Morgunblaðið - 23.12.2014, Side 24
24 FRÉTTIRErlent
MORGUNBLAÐIÐ ÞRIÐJUDAGUR 23. DESEMBER 2014
Kristján Jónsson
kjon@mbl.is
Frans páfi notaði tækifærið í gær í
jólaræðu á fundi með kardínálum til
að gagnrýna harkalega skriffinna í
Páfagarði. Sagði hann suma kirkj-
unnar menn vera soltna í völd og þeir
væru „þjakaðir af andlegum Alz-
heimer-sjúkdómi“. Ljóst þykir að
margir andstæðingar páfa muni taka
ummælin óstinnt upp.
Frans sagði að í Páfagarði væri
einnig mikið um „tilvistarlegan geð-
klofa“ og „félagslega sýndar-
mennsku“ sem ættu sök á því að
„hljómsveitin spilaði falskt“. Hann
varaði menn við græðgi, eigingirni
og hrokafullu fólki sem áliti að það
væri ódauðlegt. Slíku fólki væri hollt
að heimsækja kirkjugarðana og sjá
grafir þeirra sem hefðu verið haldnir
sömu firru.
Páfi, sem er 78 ára og fæddur í
Argentínu, er þekktur fyrir að vera
berorður og hefur áður gert harða
hríð að öðrum ráðamönnum í Páfa-
garði en þar hafa komið upp mörg
hneykslismál á seinni árum og ára-
tugum, bæði í kynferðismálum og
fjármálum. Þar eru menn af mörgu
þjóðerni en Ítalir hafa frá fornu fari
verið langfjölmennastir og hafa sum-
ir myndað með sér öflugar valdaklík-
ur. Oft hafa heyrst sögur af hörðum
innanbúðarátökum á staðnum.
Frans sagði marga í Páfagarði lifa
tvöföldu lífi, út á við væru þeir heið-
virðir en bak við tjöldin stunduðu
þeir ósiðlegt líferni. Menn væru oft
„þrælar ástríðna sinna“ en hjartað
væri kalt hjá sumum. Einnig væru
margir fullir af öfund í garð annarra,
hann sagðist aumka þá sem gleddust
yfir því að sjá aðra falla af tindi.
Hvatti páfi kardínálana rauð-
klæddu til að aðstoða sig við að ráða
bót á þessu ástandi en sjónarvottar
segja að kirkjuhöfðingjarnir hafi set-
ið svipbrigðalausir undir ræðunni.
Frans vék einnig að söguburði,
slúðri þeirra sem væru reiðubúnir að
stinga menn í bakið en væru „hug-
leysingjar sem ekki hafa þor í sér til
að segja hreinskilnislega hvað þeim
býr í brjósti“.
Syndugir kirkjuleiðtogar?
Frans páfi ræðst harkalega á háttsetta embættismenn í Páfagarði
Segir marga þeirra eiginhagsmunaseggi og þjakaða af „andlegum Alzheimer“
AFP
Þrumuræða Frans páfi ávarpar
kardínála í Vatikaninu um helgina.
Kjörinn til umbóta
» Frans var kjörinn páfi í mars
í fyrra og fékk það hlutverk að
gera róttækar umbætur.
» Hann hefur sett á laggirnar
ýmsar nefndir sérfræðinga til
að binda enda á spillingu og lé-
lega stjórnun.
» Andstæðingar hans hafa
sagt að hann skorti þekkingu á
flóknum vandamálum kirkj-
unnar og Evrópu.
Verið er að stofna alls ellefu mið-
stöðvar fyrir erfðafræðilegar lækn-
ingar í breskum sjúkrahúsum, að
sögn BBC. Er hlutverk þeirra að
safna DNA-sýnum og þróa síðan
markvissar og klæðskerasaumaðar
aðferðir gegn ýmsum sjúkdómum.
Athyglinni er einkum beint að
krabbameinum og sjaldgæfum
erfðasjúkdómum. Stefnt er að því
að hafa til reiðu genamengi 100
þúsund manna innan þriggja ára og
þá verði hægt að gera tilraunir með
ný lyf. Læknar munu gefa sjúkling-
um sínum kost á að taka þátt í þess-
um tilraunum. Þess verður að sögn
vandlega gætt að ekki sé hægt að
rekja hvaðan sýni koma og heldur
ekki einstaklingana á bak við
sjúkraskýrslur, persónueinkenni
verða afmáð. kjon@mbl.is
Efla erfðafræðilegar
lækningarannsóknir
og lyfjaþróun
BRETLAND
Peshmerga, her-
sveitir íraskra
Kúrda, hafa sótt
inn í bæinn Sinj-
ar við samnefnt
fjall í norður-
hluta Íraks en
þar voru liðs-
menn Íslamska
ríkisins, IS, alls-
ráðandi til
skamms tíma.
Heimildarmenn sögðu að hvar-
vetna væru leyniskyttur, hart væri
barist og einnig gerðu flugvélar
Bandaríkjamanna loftárásir á IS.
Kúrdum tókst í liðinni viku að
opna leið að Sinjar-fjalli en í hlíðum
þess höfðust við þúsundir flótta-
manna. Flestir þeirra eru úr röðum
Jazída, fámenns þjóðarbrots sem
skylt er Kúrdum en ekki ísl-
amstrúar. kjon@mbl.is
Hermenn Kúrda
komnir inn í Sinjar
Kúrdískur her-
maður í Sinjar.
ÍRAK
Rússar standa frammi fyrir mikilli
efnahagslegri kreppu á næsta ári
og mörg fyrirtæki munu ekki geta
staðið við skuldbindingar sínar,
segir Alexei Kúdrín, fyrrverandi
fjármálaráðherra og þekktur
stuðningsmaður Vladímírs Pútíns
forseta. Rússneski seðlabankinn
veitti í gær meðalstórum banka að-
stoð til að verja hann falli. Stjórn-
völd ætla nú að takmarka korn-
útflutning til að tryggja að nægur
matur sé til fyrir landsmenn.
Kúdrín þótti óvenju hreinskipt-
inn er hann hvatti Pútín til að bæta
strax samskiptin við Vesturveldin,
það væri mikilvægast. kjon@mbl.is
Kúdrín segir mikla
kreppu að skella á
RÚSSLAND
Beji Caid Essebsi, frambjóðandi í
seinni umferð forsetakosninganna í
Túnis um helgina, lýsti í gær yfir
sigri. Búist var við endanlegum nið-
urstöðum í gærkvöldi en sitjandi for-
seti Moncef Marzouki, neitaði lengi
að viðurkenna ósigur. Talið er að Es-
sebsi, sem er 88 ára gamall, hafi feng-
ið um 55,7% atkvæða.
Kjörsókn var um 60%. Essebsi
verður fyrsti forseti landsins sem
kjörinn er í lýðræðislegum kosn-
ingum frá því að Túnis fékk sjálfstæði
frá Frökkum árið 1956. Hann hefur
mikla stjórnmálareynslu, gegndi
meðal annars oft ráðherrastörfum og
var þingforseti þegar Zine El-
Abidine Ben Ali var einræðisherra.
Marzouki var hins vegar landflótta í
tíð Ben Alis. En hann geldur þess að
almenningur kennir honum um að í
stuttri stjórnartíð hans hafi her-
skáum íslamistum verið sýnd allt of
mikil linkind. Þeir eru enn öflugir,
eru næst-stærsti flokkurinn á þingi.
Ben Ali var steypt af stóli 2011 en
uppreisnin í arabalöndunum hófst í
Túnis árið á undan og breiddist síðan
út. Allt bendir til þess að Túnis verði
eina arabalandið þar sem vonin um
pólitískt „vor“ rætist, annars staðar
hafa einræðisstjórnir tekið aftur við
eða vopnuð átök hafist. kjon@mbl.is
Essebsi
sigraði
í Túnis
AFP
Sigur! Stuðningsmenn Essebsis fögnuðu ákaft í Túnisborg þegar fyrstu tölur bentu til sigurs hans. Kosningarnar
fóru vel fram og vona margir að lýðræðið hafi nú skotið rótum í landinu.
Hlaut yfir 55%
í forsetakjöri