Tímarit Máls og menningar - 01.12.2000, Side 126

ETHAN COEN
Frábært.
Ég leiddi hann að stólnum við skrifborðið mitt og spurði hvort
hann gerði sér grein fyrir því að ég væri heyrnarskertur. Hann kinkaði
kolli. Ég spurði hvernig hann ætlaðist til að við tjáðum okkur. Hann
pikkaði með fingrunum í borðið.
„Vélritarðu?“
Hann kinkaði kolli. Ég dró gömlu Underwood-ritvélina mína upp
úr efstu skúffunni í fataskápnum, lagði hana á borðið fyrir framan
hann, þræddi pappír í hana og setti hendurnar á honum á lyklaborðið.
Hann skrifaði: „Æeg gekd ap jibab næub gakdu fran ghæa næer,“ og
leit upp á blett á veggnum vinstra megin við mig og brosti.
Það eru líklega þúsundir manna í þessari borg sem eru í vandræð-
um og þurfa á hjálp einkaspæjara að halda og eft ir þriggja vikna bið fæ
ég Hr. Magoo.
„Herra minn,“ sagði ég, „talarðu ensku?“ Hann gretti sig og kinkaði
kolli. „Skrifarðu ensku?“ Hann gretti sig og kinkaði aftur kolli og benti
á það sem hann hafði skrifað.
„Herra minn,“ sagði ég. Ég vona að ég hafi virst þolinmóðari en ég
var. „Þú varst að enda við að skrifa: ,>Æeg gekd ap jibab næub gakdu
fran ghæa næer“. Ég hef aldrei heyrt þessa ensku áður.“ Hann hristi
höfuðið og byrjaði að vélrita aftur. „Bíddu aðeins, heili, það er enginn
pappír í vélinni.“ Það getur alveg farið með rúlluna. Ég setti annað
blað í. Hann var byrjaður að skrifa það sama, „Æeg gekd ap jibab
næub...“ þegar ég tók eftir því að fingur hægri handar hvíldu á vitlaus-
um lyklum á ritvélinni. Ég færði á honum höndina og bað hann að
byrja aftur. Núna skrifaði hann: „Ég held að konan mín haldi fram hjá
mér.“ Ég las það upphátt fyrir hann og hann kinkaði kolli. Hann skrif-
aði: „Hún heitir Natalie.“ Þegar ég las það upphátt stökk Scháfer-
hundurinn á fætur og fór að gelta. Blindi gaurinn barði hann á trýnið
og hann lagðist aftur niður.
„Gott og vel, hvað heitirðu og hvar býrðu?“
Hann skrifaði: „Kendall Dealy. 1618 Taliafero.“
„Herra Dealy... veistu hvernig konan þín lítur út?“
Hann hristi höfuðið.
Þetta átti eftir að verða erfitt.
„Áttu mynd af henni?“
Hann kinkaði kolli og tók ljósmynd úr veskinu sínu og setti hana á
124
malogmenning.is
TMM 2000:4