Fjarðarpósturinn - 09.07.2015, Blaðsíða 2
2 www.fjardarposturinn.is FJARÐARPÓSTURINN | FIMMTUDAGUR 9. JÚLÍ 2015
Sólin hefur skinið í Hafnarfirði
sem víða annars staðar og Hafn
firðingar una glaðir við sitt í
góða veðrinu. Vinnubrögðin í
bæjarstjórninni gleymast þó ekki
og margt þarf að gerast til að
bæjarbúar fái fulla trú á að þeir
sem eiga að stjórna virði leikreglur og átti sig á því að
þeir eru að vinna í umboði bæjarbúa. Nú virðist
stefnan vera að taka ákvarðanir og kynna eftirá. Það
kann ekki góðri lukku að stýra í nútíma stjórnmálum
þar sem vönduð dreifing upplýsinga er lykilmálið.
Fjölmargir bæjarstarfsmenn bíða eftir skýrum
svörum, óvissir um framtíðina, skerðingu á vinnutíma
og fleira sem boðað hefur verið en enginn veit hvaða
ákvarðanir hafa verið teknar og hvar þær verða teknar.
Bæjarstjóra virðist vera falið alræðisvald og það á að
auka með því að setja höfnina undir hans stjórn í stað
hafnarstjórnar sem heyrir í dag beint undir bæjarstjórn.
En umhverfi Hafnarfjarðar býður bæjarbúa
velkomna, komið í blóma með bláum lit lúpínurnar
sem fólk keppist um að elska eða hata. Skógarkerfillinn
virðist vera eina plantan sem keppir við lúpínuna en
hann gerir ekki gagn eins og lúpínan svo margir vilja
hann í burtu líka. En Hafnfirðingar eru alltaf að
uppgötva meira og meira í upplandinu, ekki síst með
þátttöku í Ratleik Hafnarfjarðar sem leiðir fólk að
stöðum sem það hefur jafnvel gengið framhjá í mörg
ár. Helgafellið dregur marga að og Hvaleyrarvatnið
verður vinsælla með hverjum deginum.
En aukin notkun kallar á umgengnisreglur og þó að
jafnaði séu allir í sátt og samlyndi við Hvaleyrarvatn
þá mætti þar margt lagast. Ekki fer saman að börn séu
að leika sér í flæðamálinu og fólk á hestum. Hestar
eiga heldur ekki heima á göngustígunum og þó þorri
hestamanna virði slíkar umgengnisreglur eru
leiðinlegar undantekningar þar á. Víða þarf að bæta
merkingar og það er lítið gaman að vera við vatnið
þegar bílar þeysast fram hjá og þyrla ryki yfir allt og
alla. Löngu tímabært er að endurnýja veginn og
malbika en gera hann þannig að engum detti í huga að
aka þar hraðar en á 30 km hraða. Bæta má aðstöðu við
vatnið enda var aldrei gert ráð fyrir svo mörgu fólki
þar og nú er á góðviðrisdögum. Þá er tímabært að gera
vandaða áætlun um stígagerð fyrir gangandi og
hjólandi um bæjarlandið en stundum virðist að
stígagerð í dag sé handahófskennd og ekki til þess
fallin að koma að góðum notum.
Fjarðarpósturinn fer nú í sumarfrí og óskar lesendum
og auglýsendum gleðilegs sumar og þakka ég ánægju
legt samstarf við bæjarbúa.
Guðni Gíslason ritstjóri.
leiðarinn
Útgefandi: Keilir ehf. kt. 480307-0380
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf.
Ritstjóri: Guðni Gíslason
Ábyrgðarmaður: Steingrímur Guðjónsson.
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. • Dreifing: Íslandspóstur
ISSN 1670-4169 Vefútgáfa: ISSN 1670-4193
www.fjardarposturinn.is
www.facebook.com/fjardarposturinn
35 ár
Stolt að þjóna ykkur
Útfararskreytingar
kransar, altarisvendir,
kistuskreytingar,
hjörtu
Bæjarhrauni 26
Opið til kl. 21 öll kvöld
Símar 555 0202 og 555 3848
www.blomabudin.is
Helgistund kl. 11
á sunnudögum í sumar
Orgelleikur, ritningarlestur, íhugun, bænagjörð,
samfélagið um Guðs borð.
Kaffisopi á eftir.
Allir velkomnir.
www.hafnarfjardarkirkja.is.
www.uth.is -uth@uth.is Stapahrauni 5, Hfj. - Sími 565-9775
Frímann
s: 897 2468
Hálfdán
s: 898-5765
Ragnar
s: 772-0800
Ólöf
s: 898 3075
ÚTFARARÞJÓNUSTA
HAFNAFJARÐAR
FRÍMANN & HÁLFDÁN
ÚTFARARÞJÓNUSTA
Enginn sparnaður við að flytja höfnina
undir bæjarstjóra?
Ætla að spara 50 millj. kr. með breytingu á vinnutíma og vaktakerfi
Í tillögum Capacent er gert ráð
fyrir að flytja starfsemi Hafnarfjarðar
hafnar undir bæjarstjóra eins og gert
er í litlum sveitarfélögum með litlar
hafnir. Enginn sparnaður er nefndur
við þá tilfærslu. Aukið samstarf milli
hafna um hafnsöguþjónustu og
rekstur lóðs og dráttarbáta á að skila
510 millj. kr. sparnaði en mesti
sparnaðurinn á að fást með breyt
ingum á vinnutíma starfsmanna og
vaktakerfi, 4055 millj. kr.
Hafnarstjórn samþykkti á fundi
sínum á þriðjudag að fela hafnarstjóra
að skoða tillögur Capacent og skila
áliti til hafnarstjórnar.
Minnihlutinn gagnrýndi harðlega
úttektina með harðorðri ítarlegri
bókun á fundinum og segja m.a. að
úttektin virðist hefjast með viðtali
Garðars Jónssonar frá R3 Ráðgjöf
við einn starfsmann hafnarinnar 15.
nóvember sl. Garðar sé þessi huldu
maður.
Þakkarávarp
Við konurnar í 19. júnínefnd Bandalags Kvenna í
Hafnarfirði viljum þakka öllum þeim sem þátt tóku í
hátíðahöldum félagsins þann 19. júní sl. í tilefni af 100
ára afmæli kosningaréttar kvenna.
Enn fremur viljum við þakka þeim sem styrktu okkur
svo frábærlega vel, svo að þessi hátíð gæti orðið að
veruleika með þeim glæsibrag sem hún varð.
19. júní nefndin; Ásdís Konráðsdóttir, Erna Fríða
Berg, Guðfinna Vigfúsdóttir, Magnea Vilborg Þórs
dóttir, Unnur Birna Magnúsdóttir, Unnur Sveinsdóttir.
Flottar stúlkur í 6. og 7. flokki
Hauka tóku þátt í Landsbankamótinu
á Sauðárkróki um þar liðna helgi en
þar voru þátttakendur um 900.
Fjölmargir foreldrar fóru með og
segir Halldór Jón Garðarsson foreldri
stúlku í 7. flokki að það hafi verið
mikil upplifun og segist vera afar
stoltur af hópnum sem hafi verið
foreldrum, Haukum og Hafnarfirði
til fyrirmyndar.
Halldór Jón segir undirbúning hafa
verið góðan, foreldrar voru búnir að
hittast á fundi með aðalþjálfara
liðanna, Andra Rafni Ottesen, sem og
foreldráði beggja auk þess sem löng
reynsla af Króksmótum kom til góða.
Tjaldbúðir Hauka efla vináttu
Hefð er fyrir því að Haukafólk
tjaldi saman og þarna voru myndaðar
flottar tjaldbúðir sem styrktu vináttu
stúlknanna og efldi tengsl foreldr
anna.
Þrátt fyrir marga fótboltaleiki
skelltu stúlkurnar sér í sund, fóru í
vatnsblöðrustríð, eltingaleiki o.fl.
auk þess að taka þátt í kvöld skemmt
un. Það voru því ansi þreyttar en
glaðar stúlkur sem héldu heim á
sunnu deginum með verðlaunapening
um hálsinn, að sögn Halldórs.
Margt jákvætt að gerast –
Skortur á aðstöðu
„Það eru margir jákvæðir hlutir að
gerast innan knattspyrnudeildar
Hauka. T.d. var ein stúlka í Haukum,
Alexandra Jóhannsdóttir, í U17
lands liðinu sem tók þátt í lokamótinu
sem fram fór á Íslandi. Hún tók
einnig þátt í Norðurlandamóti U17
ásamt annarri Haukastúlku, Katrínu
Hönnu Hauksdóttur. Við í Haukum
höfum yfir að ráða afar færum
þjálfurum í barna og unglingastarfi
félagsins og þá samanstanda meist
araflokkar félagsins af mjög mörgum
uppöldum leikmönnum, líklega yfir
90% í meistaraflokki karla.
En betur má ef duga skal. Ljóst er að
knattspyrnudeild Hauka þarf öfl ugri
aðstöðu fyrir sína iðkendur og vonandi
fáum við knattspyrnuhús á Ás velli
innan tíðar“, segir Halldór Jón.
Fjölga þarf iðkendum
En Halldór Jón segir að þangað til
þurfi líka að fjölga iðkendum, t.d. í
8., 7. og 6. flokki því það séu stoð
irnar í félaginu. Hvetur hann foreldra
stúlkna og drengja að mæta með sín
börn á æfingar og taka þátt í
skemmtilegu starfi innan
knattspyrnudeildar Hauka.
Einbeitingin skín af andliti þessa unga leikmanns.
Gleði á fótboltamóti á Sauðárkróki
Stúlkur í 6.- og 7. flokki stóðu sig vel – Foreldrar stoltir
Stoltir Haukarar með pening.
Lj
ós
m
.:
H
al
ld
ór
J
ón
G
ar
ða
rs
so
n
Lj
ós
m
.:
H
al
ld
ór
J
ón
G
ar
ða
rs
so
n