgangur ókeypis.
www.hafnarfjardarkirkja.is.
HAFNARFJARÐARKIRKJA
1914 - 2014
Sumardagurinn fyrsti, 23. apríl
Fermingarguðsþjónustur
kl. 10, 12 og 14
Sunnudagurinn 26. apríl
Fjölskylduguðsþjónusta kl. 11
Kór og hljómsveit kirkjunnar leiða sönginn.
Fjör og gleði. Notaleg samverustund í
kirkjunni fyrir alla fjölskylduna og
allir velkomnir.
Fylgist með okkur á www.frikirkja.is
35 ár
Stolt að þjóna ykkur
Útfararskreytingar
kransar, altarisvendir,
kistuskreytingar,
hjörtu
Bæjarhrauni 26
Opið til kl. 21 öll kvöld
Símar 555 0202 og 555 3848
www.blomabudin.is
Sunnudaginn 26. apríl
Messa kl. 11
Kór Ástjarnarkirkju syngur
undir stjórn Matthíasar V. Baldurssonar.
Prestur er sr. Úrsúla Árnadóttir.
Sunnudaskóli
á sama tíma
www.astjarnarkirkja.is
Sumarið kemur í Víðistaðakirkju...
Sumardagurinn fyrsti
Skátamessa kl. 13
Prestur: Sr. Halldór Reynisson – Ræðumaður: Linda Hrönn Þórisdóttir.
Söngfólk úr Skátakórnum aðstoðar.
Sunnudagur 26. apríl
Fjölskyldustund – blómamessa kl. 11
Barnakórinn syngur undir stjórn Helgu Þórdísar. Börnin í barnastarfinu sýna leikrit.
Á eftir förum við út, grillum pylsur, förum í leiki og fáum að fara á hestbak.
Kirkjan er blómum skrýdd í tilefni af sumarkomunni.
www.vidistadakirkja.is
Breyta á innritunar­
reglum í leikskóla
Í fundargerð fræðsluráðs „vilja bæjaryfirvöld koma
eftirfarandi á framfæri“. Undir þessari sérstöku
yfirskrift segir m.a. að verið sé að „leita leiða um
hvernig hægt sé að breyta innritunarreglum leikskóla
með það að markmiði að stíga fyrstu skref í að lækka
innritunaraldur barna í leikskóla bæjarins og að
reglurnar séu gagnsæjar og skýrar.“
Foreldrar hafa margir spurt hvort ekki sé fyllt í laus
rými í leikskólum á öðrum tímum en á haustin en svör
eru loðin og því virðist ekki vera hægt að framfylgja
skólastefnu bæjarins sem gera ráð fyrir að börn fái
leikskólavist við 18 mánaða aldur. Hins vegar er bent á
að niðurgreiðslur vegna barna hjá dagforeldrum hækka
í þeim mánuði sem barnið verður 2ja ára.
Hvaleyrarskóli
Átta vilja verða
skólastjórar
Staða skólastjóra Hvaleyrarskóla var nýlega auglýst
laus til umsóknar. Átta sóttu um stöðuna, sjö karlar og
ein kona. Þau eru: Axel Axelsson, Björn Vilhjálmsson,
Friðjón Már Vilhjálmsson, Hálfdán Þorsteinsson,
Hreinn Þorkelsson, Kristinn Guðlaugsson, Ragnhildur
Einarsdóttir og Steinar O. Stephensen.