Fjarðarpósturinn - 18.06.2015, Blaðsíða 2

2 www.fjardarposturinn.is FJARÐARPÓSTURINN | FIMMTUDAGUR 18. JÚNÍ 2015
Á morgun verður því fagnað
að 100 ár eru liðin frá því að kon­
ur fengu fyrst að kjósa til Alþing­
is. Það er í raun ótrúlegt að það
sé svo stutt síðan enda skartaði
Ísland fjölmörgum kvenskör­
ungum í gegnum aldirnar.
Greini lega voru hefðirnar svo sterkar og barátta fyrir
kosningarétt var ekki hávær. En í karlaveldi er ekki
víst að slík barátta hafi fengið að hljóma hátt.
Í dag hafa karlar og konur sama rétt. Um það efast
ég ekki neitt. Samt finnst mér eins og keppst sé við að
búa til mun á rétti karla og kvenna. Er oft ætlað að
eitthvað hefði verið á annan veg ef karl hefði átt í hlut.
Þetta finnst mér í raun móðgun við jafnréttið.
Jafnrétti snýst ekki aðeins um jafnrétti kynjanna.
Konur og karla verða aldrei eins, frekar en ungir og
gamlir. Það er svo margt sem gerir okkur misjöfn,
ekki síst okkar eigin hugur. Það að hafa rétt til að gera
það sama og næsti maður, gerir okkur ekki skylt að
gera slíkt. Og jafnvel þó við höfum rétt er ekki víst að
við höfum hæfileika til slíks. Mesta vandamál okkar
er það að við erum sífellt að flokka fólk. Feita fólkið,
horaða fólkið, útlendingar, dökkt fólk, samkynhneigt
fólk, sjúklingar, öryrkjar, gamalt fólk, ungmenni,
fjölskyldufólk og svona mætti lengi telja. Þó við
eldumst þurfum við ekki að telja okkur með eldri
borgurum og þó við veikjumst þurfum við ekki að
skilgreina okkur sem sjúkling. Þó við missum ein­
hvern þrótt til vinnu vegna veikinda eða slysa þurfum
við ekki að skilgreina okkur sem öryrkja þó við séum
skilgreind með einhverja örorku. Við erum það sem
okkur finnst við vera án þess að þurfa að skilgreina
okkur í einhvern flokk.
Mér finnst svo sjálfsagt að það sé jafnrétti kynjanna
á Íslandi að mér finnst hreinlega asnalegt þegar sífellt
er verið að hampa því þegar fyrsta konan gerir þetta
eða hitt. Meðan við teljum það merkilegt að jafnréttið
virki er eitthvað meira en lítið að í okkar huga. En
umræðan er að verða gegnsýrð af undarlegri áráttu að
gera mun á körlum og konum meiri en hann er. Þegar
fólk er farið að draga í efa að það þjóni jafnréttis­
hugsjónum að tala um að einhver sé drengur góður þá
finnst mér vera of langt gengið.
Vitlausasta hugmynd sem ég hef heyrt í jafnréttis­
baráttunni (lesist kvenréttindabaráttunni) er tillaga
eins þingmannsins um að á Alþingi sitji aðeins konur
í ákveðinn tíma! Það er jafn heimskulegt og að hampa
því að nú séu aðeins konur í einhverri stjórninni. Ef
jafnrétti er við líði horfir enginn á kyn fólks enda á
það ekki að skipta máli. Til hamingju með 100 árin!
Guðni Gíslason ritstjóri.
leiðarinn
Útgefandi: Keilir ehf. kt. 480307-0380
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf.
Ritstjóri: Guðni Gíslason
Ábyrgðarmaður: Steingrímur Guðjónsson.
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. • Dreifing: Íslandspóstur
ISSN 1670-4169 Vefútgáfa: ISSN 1670-4193
www.fjardarposturinn.is
www.facebook.com/fjardarposturinn
35 ár
Stolt að þjóna ykkur
Útfararskreytingar
kransar, altarisvendir,
kistuskreytingar,
hjörtu
Bæjarhrauni 26
Opið til kl. 21 öll kvöld
Símar 555 0202 og 555 3848
www.blomabudin.is
Sunnudagur 21. júní
Helgistund kl. 11
Hressing og samfélag á eftir
Fermingar 2016:
www.astjarnarkirkja.is
www.astjarnarkirkja.is
Sunnudagurinn 21. júní
Helgistund kl. 11
Prestur er sr. Þórhildur Ólafs.
Organisti er Douglas Broutchie.
www.hafnarfjardarkirkja.is.
Fulltrúar Samfylkingar og VG
lögðu til á fundi fræðsluráðs á
mánudag að það svigrúm sem skap­
ast vegna minni árganga verði nýtt
til þess að gera raunverulega lækk­
un á inntökualdri leikskólabarna á
þessu ári. Miðað verði við að öll
börn fædd í janúar til apríl 2014 fái
úthlutað leikskólaplássi frá ágúst
2015. „Þá leggjum við einnig til að
starfshópi sem gera átti tillögur
m.a. um greiðslufyrirkomulag og
greiðslu þátttöku vegna gjalda hjá
dag foreldrum, í leikskólum, Tón­
listarskóla, frístundaheimilum og
máltíða í grunnskólum verði gefið
ráðrúm til að ljúka sinni vinnu við
útfærslu á gjaldskrám og auknum
systkinaafslætti. Brýnt er að ekki
verði gengið framhjá þeirra niður­
stöðum.“
Í tillögunni kom einnig fram að
horfið verði frá áætl unum og fyrri
ákvörðunum um lok un starfsstöðva
og deilda og öll pláss nýtt til að
mæta þörfum og óskum fjölskyldna
með ung börn í Hafnarfirði. Fulltrúi
VG var hins vegar fylgjandi lokun
einkarekna leikskólans Bjarma.
Fræðsluráð vísaði tillögunni til
umsagnar í starfshópnum.
Hvernig bæta má læsi og færni í stærðfræði
Skýrsla um málið hefur verið skrifuð fyrir Hafnarfjarðarbæ
Ingvar Sigurgeirsson og Margrét
S. Björnsdóttir hjá Skólastofunni slf.
– rannsóknir og ráðgjöf hafa unnið
skýrslu fyrir Hafnarfjarðarbæ um
það hvernig bæta megi læsi og
kunnáttu í stærðfræði í skólum bæj­
ar ins.
Flestir skólarnir eru komnir nokk­
uð – og sumir vel af stað með verk­
efni sem bæta á læsi í grunnskól um
bæjar ins. Margir grunnskólanna hafa
eða eru að móta læsisstefnu og
fjölmörg áhugaverð verkefni eru
komin í gang sem áríðandi er að
miðla á milli skólanna.
Hins vegar eru skólarnir margir
mun skemmra komnir þegar kemur
að stærðfræðinni í samanburði við
lesturinn.
Bent er á ýmislegt í skýrslunni sem
þurfi að gera til að efla stærðfræði­
kennsluna. M.a. að ráða að Skóla­
skrifstofunni verkefnisstjóra eða
nám sstjóra í stærðfræði. Að styðja
skólana við að koma sér upp fagstjór­
um í stærðfræði. Og að koma upp
fagráði eða faghópi í stærðfræði sem
skipað væri kennurum sem náð hafa
góðum árangri í stærðfræðikennslu.
Úr samantekt
Í samantekt kemur fram að góð
skilyrði eru í leik­ og grunnskólum
bæjarins til að ráðast í verkefni sem
beinist að því að efla nám í lestri og
stærðfræði. Læsisverkefnið, sem í
var ráðist á því skólaári sem nú er að
líða, hefur fengið mjög góðar
undirtektir og mörg áhugaverð verk­
efni eru komin af stað, auk þess sem
eldri verkefni hafa fengið meðbyr.
Koma þarf sérstaklega til móts við þá
nemendur sem eiga sér annað
móðurmál en íslensku.
Í samanburði við lestur, stendur
stærðfræðin veikar í flestum skól­
unum. Mælt er með því að skólarnir
móti sér stefnu varðandi stærðfræði
þar sem sérstaklega verði hugað að
betri samfellu í náminu milli
aldursstiga og milli leik­ og grunn­
skóla.
Í nokkrum skólanna hefur verið
áhersla á kennsluhætti sem reyna á
virkni nemenda, sköpun og hugsun.
Eftirsóknarvert er að þróa þessar
aðferðir með það fyrir augum að
tengja þær betur lesskilningi og
stærð fræði.
Áhugaverð samstarfsverkefni í
nokkrum skólanna sýna vel þýðingu
þess að miðla hugmyndum milli
þeirra. Til greina kemur að verkefni
þvert á skóla fái einhvern forgang
þegar að því kemur að veita styrki.
Mörg sóknarfæri liggja í nánara
samstarfi við foreldra um aukinn
lestur.
Taka þarf ákvörðun um
fjármagn til verkefnisins
Sem fyrst þarf að taka ákvörðun
um það fjármagn sem verður til
ráðstöfunar og setja á fót stýrihóp
fyrir verkefnið. Vel sýnist koma til
greina að fela stýrihópi um læsis­
verkefnið að halda utan um þetta
nýja verkefni.
Vilja lækkun á inntökualdri
Töluvert átak hefur verið gert í að auka áhuga á læsi en hér má sjá nemendur Öldutúnsskóla lesa á Hörðuvöllum.
Lj
ós
m
.:
G
uð
ni
G
ís
la
so
n