Fjarðarpósturinn - 07.05.2015, Blaðsíða 4

4 www.fjardarposturinn.is FJARÐARPÓSTURINN | FIMMTUDAGUR 7. MAÍ 2015
Öllum fastráðnum boðin
vinna í Tækniskólanum
Stjórn Tækniskólans bregst við gagnrýni
Stjórn Tækniskólans hefur
ákveðið vegna fyrirhugaðrar
sameiningar Tækniskólans og
Iðnskólans í Hafnarfirði að bjóða
öllum fastráðnum starfsmönnum
Iðnskólans í Hafnarfirði störf við
Tækniskólann. Starfstengd rétt­
indi haldast óbreytt og flytjast
yfir í sameinaðan skóla. Þetta
kemur fram í yfirlýsingu sem
stjórn skólans hefur sent frá sér.
Jafn framt vill stjórn Tækni­
skólans árétta eftirfarandi:
• Tækniskólinn mun reka
áfram skóla í Hafnarfirði í núver­
andi húsnæði Iðnskólans í
Hafnarfirði og þeim öðrum
húsum sem hann hefur til afnota.
• Með sameiningunni er stefnt
að því að byggja enn frekar undir
öflugt iðn­ og starfsnám með
fjölbreyttu námsframboði og
sterkum einingum.
• Stefnt er að því að með
sameiningunni náist fram
hagræðing á lengri tíma sem
muni skila sér í bættri þjónustu
við nemendur og starfsfólk. Á
næstu misserum verði skoðað
hvernig námi, námsframboði og
rekstri sameinaðs skóla verði
best fyrirkomið.
• Fyrst um sinn verður náms­
framboð Tækniskólans í Hafnar­
firði að mestu óbreytt en síðan
verður skoðað í samráði stjórn­
enda og starfsfólks með hvaða
hætti námi verði best fyrirkomið.
Stjórn Tækniskólans telur, í
ljósi fækkunar nemenda í fram­
haldsskólunum almennt og þar
af leiðandi þrengri fjárhags, þá
standi skólarnir betur að vígi
sameinaðir til að efla starfs­ og
iðnnám en hvor í sínu lagi eins
og verið hefur. Sameinaðir geti
skólarnir boðið nemendum sín­
um breiðara nám með fleiri
valkostum og þannig stuðlað að
eftirsóttara og öflugra námi.
Fyrir hönd stjórnar
Tækniskólans ehf.
Bolli Árnason, formaður
stjórnar, Jón B. Stefánsson
skólameistari.
Hef hafið störf á Gallerí útlit
Tek að mér almennar fótaaðgerðir ásamt snyrtingum.
Hef áralanga reynslu.
Verið velkomin að panta tíma í síma 555 1614.
Arnhildur G. Leifsdóttir
löggiltur fótaaðgerðafræðingur og snyrtifræðingur
www.galleriutlit.isBæjarhrauni 6, í Hafnarfirði, sími 555 1614
Á þessu skólaári hefur staðið
yfir tilraunaverkefni fræðslu­
þjónustu Hafnarfjarðar bæjar og
Rannís um þátttöku í eTwinning,
rafrænu skólasamtarfi í Evrópu.
Það fólst í því að skólastjórnendur
og kennarar í grunnskólum bæj­
ar ins voru fræddir um eTwinning
í upphafi skólaársins og í
kjölfarið haldið vetrarlangt nám­
skeið fyrir áhugasama kenn ara.
Kennararnir hittust fjórum sinn­
um á árinu jafnframt því að fá
stuðning á vefnum. Nám skeiðið
var leitt af þremur kennurum
með mikla reynslu af eTwinning
ásamt verkefnisstjóra Rannís,
með stuðningi fræðslu þjónustu
Hafnarfjarðarbæjar.
Markmið verkefnisins var að
auka verulega þátttöku í eTwinn­
ing. Kennurum sem skráðir eru í
samfélagið fjölgaði um meira en
helming, úr 38 í 65. Samstarfs­
verkefnin eru um þrefalt fleiri,
voru 8 en eru nú 22 og fjöldi
kenn ara í samstarfi nær tvö fald­
aðist, úr 10 í 18. Endanleg áhrif
verkefnisins verða hins vegar
ekki ljós fyrr en á komandi
skóla ári.
Fjórum kennurum boðið á
evrópska vinnustofu
Samkvæmt samkomulagi um
verkefnið býður Rannís fjórum
kenn urum í Hafnar firði á
evrópska starfsþróunar vinnu­
stofu. Dregið var á milli allra
sem höfðu tekið þátt í eTwinning
sam starfi í Hafnarfirði á skól­
aárinu sem nú er að ljúka. Vinnu­
stofan verður í Hasselt í Belgíu í
byrjun júní 2015 en þar koma
yfir eitthundrað kennarar saman
allstaðar að úr Evrópu. Einn liður
í eTwinning er einmitt að styrkja
kennara til þátttöku í slíkum
vinnustofum.
Spennandi verkefni
„eTwinning í Hafnarfirði
skólaárið 2014­15 hefur verið
spennandi tilraun,“ segja þeir
Guðmundur I. Markússon hjá
Rannís og Vigfús Hallgrímsson
hjá fræðsluþjónustu Hafnar fjarð­
ar bæjar.
„Þetta er í fyrsta skipti sem
Rannís tekur höndum saman
með sveitarfélagi um að fylgja
kennurum eftir í eTwinning. Við
fyrstu sýn virðist vel hafa tekist
til og verður spennandi að sjá
hvert framhaldið verður á kom­
andi skólaári,“ segir Guð mundur.
eTwinning
eTwinning er Evrópuáætlun
um rafrænt skólasamstarf sem er
hluti af menntaáætlun ESB,
Erasmus+. eTwinning er skóla­
samfélag á netinu þar sem hægt
er að komast í samband við
evrópska kennara og skóla, taka
þátt í einföldum samstarfs­
verkefnum með nemendum, og
sækja sér endurmenntun. Þátt­
taka í eTwinning er skólum að
kostnaðarlausu og veitir Rannís
stuðning og þjónustu endur­
gjaldslaust. Nánari upplýsingar
um eTwinning er að finna á:
www.etwinning.is
Frá námskeiði með áhugsömum kennurum.
Velheppnað samstarf milli eTwinning
og grunnskóla Hafnarfjarðar
Rafrænt skólasamstarf í Evrópu
Það er alltaf gaman í Gaaraleikhúsinu
Sumarnámskeið fyrir börn
7-9 ára og 10 -12 ára
15.-27. júní og 30. júní -11. júlí
Skráning í síma 565 5900 og
namskeið@gaaraleikhusid.is
gaaraleikhusid.is
Hjallastefnan vill
í Engidalsskóla
Sóttu um eftir fréttaflutning af málinu
Fjarðarpósturinn greindi frá
því í síðasta blaði að verið væri
verið að skoða nýtingu Hjalla­
stefnunnar á húsnæði Engidals­
skóla þar sem fyrir er starfsemi
1.­4. bekkjar Víðistaðaskóla og
leikskólans Álfabergs.
Daginn sem blaðið kom út
ritaði framkvæmdastjóri Hjalla­
stefnunnar ehf. fræðsluráði bréf
og óskaði eftir viðræðum við
bæjaryfirvöld um möguleg afnot
á hluta af húsnæði Engidalsskóla
þar sem hægt væri að bjóða upp
á skólastarf fyrir 5.­6. bekk á
vegum Hjallastefnunnar.
Neita bæði Rósa Guðbjarts­
dóttir, for maður fræðsluráðs og
Guð laug Kristjánsdóttir, forseti
bæjar stjórnar að hafa skoðað
húsnæðið með fulltrúum Hjalla­
stefnunnar og dregur Fjarðar­
pósturinn þá frétt til baka.
Ljóst er þó að leikskólastjóri
tók á móti fulltrúum Hafnar­
fjarðar bæjar og Hjallastefnunnar
og þeim sýnt húsnæðið áður en
nokkur um ræða hafði farið fram
í fræðslu ráði um málið.
Erindi Hjallastefnunnar var
tekið fyrir á fundi fræðsluráðs sl.
mánudag og var fræðslustjóra, í
sam starfi við Fasteignafélagið,
fal ið að ganga til viðræðna við
Hjalla stefnuna um að fá aðstöðu
í Víði staðaskóla í Engidal til
kennslu á miðstigi frá næsta
hausti.
Aðkoma úr bíla­
kjallara Fjarðar
Skipulags­ og byggingarráð
hefur samþykkt að innkeyrsla í
bílakjallara Strandgötu 26­30
(þar sem Hafnarfjarðarbíó og
Kaupfélagið stóðu) verði í
gegnum bílakjallara Fjarðar.
Var Fasteignafélagi Hafnar­
fjarð ar falið að útfæra hug­
myndina í samráði við hönnuð
Strandgötu 26­30. Skipulags­
og byggingarráð samþykkir að
auglýsa deiliskipu lags breyt ing­
una skv. 43. gr. skipulagslaga
nr. 123/2010 þegar leiðréttur
uppdráttur hefur borist.
Ekki þörf á skrif­
stofu húsnæði
Skipulags­ og byggingarráð
synjaði á fundi sínum erindi
Skógar hlíðar ehf. sem vildi
fjölga rýmum úr 10 í 20 á
Breið hellu 16. Ástæðan er að
ekki er talin fyrirsjáanleg þörf á
skrifstofuhúsnæði á iðnaðar­
svæð inu.
Listaverk á gafl
Ingvar Björn hefur óskað eftir
að setja upp útilistaverk á gafl
Bókasafnsins að Strandgötu 1.
Skipulags­ og byggingarfulltrúi
vísaði erindinu til skipulags­ og
byggingarráðs sem nú hefur
lagt til að menningar­ og ferða­
málanefnd óski eftir hug­
myndum um nánari útfærslu á
uppsetningu listaverka á hús­
göflum í bænum.
Listaverkið sem Ingvar vill
setja upp er eftir hann en er í
eigu UNESCO.