Ský - 01.02.2007, Síða 53

Stutt og laggott
Magni Ásgeirsson
Íslendingar misstu sig alveg yfir Magna Ásgeirssyni
þegar hann tók þátt í bandaríska raunveruleikaþættinum
Rockstar Supernova. Landar vorir hrifust innilega þegar
myndavélin fylgdu Magna um rokkstjörnuhöllina í nú-
gotneskum stíl í Los Angeles þar sem hann keppti um að
leiða heldur dapurlega hljómsveit, Supernova, sem í eru
útbrunnir málmrokkarar úr Guns N’ Roses, Metallicu
og Mötley Crüe. Þátturinn var hrærigrautur fólks með
miðlungshæfileika, göt í skrokknum, svart í kringum
augun og í leðurlífstykkjum. Magni hélt sig utan við
átökin og var eini rokkarinn í húsinu sem maður hefði
getað hugsað sér að hitta yfir bjórglasi. Íslendingar reyndu
eins og þeir gátu að nýta sér áhrif áhorfenda og héldu
Magna í hópnum allt til enda. Hann vann ekki en sneri
aftur til Íslands sem hetja þar sem hljómsveit hans lék fyrir
fullum húsum. Brátt gleymist sagan af Magna í Hollívúdd,
hluti af annálum óburðugrar íslenskrar poppmenningar,
en áður en það gerist er samt einu við að bæta: Þú varst of
góður fyrir þá, vinur!
Salmann Tamimi
Það gleymist oft að Ísland er lúterskt land en það fer
örugglega ekki framhjá manni ef reynt er að fá leyfi
til að byggja fyrstu mosku landsins. Salmann Tamimi
er formaður Félags múslima á Íslandi. Hann hefur
í sex ár reynt að fá lóð hjá Reykjavíkurborg til að
byggja trúar- og menningarmiðstöð handa litlum en
öflugum söfnuði múslima. Samtökin voru stofnuð 1997,
meðlimirnir eru um 350 og koma nú saman til dagslegs
og vikulegs bænahalds. Þótt aðrir trúarhópar eins og
Ásatrúarsöfnuðurinn og rússneska rétttrúnaðarkirkjan hafi
fengið lóðir bíða Tamimi og 350 trúbræður hans enn.
Jónas Þorvaldsson og Adrian King
2003-2004 dvöldu þessir tveir starfsmenn Landhelgisgæsl-
unnar níu mánuði í Eden-herbúðunum utan við Basra
þegar stríð geisaði í Írak. Bæði Jónas og King voru þarna
undir danskri stjórn og aðstoðuðu við að gera sprengjur
og jarðsprengjur óvirkar og „svoleiðis dót“ eins og King
sagði.
„Þeir kenndu búðirnar við Eden því sögur segja að þarna
hafi aldingarðurinn Eden verið,“ sagði King sem er 48 ára,
„en þetta var sannarlega ekkert Eden.“
Þótt Ísland hafi aldrei háð stríð þá eigum við samt hóp
sérfræðinga í að gera sprengjur óvirkar. Í seinni heim-
styrjöldinni lögðu bæði Þjóðverjar og Bandamenn um 500
þúsund tundurdufl í hafið kringum Ísland og deild innan
Landhelgisgæslunnar hefur fengist við duflin þegar þau
hefur rekið á land eða borist í veiðarfæri.
En af hverju fóru Jónas og King til Íraks þegar átökin stóðu
þar sem hæst?
„Bara smá áskorun, finnst mér,“ segir Jónas. „Sama
vinna, annar staður.“
sky
,
ský 53