Breiðholtsblaðið - 01.01.2006, Qupperneq 2

JANÚAR 20062 Breiðholtsblaðið
Útgefandi: Borgarblöð ehf.
Vesturgötu 15 • 101 Reykjavík
Sími: 511 1188 • 561 1594
Fax: 561 1594
Auglýsingasími: 511 1188 • 561 1594 • 895 8298
Netfang: borgarblod@simnet.is
Ritstjóri: Þórður Ingimarsson, Sími: 551 1519 • 893 5904
Netfang: thord@itn.is
Framkvæmda- og auglýsingastjóri: Kristján Jóhannsson
Umbrot: Valur Kristjánsson
Prentun: Prentsmiðja Morgunblaðsins
Dreifing: Íslandspóstur
1. tbl. 13. árgangur
Breiðholtsblaðið er gefið út í 9000 eintökum og dreift
frítt í hvert hús í Breiðholtinu.
Breiðholtið og
borgarstjórnarkosningar
S T U T T A R
B O R G A R F R É T T I R
Leikskólagjöld lækka
Almennt leikskólagjald í fyrir
átta stunda vistun lækkaði um
tæpar fimm þúsund krónur á
mánuði hjá leikskólum Reykjavík-
ur um síðustu áramót.
Lækkunin var samþykkt í borg-
arstjórn 7. desember sl. og nemur
lækkunin tveggja stunda gjald-
frjálsri vistun. Einnig var sam-
þykkt að hækka til muna niður-
greiðslur til dagforeldra. Hækkun-
in nemur á bilinu 43 til 59% eftir
félagslegri stöðu foreldra.
Verða nagladekkin
skattlögð?
Vinnuhópur á vegum Reykja-
víkurborgar telur að draga verið
úr notkun negldra hljóðbarða og
telur skattlagningu ekki útilokaða
í því efni. Hópurinn telur að þær
aðstæður þar sem negldir hjól-
barðar hafi kosti umfram allar
aðrar gerir vetrarhjólbarða mið-
ist aðeins við nokkra daga á
hverjum vetri. Í niðurstöðum
hópsins kemur fram að slysatíðni
hafi ekki aukist svo nokkru nemi
þar sem að nagladekk hafa verið
bönnuð, til dæmis í Japan. Því
virðist sem hægt sé að draga úr
notkun þeirra án þess að öryggi
vegfarenda verði stefnt í hættu.
Talið er allt að 70% ökutækja í
Reykjavík séu búin nagladekkjum
á vetrum en leyfilegur notkunar-
tími þeirra er frá 1. nóvember til
15 apríl. Ljóst þykir að notkun
nagladekkja eykur slit gatna og
mengun í andrúmslofti. Um 55%
svifryks koma frá malbiki sem
spænist upp vegna nagladekkj-
anna og áætlað er að um 10.000
tonn af slitlagi þurfi árlega til end-
urnýjunar gatna. Getur kostnaður
við þá endurnýjun numið á bilinu
100 til 200 milljónir króna.
Í áliti starfshópsins kemur fram
að samkvæmt reynslu annarra
þjóða sé nauðsynlegt að grípa til
aðgerða til þess að draga úr notk-
un negldra dekkja. Vinnuhópur-
inn leggur því til að athugað verði
með hvaða hætti takmarka megi
notkun þeirra og gæti gjaldtaka
komið til greina í því efni en sú
leið hefur verið reynd í Osló í
Noregi með nokkrum árangri.
Samningur við
Félag eldri borgara
Undirritaður hefur verið þjón-
ustusamningur milli Velferðar-
sviðs Reykjavíkurborgar og Fé-
lags eldri borgara í Reykjavík.
Gildir samningurinn í þrjú ár og
kostar 9.3 milljónir króna á samn-
ingstímanum. Auk þess greiðir
Velferðarsvið kr. 2.4 milljónir
vegna kaupa á húsnæði félagsins
að Stangarhyl 4.
Félag eldri borgara annast m.a.
klúbbastarf fyrir félagsmenn sína
auk annars félagsstarf sem
Reykjavíkurborg rekur. Félagið
annast fjármála- og lögfræðiráð-
gjöf, ráðgjöf um almannatrygg-
ingakerfið, einstaklingsbundin
réttindi o.fl. er snýr að réttindum
eldri borgara. Það annast
fræðslufundi og fyrirlestra um
heill og hamingju á efri árum,
stendur fyrir námskeiðum á borð
við starfslokanámskeið auk ýmis-
konar efnis til að upplýsa eldri
borgara um hina ýmsu sjúkdóma
sem herja á eldra fólk og hvað
möguleikar eru til forvarna. Ætl-
unin er að koma á sérstakri upp-
lýsingalínu fyrir eldri borgara
sem hefur ákveðinn símatíma og
þar mun verða hægt að fá marg-
víslegar upplýsingar sem munu
koma eldri borgurum að gagni.
Má þar nefna upplýsingar um
húsnæðismál, þjónustu-, öryggis-
og hjúkrunaríbúðir og önnur rétt-
indamál. Félagið gaf út sérstaka
þjónustubók með hagnýtum upp-
lýsingum fyrir 67 ára og eldri,
m.a. upplýsingar um þjónustu
Reykjavíkurborgar fyrir aldraða.
Hlutfall óendurnýjan-
legrar orku vex
Hlutfall óendurnýjanlegrar orku
fer vaxandi í Reykjavík. Þetta
kemur fram í nýrri skýrslu um-
hverfissviðs Reykjavíkurborgar.
Um 40% orkunotkunar borgar-
búa kemur nú frá óendurnýjan-
legum orkugjöfum á borð við
bensín og dísilolíu en um 60%
orkunotkunarinnar kemur frá
orkugjöfum á borð við rafmagn
og heitt vatn. Aukning óendurnýj-
anlegra orkugjafa er að mestu
rakin til aukinnar bílaeignar borg-
arbúa og umferðar.
Akstursþjónusta
fyrir eldri borgara
Reykjavíkurborg hefur ákveðið
að bjóða eldri borgurum, sem eru
67 ára og eldri akstursþjónustu
vegna læknisheimsókna, skipu-
lagðar endurhæfingar og félags-
starfs. Um er að ræða þjónustu
við íbúa sem eru ófærir um að
nota almenningssamgöngur
vegna langvarandi hreyfihömlun-
ar og hafa ekki aðgang að eigin
farartæki.
Ferðir geta verið allt að 30 á
mánuði og kostar hver ferð 250
krónur sem miðast við almennt
staðgreiðslugjald hjá Strætó bs.
sem sér um framkvæmd þjónust-
unnar. Þeir sem njóta þegar
ferðaþjónustu í félagsstarf á veg-
um Reykjavíkurborgar þurfa ekki
að sækja um að nýju. Að öðrum
kosti þarf að sækja um aksturs-
þjónustuna til þjónustumiðstöðv-
ar í því hverfi þar sem umsækj-
andi býr. Breiðholtsbúar geta
sótt um akstursþjónustu í Þjón-
ustumiðstöð fyrir íbúa Breiðholts
sem er í Álfabakka 12.
U ndirbúningur fyrir sveitarstjórnarkosningarnar á kom-andi vori er hafinn. Prófkjör eru í vaxandi mæli notuð til
þess að raða fólki á framboðslista. Sveitarstjórnarmálin
verða í brennidepli það sem eftir er vetrar í Reykjavík sem
annars staðar.
Öðru hvoru hafa þau sjónarmið komið fram að stjórnmál og
stjórnmálaflokkar eigi takmarkað erindi í stjórnun sveitarfé-
laga. Rekstur þeirra sé svo niðurnjörvaður og nær öllum tekj-
um þeirra ráðstafað eftir lögum og reglugerðum þannig að
stjórnendur fái þar litlu um þokað. Rekstri sveitarfélaga megi
um margt líkja við rekstur fyrirtækja þar sem hagræðing og
góð rekstrarafkoma eigi að vera í fyrirrúmi.
Vissulega er nokkuð til í því en málin eru þó ekki svo einföld.
Fyrir nokkru stóð Samband íslenskra sveitarfélaga fyrir ráð-
stefnu um lýðræði í sveitarfélögum þar sem fjallað var m.a. um
skiptinguna á milli rekstrar og lýðræðis sveitarfélaganna. Þar
komu þau sjónarmið glöggt fram að sveitarstjórn sé ekki að-
eins rekstrarform heldur einnig hluti í lýðræðisskipan þjóðar-
innar og rammi utan um vilja og réttindi fólksins. Á ráðstefn-
unni benti Vilhjálmur Þ. Vilhjálmsson, formaður sambandsins
og borgarfulltrúi í Reykjavík, á að framtíð sveitarstjórnarmála
byggðist á því fólki sem fengist til starfa í sveitarstjórnum.
Á undanförnum árum hafa sveitarstjórnarmenn leita nýrra
leiða til þess að efla lýðræði í sveitarfélögum. Einkum hefur
verið horft til hverfasamtaka, borgarafunda og svonefndra
íbúaþinga í því efni. Nokkur reynsla er þegar komin á samstarf
og samráð af þessu tagi og á það að öllum líkum eftir að aukast
og eflast á komandi tímum í takt við aukna umhverfisvitund
fólks, aukin áhuga á þeirri þjónustu sem sveitarfélög veita og
áhuga stjórnmálamanna að ná eyrum umbjóðenda sinna.
Breiðholtshverfið er eitt og sér með rúmlega 20,800 íbúa
næstum því eins fjölmennt og stærstu sveitarfélögin í landinu
utan Reykjavíkurborgar. Auk þess er hverfið landfræðilega af-
markað frá nálægum borgarhverfum og sveitarfélögum á höf-
uðborgarsvæðinu. Í Breiðholtinu er fjölþætt samfélag fólks
með margvíslegar og mismunandi þarfir. Hverfið er þverskurð-
ur af borgarsamfélagi nútímans.
Málefni Reykjavíkurborgar snerta íbúa Breiðholtshverfisins
jafnt og aðra borgarbúa. Íbúar þess skipta sveitarstjórnarmenn
einnig miklu máli, ekki síst í ljósi þess að hátt í fimmtungur
Reykvíkinga eru einnig íbúar Breiðholtsins. Sjónarmið þeirra
eiga erindi þegar stjórn borgarinnar er annars vegar.
VÍSA Ísland flutti höfuðstöðvar
sínar úr Mjóddinni í Breiðholti
niður á Laugaveg 77 um nýliðin
áramót. Leifur Steinn Elísson
framkvæmdastjóri segir fyrirtæk-
ið hafa verið búið að leita eftir
hentugra húsnæði fyrir starfsemi
sína um nokkurn tíma og tæki-
færið hafi komið þegar því hafi
gefist kostur á leigusamningi um
stóran hluta húsnæðis Lands-
bankans við Laugaveginn.
En af hverju þurfti fyrirtækið að
flytja starfsemi sína úr Mjóddinni.
Leifur Steinn segir að húsnæði
þess við Álfabakka 16 hafi ekki
hentað starfseminni nægilega vel.
Þetta húsnæði muni upphaflega
hafa verið hannað sem skemmti-
staður en þeir hafi breytt því
verulega til að aðlaga það þörfum
höfuðstöðva VÍSA. Auk húsnæðis-
ins að Álfabakka 16 hafi félagið
fest kaup á hluta hússins við Álfa-
bakka 12 þar sem um 20 manns
hafi haft starfsaðstöðu. Með því
hafi starfsemin verið slitin nokkuð
í sundur sem haft hafi ákveðna
óhentugleika í för með sér. Eftir
það hafi verið farið að horfa eftir
hentugra húsnæði þar sem unnt
væri að sameina alla starfsemina
undi einu þaki sem nú hefur verið
gert á hluta jarðhæðar og á
þriðju, fjórðu og fimmtu hæð á
Laugaveginum.
Leifur Steinn segir vissulega
nokkra eftirsjá að umhverfinu í
Mjóddinni. Þar hafi verið stutt í
alla þjónustu þar sem flestar gerð-
ir verslana og ýmissa þjónustufyr-
irtækja sé að finna auk starfsemi
allra viðskiptabankanna. Því hafi
það ekki verið umhverfið sem hafi
ýtt forsvarsmönnum VÍSA út í
flutninga heldur eingöngu hús-
næðismálin. Hann segir umhverf-
ið á Laugavegi einnig ágætt og
vissa kosti samfara því að vera í
miðborginni eða 101-um eins og
miðbæjarsvæðið er gjarnan kallað
eftir póstnúmeri þess. Bílastæðis-
vandamál séu hverfandi svo ofar-
lega við Laugaveginn auk þess
sem skammt sé í bílastæðahús
einkum eftir að bílastæðahúsið á
Stjörnubíósreitnum verður tekið í
notkun. Auk þess fari stór hluti
samskipta við fyrirtækið fram
með rafrænum hætti þótt nokkuð
verði um að menn eigi erindi í eig-
in persónu í húsið. Miklar endur-
bætur hafa farið fram á húsnæð-
inu við Laugaveg 77, sem Leifur
Steinn segir að hafi tekið nokkurn
tíma en séu nú á lokastigi. Hús-
næðið hafi upphaflega verið byggt
í þremur áföngum og því hafi
þurft að samræma það nokkuð og
aðlaga kröfum um nútíma vinnu-
stöðvar auk þess sem því hafi ver-
ið gefið einsleitt yfirbragð.
VISA Ísland
flytur úr Mjóddinni