Fjarðarpósturinn - 22.04.2015, Blaðsíða 4

4 www.fjardarposturinn.is FJARÐARPÓSTURINN | MIÐVIKUDAGUR 22. APRÍL 2015
Stangaveiðifélag Hafnarfjarðar
„Kvöldið fyrir
sumardaginn fyrsta“
Nú er vetrarstarfi félagsins að ljúka og því mun hið
árlega lokakvöld okkar verða haldið í félagsheimili
SVH að Flatahrauni 29, miðvikudagskvöldið 22. apríl. Auðvitað
verður svo happadrættið á sínum stað og fleira skemmtilegt.
Allir velkomnir, og félagar endilega takið með ykkur gesti.
Húsið opnað kl. 20. – Við viljum svo minna félaga okkar á
Hreinsunarhelgina í Hlíð næstu helgi, 25.-26. apríl.
Fræðslu og skemmtinefnd SVH
Heimilisbókhald Hafnarfjarðarbæjar
„Peningar eru ekki allt, aðeins
um það bil 87,5%“, er haft eftir
danska ferðamálafrömuðinum
Simon Spies, sem var litríkur
karatker og fyrirferðamikill í
opinberri umræðu á ofanverðri
síðustu öld.
Árangur sveitarfélaga er
mældur í magni og gæðum
þeirrar þjónustu sem hægt
er að veita íbúum og fyrir­
tækjum í bænum. „Ef fjár­
málin eru ekki í lagi þá er
líklegt að annað sé heldur
ekki í lagi“ sagði Gunn­
laugur Júlíusson, sviðsstjóri
hjá Sambandi íslenskra
sveit arfélaga, á námskeiði
fyrir sveitarstjórnarmenn um
síðastliðna helgi. Enda byggir öll
þjónusta á því að nægt fjármagn
sé tiltækt til að halda henni úti.
Eru fjármál
Hafnarfjarðarbæjar í lagi?
Það fer alveg eftir því hvern
maður spyr, hvort þessari spurn­
ingu er svarað játandi eða neit­
andi. Það er mjög ruglandi. Í
hrun inu voru þau ekki í lagi og í
kjöl farið fengum við opinbera
eftirlitsnefnd sem við upplýsum
á 3ja mánaða fresti hvernig
staðan er. Bærinn hefur uppfyllt
skilyrðin sem honum voru sett
að mestu leyti, en þó ekki alveg.
Ársreikningur bæjarfélagsins
fyrir árið 2014 var lagður fram til
fyrri umræðu í bæjarstjórn í síð­
ustu viku. Þar kemur fram að í
rekstri bæjarins, þar sem tekjur
og útgjöld eru nánast sama upp­
hæðin, nálægt 20 milljörðum,
standa eftir í kassanum í árslok
heilar 76 milljónir, sem eru ekki
nema 0,4% af umfanginu. Í
venju legu heimilisbókhaldi
myndi það heita að maður rétt
nái endum saman og ljóst að
ekki hefði mikið þurft til að
niður staðan færi niður fyrir núll­
ið. Staðan er því viðkvæm enn
um sinn og erfitt að mæta sveifl­
um vegna ytri eða innri aðstæðna.
Til dæmis var ekki borð fyrir
báru í fjárhag bæjarins til að
mæta útgjaldaaukningu vegna
kjarasamninga ársins 2014,
nema með víðtækum aðhalds að­
gerðum á öllum sviðum rekstrar­
ins, sem þó skiluðu okkur ekki
nema rétt yfir núllið.
Hafnarfjörður hefur greitt um
það bil 27,3 milljarða í afborganir
af lánum síðastliðin 13 ár og
hefur tekið svo til sömu upphæð
að láni (27,8 milljarða). Bærinn
hefur jafnframt framkvæmt fyrir
um 25 milljarða á sama tímabili
og á móti því átti hann rekstrar­
afgang upp á um 16 milljarða og
seldi svo eignir fyrir um 6,5
milljarða og tók skammtímalán
fyrir um 2,6 milljarða kr. til að
brúa bilið. Hér hafa semsagt
verið tekin lán til að greiða
af borg anir og seldar hafa verið
eignir og tekin skammtímalán til
þess að eiga fyrir framkvæmdum.
Upp úr þessu fari verður Hafnar­
fjarðarbær að komast.
Aukin þjónusta
Hafnarfjarðarbær veitir ágæta
þjónustu, en ef við eigum að vera
samkeppnishæf um íbúa og
fyrirtæki þá verðum við að bæta
í, því með stöðnun drögumst við
afturúr. Þjónustan verður hins
vegar ekki bætt eða aukin nema
við höfum fjármagn til þess. Gott
dæmi um þetta er vilji allrar
bæjarstjórnar til að lækka inn­
töku aldur barna á leikskólaaldri,
verkefni sem nú um stundir líður
fyrir þrönga fjárhagsstöðu bæjar­
ins og veldur víðtækum áhyggj­
um.
Mikilvægustu verkefnin
Bæjarstjórnin samþykkti sam­
hljóða í vetur tvö mjög mikilvæg
verkefni til þess að komast út úr
þröngri stöðu og auka svigrúm til
úrbóta. Rekstrarúttekt er í gangi á
öllum stofnunum bæjar ins þar
sem markmiðið er að í kjölfarið
verði hægt veita jafn góða eða
betri þjónustu fyrir minni kostnað.
Niðurstöður þess arar rekstrar­
úttektar og að gerðaráætlun um
úrbætur verða kynntar bæjarbúum
nú í vor. Hitt verkefniðer stofnun
Markaðs stofu Hafnarfjarðar þar
sem bær inn hefur boðið fyrir­
tækjum og einstaklingum í sam­
starf um stór eflda markaðs setn­
ingu á bæj arfélaginu til þess að
laða að fleiri öflug fyrirtæki og
þar með íbúa í því augnamiði að
afla aukinna tekna.
Við höfum fulla trú á því að
bæj arstjórnin verði einhuga um
að þessi verkefni gangi eftir og að
við getum horft fram á bjarta
framtíð í rekstri bæjarins strax á
þessu ári.
Höfundar eru bæjarfulltrúar
Bjartrar framtíðar í
Hafnarfirði.
Einar Birkir
Einarsson
Guðlaug
Kristjánsdóttir
Á sumardaginn fyrsta verður
hið árlega Víðavangshlaup
Hafnarfjarðar haldið. Hlaupið
hefst á Víðistaðatúni kl. 11 og
verður hlaupið um Víðistaða­
svæðið. Allir keppendur fá verð­
launapening og sigurvegarar í
flokkum fá bikara. Ekkert þátt­
töku gjald er og skráning verður á
staðnum.
Keppt er í eftirtöldum flokk­
um:
15 ára og eldri
(f. 2000 og fyrr) um 2000 m
6 ára og yngri strákar og stelpur
(f. 2009 og síðar) um 200 m
7­8 ára strákar og stelpur
(f. 2007­2008) um 300 m
9­10 ára strákar og stelpur
(f. 2005­2006) um 400 m
11­12 ára strákar og stelpur
(f. 2003­2004) um 600 m
13­14 ára piltar og telpur
(f. 2001­2002) um 1000 m
Keppendur 15 ára og eldri
verða ræstir fyrstir. Þá hefst
keppnin hjá þeim yngstu og upp
úr, yngstu byrja um kl. 11.05.
Undanfari verður með yngstu
keppendunum.
Frjálsíþróttadeild FH sér um
framkvæmd hlaupsins fyrir
Hafnarfjarðarbæ. Nánari upplýs­
ingar um hlaupið veitir Sigurður
í síma 6645631.
Sumardagurinn fyrsti
Víðavangshlaup Hafnarfjarðar
Nemendur í 10. bekk GB í
Setbergsskóla voru að læra
mannréttindi í Samfélagsfræði.
Kynntust þau m.a. örbirgð í
heiminum og í framhaldi af því
vildu þau leggja eitthvað að
mörkum. Hófu þau söfnun
meðal nemenda í unglingadeild
skólans og náðu að safna
rúmlega 90 þúsund krónum.
Þau ákváðu að færa fulltrúa
Unicef á Íslandi upphæðina í það
sem nefnt er Sannar gjafir hjá
Unicef. Völdu krakkarnir að gefa
eina vatnsdælu, vatnshreinsi­
töflur, bóluefni fyrir mænusótt
og fyrir mislingum, jarðhnetu­
mauk, ormalyf, moskítónet og 5
fótbolta.
Fulltrúi Unicef þakkaði
gjafirnar og sagði að nemendurnir
gætu verið virkilega stoltir.
Gjafirnar kæmu að góðum
notum þar sem neyðin væri
mest.
Unglingar söfnuðu fyrir
fólki í neyð
Keypt vatnsdæla, bóluefni og fleira
Hluti nemenda í 10. bekk GB í Setbergsskóla.
Þær Björg og Kamila færa fulltrúa Unicef á Íslandi rúmlega 90
þúsund kr. sem bekkurinn safnaði meðal unglinga í skólanum.
Lj
ós
m
.:
G
uð
ni
G
ís
la
so
n
Lj
ós
m
.:
G
uð
ni
G
ís
la
so
n
„Elsku ég“
Foreldrar með barnavagn áttu ekki annan kost en að fara út á
götu. Á Brekkutröð eru greinilega margir mjög sjálfselskir.