Morgunblaðið - 23.12.2014, Blaðsíða 20
20 FRÉTTIRInnlent
MORGUNBLAÐIÐ ÞRIÐJUDAGUR 23. DESEMBER 2014
Gjafakort
Argentínu steikhúss
fyrir starfsfólkið eða ástvinina
JÓLAGJÖF
sem bragð er afBarónsstíg 11
101 Reykjavík
Upplýsingar á
argentina.is
eða í síma
551 9555
Auglýst er eftir umsóknum
í Veiðikortasjóð
Umsóknum skal skilað til umhverfis- og auðlindaráðuneytisins
fyrir 19. janúar 2015.
Sjá nánar á heimasíðu umhverfis- og auðlindaráðuneytisins,
www.uar.is
Guðni Einarsson
gudni@mbl.is
Umhverfis- og skipulagsráð Reykja-
víkurborgar hefur lagt til að ráðist
verði í endurheimt votlendis í aust-
anverðum Úlfarsárdal. Það verði
gert með því að moka ofan í fram-
ræsluskurði.
„Þessi aðgerð hefur fjölþætt gildi
bæði sem náttúruverndaraðgerð og
til þess að draga úr losun gróð-
urhúsalofttegunda. Á Íslandi hafa
verið grafnir um 33.000 kílómetrar af
skurðum og er verulegur hluti þessa
lands ekki nýttur. Þetta inngrip hef-
ur víðtæk áhrif og er þetta verkefni
því aðkallandi umhverfismál.
Hugmyndin ekki ný
Einnig er lagt til að unnið verði að
kortlagningu á öðrum svæðum í eigu
borgarinnar með það fyrir augum að
þróa þetta verkefni áfram,“ segir í
greinargerð ráðsins sem var lögð
fram á fundi umhverfis- og skipu-
lagsráðs 17. desember sl.
Snorri Sigurðsson, líffræðingur og
verkefnastjóri á skrifstofu umhverf-
isgæða hjá borginni, sagði málið vera
á byrjunarstigi þótt hugmyndin væri
ekki ný. Endurheimt votlendis á
þessu svæði kemur m.a. fram í að-
alskipulagi Reykjavíkur 2010-2030
sem samþykkt var í fyrra. Það er
einnig mikilvæg aðgerð í loftslags-
stefnu borgarinnar og eins í nýrri
stefnu um líffræðilega fjölbreytni
sem er í vinnslu um þessar mundir.
Mikið náttúruverndargildi felst í
endurheimt votlendis.
Nú er undirbúningur að hefjast og
átti Snorri von á að málið yrði skoðað
vandlega strax eftir áramótin. Síðan
þarf að skoða svæðið sjálft þegar
hlánar og athuga aðstæður, gróður
og fleira.
„Þetta er stórt svæði í Úlfars-
árdal. Það er að miklu leyti borg-
arland og því ýmsir möguleikar í
boði,“ sagði Snorri. Svæðið sem er til
skoðunar er að mestu nokkuð langt
austan við skipulagt byggingarsvæði
í Úlfarsárdal. Það er upp með Úlf-
arsá og innan við skógræktarreit í
dalnum. Landið var framræst á sín-
um tíma og nýtt til landbúnaðar.
Gömlu túnin liggja meðfram ánni og
voru grafnir þar töluvert margir
skurðir. Skoða þarf vandlega hvern-
ig best verður að standa að end-
urheimt votlendisins.
„Úlfarsárdalur er stærsta og ef til
vill áhugaverðasta svæðið í borginni
til að endurheimta votlendi. Þarna er
heilmikið tækifæri. Það stendur ekki
til að gera neitt annað við þetta
svæði enda er það að hluta til innan
hverfisverndarsvæðis samkvæmt að-
alskipulagi,“ sagði Snorri. Hvað
varðar kortlagningu á öðrum svæð-
um innan borgarlandsins með end-
urheimt votlendis í huga sagði
Snorri að eftir væri að vinna þá
vinnu. Fljótt á litið væru ekki mjög
mörg svæði sem kæmu til greina.
Hann nefndi t.d. að mögulega gætu
slík svæði verið á Kjalarnesi og á
Álfsnesi, en eftir væri að skoða það
betur. Líklega verður því Úlfars-
árdalur fyrstur á dagskrá.
Votlendi verði endur-
heimt í Úlfarsárdal
Morgunblaðið/Sigurður Bogi
Úlfarsárdalur Votlendið sem á að endurheimta er í austanverðum Úlfarsárdal og innan við skógræktarreit.
Tillögur komnar frá umhverfis- og skipulagsráði
Ingvar Smári Birgisson
isb@mbl.is
Samkvæmt tölum frá Samtökum
starfsmanna fjármálafyrirtækja
hafa rúmlega tvö þúsund félagsmenn
misst starf sitt frá byrjun árs 2008.
Það jafngildir um
þriðjungi fé-
lagsmanna sam-
takanna í dag,
sem eru um 6.000
talsins. Friðbert
Traustason, for-
maður samtak-
anna, segir að
útibúum banka
hafi fækkað úr
150 í um það bil
90.
„Það var náttúrlega búið að
byggja mikið upp á árunum 2004-
2008 og þá var miklu meira um að
vera á fjármálamörkuðum. Svo á
þessum tíma töldu menn rétt að
þjónusta alla landsbyggðina líka,
þannig að hér á landi voru um 150
útibú og afgreiðslustöðvar. En núna
eru þær um 90 talsins. Mjög stór
hópur missti vinnuna meðal annars
vegna þess,“ segir Friðbert.
Þá útskýrir hann nánar hverjir
komu verst út meðal félagsmanna.
„Það má segja að þetta hafi verið
tveir hópar sem hafi orðið verst úti.
Þetta voru mikið menntaðir sérfræð-
ingar á sviði fjármála, lögfræði og
áhættustýringar, auk verkfræðinga
og stærðfræðinga. Síðan voru þetta
almennir starfsmenn sem voru í
þjónustuhlutverkum í útibúum.“
Lækkuðu um 20-40% í launum
„Ljóst er að fyrst eftir hrun voru
kjörin verulega keyrð niður. Ég
kannast ekki við neina bónusa eða
eitthvað slíkt sem er verið að tala um
í fjölmiðlun. Þeir eru ekki hjá al-
mennum starfsmönnum bankanna.
Ég hef heyrt að þeir séu hjá ein-
hverjum yfirmannahópi í Arion
banka og Íslandsbanka. Mjög al-
gengt var að góðir sérfræðingar
væru lækkaðir um 20-40% í launum.
Þetta hefur aðeins skánað. Núna er
aftur orðin þó nokkur samkeppni um
sérfræðinga,“ segir Friðbert.
Hann kveðst bjartsýnn á að betri
tímar séu framundan, en gjaldeyr-
ishöftin eru heftandi að hans mati.
„Gjaldeyrishöftin eru mikið heftandi
á þessum markaði vegna lítilla
möguleika á fjárfestingum. Bank-
arnir voru mikið að þjónusta fyrir
fjárfestingar erlendis, bæði fyrir ein-
staklinga sem og lítil og stór fyrir-
tæki. Það kemur aftur þegar gjald-
eyrishöftunum verður aflétt.“
Fækkun um
tvö þúsund
eftir hrun
Mikil fækkun starfsmanna fjármála-
fyrirtækja Útibúum fækkað um 50
Morgunblaðið/Árni Sæberg
Bankar Starfsmenn SPRON á
Skólavörðustíg á útleið 2009.
Friðbert
Traustason
Starfsmaður og viðskiptavinur
herrafataverslunarinnar Karl-
manna á Laugavegi hlupu uppi þjóf
sem stal buxum úr versluninni í
fyrradag. Þeir höfðu hönd í hári
hans á Hótel Klöpp þar sem hann
hafði meðal annars svikið út veit-
ingar síðustu daga. „Það var full
búð. Hann var að skoða buxur,
skellti einum inn á sig og rauk út,“
segir Sigurþór Þórólfsson, eigandi
verslunarinnar. Maðurinn játaði
brot sitt við yfirheyrslu hjá lög-
reglu í fyrradag. Honum var sleppt
í kjölfarið og má eiga von á ákæru
vegna búðarhnupls.
Samkvæmt upplýsingum Hótels
Klappar hafði maðurinn komið
reglulega á hótelið síðustu daga og
fengið sér kaffi. Hafði hann jafnvel
spjallað við starfsfólk sem taldi
hann vera gest þar. „Ég vil bara
vara fólk við. Nú er hann kominn
aftur á götuna og fer ábyggilega í
sama leikinn aftur í jólatraffík-
inni,“ sagði Sigurþór við mbl.is.
Hlupu uppi þjóf og svikahrapp sem hafði
stolið buxum í herrafataverslun í Reykjavík
Morgunblaðið/Golli
Laugavegur Maðurinn var gripinn við búð-
arhnupl í herrafataverslun á Laugavegi.