Fréttatíminn - 27.03.2015, Síða 76

brúðkaup Helgin 27.-29. mars 20154
Laugardagstilboð
– á völdum dúkum, servéttum og kertum
se
rv
ét
tú
r
ke
rt
i
dú
ka
r
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • sala@rv.is • rv.is
®
Ýmis servéttubrot
Sjá hér!
Verslun RV er opin virka daga kl. 8-18 og laugardaga kl. 10-16
Rekstrarvörur
- vinna með þér
Náttúruleg fegurð
B rúðurin er oftast förðuð þannig að náttúruleg feg-urð hennar fái að njóta sín,
en til þess að ná fram því útliti þarf
að vanda til verks. Margar hverjar
láta farða sig fyrir brúðkaupsdag-
inn en suma brúðir kjósa að farða
sig sjálfar. Markmiðið er að kalla
fram náttúrulega fegurð en ekki að
sýna hæfileika sína til að setja á sig
farða, þannig að oft er minna meira.
Hér eru nokkur góð ráð:
Notaðu vatnsheldan maskara:
Förðunin þarf að endast allan daginn
og má búast við að tár verði felld. Þess
vegna er gott að velja vatnsheldan
maskara.
Farði sem þolir myndatökur:
Farði og/eða púður getur litið öðruvísi
út á myndum en í raunveruleikanum,
þannig að best er að prófa að farða
þig og taka svo nokkrar myndir af þér
með flassi til að finna rétta farðann.
Auk þess sem gott er að muna að setja
smá farða á hálsinn svo andlitið sé ekki
öðruvísi á litinn.
Andlitsbað nokkrum dögum áður:
Ef þú ætlar að fara í andlitsmeðferð
skaltu gera það með góðum fyrirvara
því húðin getur verið rauð í nokkra
daga á eftir.
Plokkaðu augabrúnir nokkrum
dögum áður.
Láttu lita og plokka augabrúnir
nokkrum dögum fyrir brúðkaupið því
húðin getur verið rauð og upphleypt á
eftir og liturinn er stundum of dökkur
fyrstu tvo dagana á eftir.
Slakaðu á:
Streita getur valdið útbrotum á húðinni
því er mikilvægt að slaka vel á. Ef það
koma bólur á húðina þá er mikilvæg
að láta þær eiga sig svo þær versni
ekki. Auk þess er gott að sofa á hreinu
koddaveri á hverri nóttu og drekka nóg
af vatni og borða hollan mat svo húðin
verði hrein og hraust.
Brúðurinn er oftast förðuð þannig að
náttúruleg fegurð hennar fái að njóta
sín.
Systur hönnuðu
draumakjólinn
Elísabet Birgisdóttir og Hilmar Ingimundarson gengu í það
heilaga þann 14. mars síðastliðinn í Hafnarfjarðarkirkju. Þau
létu veðrið svo sannarlega ekki stoppa sig, en kraftmesta
lægð vetrarins gekk yfir landið á meðan athöfninni stóð.
Þegar þau stigu út úr kirkjunni tók sólin hins vegar á móti
þeim. Elísabet klæddist glæsilegum brúðarkjól sem hún
hannaði ásamt systur sinni, Aðalheiði Birgisdóttur.
E lísabet og Hilmar hafa ver-ið saman í 16 ár og Elísabet hefur því haft nægan tíma til
að hugsa um kjólinn. „Ég hef alltaf
verið svolítil laumuprinsessa í mér
og hef spáð í því frá því ég var lítil
hvernig brúðarkjóllinn minn ætti að
vera.“ Elísabet hefur alltaf haft gam-
an af flottum kjólum og þegar hún
var yngri var hún staðráðin í því að
klæðast kjól eins og Lea prinsessa í
Star Wars á brúðkaupsdaginn.
Brúðarkjóllinn styrkti systra-
sambandið
Systir Elísabetar er Heiða, gjarn-
an kennd við Nikita, en hún hefur
hannað undir því merki um árabil.
„Eftir að systir mín fór að hanna föt
og sauma varð það draumur minn að
hún myndi einn daginn hanna á mig
brúðarkjól og sauma. Þegar búið var
að ákveða brúðkaupsdaginn með
átta mánaða fyrirvara var það nánast
þegjandi samkomulag milli okkar
systra að hún myndi sauma kjólinn,“
segir Elísabet. Kjóllinn er stórglæsi-
legur úr þremur mismunandi efn-
um; blúndu, siffon og tjulli. Fallegt
v-hálsmál er að framan og aftan og
neðri parturinn er samsettur úr sjö
lögum af tjulli og siffon. „Þetta er
fyrsti brúðarkjóllinn sem ég geri og
það var einstaklega gaman að takast
á við annars konar hönnunarverk-
efni en ég er vön,“ segir Heiða. Syst-
urnar hönnuðu kjólinn saman en
Heiða sá alfarið um saumaskapinn.
„Við höfum örugglega aldrei hist
svona mikið á stuttum tíma og það
var gaman að taka svona stóran þátt
í undirbúningnum fyrir brúðkaup-
ið. Nú sakna ég þess að þurfa ekki
að vera að vinna í kjólnum,“ segir
Heiða. Elísabet tekur í sama streng.
„Já, það var mjög skrýtin tilfinning
strax daginn eftir brúðkaupið að
þurfa ekki að fara í mátun til Heiðu.
Ég fann fyrir ákveðnum tómleika
því þetta hafði verið ansi stór hluti af
undirbúningnum síðustu vikurnar.“
Aldrei lognmolla í kringum
brúðhjónin
Allt gekk að óskum á brúðkaups-
daginn, þó svo að vangaveltur um
veðrið hefðu vissulega truflað, en
mesta óveðurslægð vetrarins gekk
einmitt yfir landið fyrri part dags.
„Við vorum búin að láta okkur
dreyma um útimyndatöku í snjó, en
svo skall þessi blessaða lægð á og
þegar við vorum að skreyta salinn á
föstudeginum var allt á floti á plan-
inu fyrir framan, en Maggi og Rak-
el sem sjá um salinn stóðu sig með
stakri prýði og voru búin að gera
ráðstafanir um að láta flytja vatnið í
burtu,“ segir Elísabet, en veislan var
haldin í veislusal Spretts í Kórahverf-
inu í Kópavogi. „Þegar ég vaknaði
svo á brúðkaupsdaginn sjálfan leist
mér ekki á blikuna og hugsaði með
mér hvað yrði um kjólinn, hárið og
myndatökuna?“ Þegar Elísabet og
Hilmar gengu hins vegar út úr kirkj-
unni eftir athöfnina blasti sólin við
þeim. „Þetta var í raun töfrum lík-
ast. Fólk gerði nú líka grín að því að
það væri aldrei lognmolla i kringum
okkur og því væri þetta veður bara
vel við hæfi,“ segir Elísabet og hlær.
Erla María Markúsdóttir
erlamaria@frettatiminn.is
Elísabet Birgisdóttir og Hilmar Ingi-
mundarson gengu í það heilaga þann
14. mars síðastliðinn. Elísabet hannaði
brúðarkjólinn ásamt Heiðu systur sinni,
en hún hefur hannað undir merki Nikita
um árabil. Það blés hressilega á brúð-
kaupsdaginn en það kom ekki að sök,
dagurinn var fullkominn í alla staði.
Ljósmynd / Íris Dögg Einarsdóttir