Breiðholtsblaðið - 01.01.2006, Qupperneq 11

„Ég er í raun blanda úr öllum
landshornum. Við það bætist að ég
hef átt heima víða og hefði ekki vilj-
að vera án þeirrar lífsreynslu að al-
ast upp úti á landi. Ég var fimm ára
þegar við fjölskyldan fluttum úr
Hveragerði til Flateyrar þar sem for-
eldrar mínir settu upp bátasmiðju,
þaðan lá leiðin til Akraness árið
1986 og ríflega einu ári síðar fluttum
við til Reykjavíkur og áttum fyrst
heima í Safamýri en fluttum svo á
Seilugranda og síðar í Skipholtið en
í dag bý ég í Breiðholtinu.“ segir
Björn Ingi Hrafnsson, aðstoðarmað-
ur forsætisráðherra, sem er áber-
andi í þjóðfélagsumræðunni þessa
dagana, enda býður hann sig fram í
1. sætið á lista Framsóknarflokksins
fyrir borgarstjórnarkosningarnar
næsta vor.
„Mér finnst gaman að vera orðinn
Breiðhyltingur. Við bjuggum lengi í
Vesturbænum, en það var eitthvað
við Seljahverfið sem heillaði mig.
Kannski var það veðrið, sem mér
finnst stundum eins og í útlöndum,
eða trén sem skapa sömu tilfinn-
ingu. Ég vinn niður í forsætisráðu-
neytinu og þegar ég fer úr Hálsasel-
inu og niður á Lækjartorg er það
eins og að fara milli tveggja veður-
kerfa. Við erum í skjóli fyrir norðan-
áttinni í götunni minni og það mun-
ar miklu. Mér finnst minna máli
skipta að snjóþyngsli séu meiri; það
skapar bara huggulega stemmn-
ingu.“
En fyrir hvað stendur þú í borg-
armálum?
„Ég á mér draum um að Reykja-
vík verði í fremstu röð í Evrópu.
Saman getum við breytt borginni
okkar og búið til fyrsta flokks
Reykjavík, nútímalega heimsborg
þar sem fólkið er í fyrirrúmi.
Ég vil sjá öruggari Reykjavík, með
því að efla löggæslu í miðborginni,
sérstaklega um helgar. Við þurfum
að gera lögregluna sýnilegri og gera
átak í baráttunni gegn eiturlyfjum,
t.d. með eflingu hverfalöggæslu.
Reykjavík á að vera örugg borg og
við eigum ekki að þurfa að óttast
um börnin okkar. Ég hef rætt þessi
mál talsvert við lögreglumenn og ég
veit að þeir hafa margar góðar hug-
myndir sem þyrftu að komast í
framkvæmd.“
Íþróttakort fyrir alla og
greiðslur til foreldra
Breiðholtið er eitt stærsta hverfi
borgarinnar. Hér brenna leikskóla-
og skólamál mjög á fólki. Þarf að
taka til hendinni þar?
Björn Ingi hlær við. „Trúir þú því
virkilega að þessari spurningu sé
hægt að svara með nei-i?“ Svo held-
ur hann áfram. „Það ríkir óviðun-
andi ástand í þessum málum. Margt
gott hefur verið gert en það er líka
margt óunnið. Það er ekki ásættan-
legt að foreldrar neyðist til að
hætta að vinna þar sem engin úr-
ræði eru í boði. Mitt svar við þessu
er valkvætt kerfi þar sem möguleik-
unum er fjölgað og foreldrum gef-
inn raunverulegur valkostur.
Við þurfum að koma á gjaldfrjáls-
um leikskóla þar sem tekið er tillit
til þess að leikskólinn er fyrsta
skólastigið og gegnir mikilvægu
hlutverki að því er varðar menntun
og þroska barnanna okkar. Ég vil
líka taka upp greiðslur til foreldra
barna 9 til 18 mánaða. Frá því fæð-
ingarorlofi foreldra lýkur við 9 mán-
aða aldur og þar til dvöl á leikskóla
hefst, við 18 til 24 mánaða aldur,
búa foreldrar og börn þeirra við
takmörkuð úrræði. Mikill skortur er
á dagforeldrum og foreldrar á
vinnumarkaði verða oft að bjarga
vistun barna sinna frá degi til dags,
sem er vitaskuld óásættanlegt. Með
því að greiða þessum foreldrum 50
þúsund krónur á mánuði er unnt að
koma til móts við þessar þarfir og
brúa bilið þar til leikskólavist fæst.
Þetta er að mínu mati réttlætismál.
Greiðslurnar yrðu valkvæðar. Þegar
út í hið eiginlega skólakerfi er kom-
ið er vinnudagur barnanna okkar of
langur. Við þurfum að koma íþrótta-
og tómstundastarfi inn í skóladag
barna þannig að vinnudegi sé lokið
þegar heim er komið. Þetta verði
gert með þjónustusamningum við
íþróttafélög og önnur félagasamtök
þannig að allir geti tekið þátt í þrótt-
miklu og skapandi félagsstarfi án til-
lits til efnahags. Öll börn í borginni,
5 til 18 ára, fái íþróttakort að upp-
hæð 40 þúsund krónur á ári sem
renni til íþrótta- og tómstundaiðk-
unar á vegum viðurkenndra aðila.“
Uppbygging hjá ÍR og
Leikni
Hrafn Ágúst, eldri strákurinn okk-
ar, er að æfa fótbolta með 7. flokki
ÍR og líkar vel. Mér finnst vel staðið
að æskulýðsstarfinu hjá félaginu, en
finnst eins og mörgum öðrum að
aðstaðan í Breiðholtinu mætti vera
betri. Breiðholtið er eins og mörg af
stærri bæjarfélögum landsins og
mér finnst undarlegt að ekki sé risið
sérstakt íþrótta- og keppnishús
fyrir ÍR í
Mjóddinni.
Þar hefur
líka verið
beðið lengi
eftir úrbæt-
um á æfinga-
s v æ ð i n u ,
sem nú stan-
da loksins
fyrir dyrum.
Að sama
skapi finnst
mér að horfa
þyrfti til æfingasvæðis Leiknis og ég
er þeirrar skoðunar að þar eigi að
byggja yfir gervigrasvöllinn og
skapa þannig íþróttahús sem yrði
með löglegum knattspyrnuvelli, en
gæti einnig nýst þeim sem vilja leg-
gja stund á aðrar íþróttir, t.d. frjáls-
ar og hlaup. Forvarnagildi íþrótta er
ómetanlegt og Breiðholtið er sér-
staklega barnmargt hverfi og þess
vegna þessir hlutir að vera í lagi.
Ókeypis í strætó og jarð-
göng
Umferða- og skipulagsmál varða
allar borgir miklu. En hvernig horfa
þessi mál við Birni Inga?
„Ég er þeirrar skoðunar að það sé
hægt að vinna að bættum sam-
göngumálum á mörgum vígstöðv-
um í einu. Ég vil efla almennings-
samgöngur. Fyrsta skrefið í þá átt á
að vera að hafa ókeypis í strætó fyr-
ir börn og unglinga, námsmenn, ör-
yrkja og aldraða. Mín framtíðarsýn í
þessum málum er að ókeypis verði
strætó fyrir alla. En það getur verið
skynsamlegt að láta það gerast í
áföngum. Við þurfum líka að endur-
skilgreina það kerfi sem notað er í
dag með hagsmuni íbúana að leið-
arljósi. Það þarf að kanna allar leiðir
í því sambandi. Bílaflota, leiðir og
allt sem nöfnum tjáir að nefna. Ég
vil á sama tíma leggja út í sam-
göngubætur þar sem við horfum til
framtíðar og greiðum úr þeim um-
ferðarflækjum sem eru að myndast
í borginni. Þar vil ég horfa til nýrra
valkosta með lagningu stokka og
jarðganga.“
Björn Ingi segist tilbúinn til að
láta gott af sér leiða fyrir borgar-
búa. „Við búum í góðri borg en það
er hægt að gera hana enn betri. Ég
vil sjá Reykjavík í fyrsta flokk og tel
mig geta lagt ýmislegt af mörkum til
að svo megi verða. En til þess þarf
ég náttúrulega á stuðningi kjósenda
- ykkar.“
JANÚAR 2006 11Breiðholtsblaðið
Sími:
511 1188 & 895 8298
Þrjátíu sjúkraliðar voru út-
skrifaðir frá FB við lok haustann-
ar á síðasta ári Aldrei hafa fleiri
sjúkraliðar verið útskrifaðir í
einu hér á landi. Bestum árangri
sjúkraliða náði Margrét Erlings-
dóttir.
Fjölbrautaskólanum í Breið-
holti var slitið við athöfn í Fella-
og Hólakirkju þriðjudaginn 21.
desember sl. Alls voru 115 loka-
prófsskírteini afhent, 59 skírteini
á starfsnámsbrautum og 56 stúd-
entsprófsskírteini. Bestum
árangri á stúdentsprófi náði
Kolbrún Björnsdóttir.
Ákveðið hefur verið að byggja
við skólann og hlakka kennarar
og nemendur mjög til þess, því
víða hefur aðstaða verið ófull-
nægjandi. Framkvæmdir hefjast
vonandi á þessu ári og verður
gaman að fylgjast með framgangi
mála.
Skólanum bárust að venju góð-
ar gjafir frá ýmsum hollvinum.
Þar má nefna Samtök iðnaðarins,
Gámaþjónustunni, Soroptomista-
klúbb Hóla og Fella, Rotaryklúbb
Breiðholts og Gideonfélagið. Kór
starfsmanna og nemenda söng
nokkur lög við athöfnina.
Aldrei fleiri
sjúkraliðar
útskrifaðir
Aldrei hafa jafn margir sjúkraliðar útskrifast í einu á Íslandi og frá FB
um síðustu jól.
Lífsgæði í
Breiðholti
Helgina 11. og 12. febrúar næst-
komandi gefst öllum borgarbúum
kostur á að velja frambjóðendur á
lista Samfylkingarinnar fyrir borg-
arstjórnarkosningarnar í vor. Á
því kjörtímabili sem nú er að
ljúka hef ég starfað með borgar-
stjórnarflokki Reykjavíkurlistans
og gef nú kost á mér í þriðja sætið
á listanum. Það þarf að huga vel
að öllum hverfum borgarinnar.
Eftir tólf ára búsetu í Breiðholti
og þátttöku í foreldrastarfi í skól-
um og leikskólum og í íþrótta-
starfi í hverfinu þekki ég nokkuð
vel til aðstæðna hér. Það er gott
að búa í Breiðholtinu, margt hef-
ur verið vel gert en þó er ýmislegt
sem má bæta til að gera það enn
betra.
Það þarf að endurbæta skóla-
lóðir og ljúka því verki að allir
nemendur skólanna hafi aðgang
að skólamötuneytum. Það þarf að
halda göngustígum betur við og
endurbæta nokkur útivistar- og
leiksvæði innan hverfisins, s.s.
skíðabrekkuna við Jafnasel. Það
þarf að halda áfram uppbyggingu
íþróttafélaganna og bæta aðstöðu
hjá Leikni og taka sem fyrst end-
anlega ákvörðun um íþróttahús
fyrir ÍR í
M j ó d d .
Gervigras-
völlur mun
koma þar í
ár. Við þurf-
um að bæta
enn betur
öryggi fyrir
gangandi og
h j ó l a n d i
vegfarend-
ur. Og við
þurfum að
efla þjónustu við íbúana í gegnum
hina nýju þjónustumiðstöð í
Mjódd.
Þetta eru meðal mála sem ég
hef talað fyrir opinberlega og á
ýmsum vettvangi í borginni og
mun gera áfram, fái ég stuðning
til þess í komandi prófkjöri. Við
Breiðhyltingar þurfum að vera
vakandi, láta í okkur heyra og til
okkar taka til að bæta lífsgæði í
hverfinu okkar.
Stefán Jóhann Stefánsson,
gefur kost á sér í 3. sætið í
prófkjöri Samfylkingarinnar 11. og
12. febrúar.
Stefán Jóhann
Stefánsson.
Björn Ingi
Hrafnsson.
Björn Ingi Hrafnsson býður sig fram í 1. sæti
Framsóknarflokksins í Reykjavík:
Reykjavík í fyrsta flokk