Tímarit Máls og menningar - 01.06.1999, Síða 73

ERNEST HEMINGWAY
Hemingway á tali við konu á Kúbu.
Þartil Madrid féll í hendur fasistum snemma árs 1939 var Hemingway því
raunverulegur hermaður, þó leynt færi. Margir þeirra sem hann átti mest
saman við að sælda voru ekki hermenn í opinberum skilningi, heldur skæru-
liðar sem hann síðar reisti ódauðlegan minnisvarða í skáldsögu.
Hemingway át, drakk og svaf með skæruliðunum í fjöllunum sunnanvið
Madrid og í Sierra de Guadarrama norðanvið borgina. Hann deildi kjörum
þeirra og leit á sjálfan sig sem einn þeirra. Þegar brýr voru sprengdar í loft
upp til að hefta framsókn fasista, var hann nærstaddur. Sennilega tók hann
oftlega þátt í sjálfum aðgerðunum, þó það mætti ekki vitnast meðþví opin-
berlega var hann enn fréttaritari.
Hemingway segir sögu sína meðal skæruliðanna í For Whom theBell Tolls
(1940), sem er stórfengleg saga um hetjudáðir og ævintýri. Fáir sem þekktu
til Hemingways og lásu skáldverkið voru í vafa um að söguhetjan Jordan væri
Hemingway í eigin persónu. Efnið er tekið svo föstum og sannsögulegum
tökum, að herskólar í Bandaríkjunum, Frakklandi, Sovétríkjunum og jafnvel
Þýskalandi hafa haft hana fyrir kennslubók handa sveitum sem ætlað var að
berjast bakvið víglínur óvinarins.
TMM 1999:2
www.mm.is
71