Tímarit Máls og menningar - 01.09.1984, Blaðsíða 38
Tímarit Máls og menningar
Úti rigndi enn og hann hljóp yfir götuna eins hratt og fæturnir
þoldu. Sem betur fer var búið að opna.
Maðurinn gekk rakleiðis að gjaldkeranum.
— Þú ert nýr hérna, sagði hann og tók skilríki upp úr veskinu og
lagði þau á borðið. — Eg er kominn til að sækja framfærslustyrk.
— Ja-á, sagði gjaldkerinn og byrjaði að leita í spjaldskrá.
— Og þú átt að sækja hann hingað?
— Jájá, sagði maðurinn.
— Og hvert var nafnið aftur? spurði gjaldkerinn.
— Moran, sagði maðurinn, Robert Moran.
— Moran . . . Robert Moran! — Já. Hér er það. Skilríki?
— Hérna, sagði Moran og ýtti þeim nær gjaldkeranum. Sem leit
ekki á þau en taldi fram seðla á borðið.
— . . . og tvöþúsundogþrjúhundruð. Gjörðusvovel.
Moran tók við peningunum, stakk þeim í veskið og var í þann
mund að ganga burtu þegar gjaldkerinn kallaði:
— Fyrirgefðu . . . Herra Moran . . . Sagðirðu . . . Moran?
Bob snéri sér undrandi við.
-Ég...já...
Gjaldkerinn ræskti sig.
— Fyrirgefðu en það er hérna bréf sem ég átti að afhenda þér.
Hann rétti fram langt og mjótt umslag, ófrímerkt. Moran tók varlega
við því og bar það upp að ljósinu. Svo tyllti hann sér á sófann við
vegginn, þurrkaði sveitta lófana á hnjánum og reif bréfið klaufalega
upp. Hann las:
París 1. feb. 1984
Hr. Robert Moran
vegna óhjákvæmilegs niðurskurðar á fjárlögum hefur verið ákveðið að fella
niður greiðslur til yðar frá og með 1. febrúar 1984. Ef þér sjáið yður ekki fært
að stunda atvinnu í framtíðinni munum vér fúslega reyna að greiða götu yðar
og viljum vér benda yður á að sækja um atvinnuleysisbætur þar sem þér
réttilega eruð atvinnulaus sem stendur.
Varir Bobs titruðu og hann kyngdi nokkrum sinnum.
Gjaldkerinn boraði í nefið. Svo las Moran áfram:
Ekki er vitað hvort um er að ræða tímabundna eða endanlega greiðslustöðv-
un, en endurskoðun tryggingalaga er ákveðin að ári liðnu.
J.P. Duval.
388