Ský - 01.02.2007, Page 22

22 ský
Stutt og laggott
MORÐ, KULDI
OG SPENNUDRAMA
Kvikmyndin Köld slóð er sakamálasaga með blaðamanninn Baldur í aðalhlutverki
sem svífst einskis til að komast að sannleikanum.
Texti: Erla Gunnarsdóttir Myndir: †msir
Köld slóð hefst á því að öryggisvörður finnst látinn í einangraðri virkjun á hálendi Íslands. Fyrst virðist
vera um slys að ræða og Baldur hefur því
lítinn áhuga á fréttinni. Það breytist þó
snarlega þegar móðir hans segir honum
að látni maðurinn sé faðir hans sem hann
aldrei kynntist. Nú er forvitni Baldurs fyrir
alvöru vakin og hann ákveður að komast
á snoðir um hvað raunverulega leynist í
klakaböndunum á þessum afvikna stað.
Baldur heldur upp á hálendið og tekur við
starfi af þeim látna sem nýr öryggisvörður.
Fljótlega eftir komuna í virkjunina kemst
hann að raun um að ekkert er sem sýnist.
Baldur kemst á snoðir um að á staðnum fer
fram ábatasöm en ólögleg hliðarbúgrein.
Koma Baldurs og forvitni setur allt í hættu.
En ekki nóg með það. Baldur, sem er
rannsóknablaðamaður af Guðs náð, grefur
fljótlega upp gamalt glæpamál og setur þar
með líf sitt fyrir alvöru í hættu. Þá hefst
mikill spennukafli í myndinni sem endar á
óvæntan hátt.