Breiðholtsblaðið - 01.01.2006, Síða 12

Björk Vilhelmsdóttir félagsráð-
gjafi og borgarfulltrúi gefur kost á
sér í 3. til 4. sæti prófkjöri Samfylk-
ingarinnar í Reykjavík. Björk býr nú
í Hólahverfinu í Breiðholti. Fyrst
flutti Björk í Breiðholtið 17 ára
gömul utan af landi til þess að stun-
da nám við FB þaðan sem hún tók
stúdentspróf af heilsugæslusviði
árið 1983. „Ég bjó á þeim árum í
Austurbergi og einnig í Æsufelli.
Eftir það lá leið mín í félagsráðgjöf í
Háskóla Íslands en búsetan í Breið-
holtinu hélt áfram og ég bjó í Vest-
urbergi, Eyjabakka og Hjaltabakka
um tíma. Ég hafði því prófað ýmis-
legt í efra og neðra áður en ég flutt-
ist vestur fyrir Elliðaár. Þegar ég
flutti til baka fyrir tveimur árum þá
fannst mér ég vera komin heim. Ég
er mjög ánægt með að hafa tekið þá
ákvörðun.“
Pink Floyd í
Elliðaárdalnum
„Breiðholtið er byggð með mikla
breidd og Breiðholtsbúar eiga að
vera stoltir af hverfinu sínu sem
slíku og kynna það með þeim hætti.
Það hefur upp á svo margt að
bjóða. Breiðholtið nær yfir allan
hinn mannlega skala ef svo má að
orði komast. Þar býr fólk af öllum
gerðum, af mörgu þjóðerni og fólk
sem býr við margbreytilega félags-
legar aðstæður.“
Björk segir þetta stóra borgar-
hverfi búa við mestu gæðin af
hendi náttúrunnar sem finna má
innan Reykjavíkurborgar.“ Ég get
bent á Elliðaárdalinn, Elliðavatnið
og Rjúpnahæðina fyrir ofan Selja-
hverfið. Mér hefur alltaf fundist
gott að vera í námunda við fjöl-
breytileikann, náttúruna og einkum
við Elliðaárdalinn þar sem ég stun-
da mikið útivist. Ég held upp á
gönguferðir í dalnum, fæ „iPodinn“
lánaðan hjá syninum og hlusta á
Pink Floyd og aðra góða tónlist.
Dalurinn hefur gert það að verkum
að ég hef endurnýjast við að flytja
uppeftir að nýju,“ segir Björk.
Fjölbreytileikinn auðgar
„Þrátt fyrir fjölbreytileika og lífs-
gæði þá hefur mér oft fundist að
Breiðholtið njóti ekki sannmælis.
Þegar við ákváðum að flytja hingað
var það náttúran sem réði, útsýnið
og umhverfið. Við höfðum skoðað
húsnæði nokkuð víða og það kom
mér verulega á óvart hversu mikill
verðmunur var á fasteignum í
Breiðholtinu og annarsstaðar í
borginni. Við keyptum okkur ein-
býli sem var búið að vera nokkuð
lengi í sölu vegna þess að það virð-
ist erfiðara að selja stærri eignir í
Breiðholtinu en annarsstaðar. Þetta
kom mér sérstaklega á óvart. Ég
hafði búið áður í þessum borgar-
hluta og vissi að hann hafði upp á
mikið að bjóða.“
Björk segist álíta að afstaða fólks
til Breiðholtsins eigi eftir að breyt-
ast. Hverfið eigi eftir að njóta sann-
mælis ekki síst vegna þess að það
er orðið miðsvæðis á höfuðborgar-
svæðinu í stað þess að vera hreint
úthverfi eins og þegar það var í
byggingu. Þetta tekur tíma en ég er
í engum vafa um að þjóðin á eftir
að líta hverfið okkar jákvæðari aug-
um. Breiðhyltingar og borgaryfir-
völd þurfa að halda þannig á mál-
um að fjölbreytileikinn hér verði
eftirsóknarverður því hann er það í
eðli sínu.“
Þjónustumiðstöðin og
Gerðubergið
Björk víkur að þjónustu Reykja-
víkurborgar í Breiðholtinu. Hún
segir þjónustumiðstöðina í Mjódd-
inni vera móðurstöð fyrir fjöl-
skylduráðgjöf og fjölskyldumiðaða
þjónustu þar sem unnið sé að því
að þróa vandaða þjónustu sem
þegar sé farin að skila sér út á með-
al íbúanna. Eins sé eftir að tengja
starfsemina í Menningarmiðstöð-
inni Gerðubergi við þjónustumið-
stöðina og nýta það starf og þau
margvíslegu úrræði sem þar eru til
staðar ásamt nálægð Gerðubergs
við Breiðholtslaugina.
„Velferðarmálin í Breiðholti eru
mér afar hugleikin og hafa verið
það síðan ég starfaði á Félagsmála-
stofnun hér í hverfinu 1988 og 1989.
Hvergi er brýnna að jafna kjör
barna til að gefa þeim sömu tæki-
færi, óháð félagslegri stöðu for-
eldra. Hverfið er að eldast og huga
þarf sérstaklega að þjónustunni
sem veitt er heim til fólks, aldraðra,
fatlaðra og langveikra. Þannig geta
þeir sem það vilja búið í öryggi í
sinni íbúð sem verður þá að þjón-
ustuíbúð í stað þess að þurfa flytja
um set til að nálgast þjónustuna.
Nú er einnig farið að bjóða upp á
kvöld-, nætur- og helgarþjónustu í
samstarfi við heimahjúkrun og ver-
ið er að þróa öryggissíma fyrir þá
sem þurfa slíks með. Akstursþjón-
usta eldri borgara er ný þjónusta
sem hefur það markmið að styðja
enn frekar við þá sem búa heima og
geta ekki nýtt sér almenningssam-
göngur. Til þess að vel takist til þarf
að þróa þjónustuna í samráði við
þá sem njóta hennar og það er
verkefni þjónustumiðstöðvarinnar
næstu misserin í samvinnu við
Breiðhyltinga.“
Breiðhyltingar bestir í
íþróttum
Björk víkur einnig að íþróttastarf-
inu og segir ÍR-inga ekki hafa verið
sátta við þá uppbyggingu sem átt
hafi sér stað. Það standi þó nokkuð
til bóta þar sem byggður verði nýr
gervigrasvöllur á ÍR svæðinu á
þessu ári og einnig sé unnið að því
að þróa og hanna framtíðar íþrótta-
aðstöðu á svæðinu. „Í mínum huga
er mjög mikilvægt að Breiðholtið sé
eitt hverfi þegar kemur að íþrótta-
starfinu. Mér hefur fundist ástæða
til þess að skoða hvort öflugra yrði
að hafa eitt íþróttafélag í staðinn
fyrir tvö eins og nú er. Ég geri mér
grein fyrir að með því að ræða
þessi mál þá er ég að hætta mér inn
á viðkvæmt svæði. En Breiðholtið
er rúmlega 20 þúsund manna sam-
félag. Þetta er svo stórt og öflugt
hverfi að það ætti að geta látið enn
betur til sín taka í íþróttum. ÍR er
með mjög öflugt handboltalið og
hafa verið Íslandsmeistarar í þeirri
grein en Breiðhyltingar hafa ekki
verið að keppa um forystusætin á
Íslandsmótum í öðrum greinum.
Mér finnst að við gætum haft tæki-
færi til þess ef allt hverfið yrði sam-
einað í eitt sterkt íþróttafélag í stað
þess að deila kröftunum á fleiri fé-
lög. Breiðholtið eitt er á stærð við
stórt sveitarfélag og því eigum því
að geta leyft öllum að vera með og
verið góð í öllu“ segir Björk Vil-
helmsdóttir.
JANÚAR 200612 Breiðholtsblaðið
Stefán Jón Hafstein oddviti Samfylkingarinnar í Reykjavík skrifar:
Þjónustan út í hverfin
Þjónustumiðstöð í Breiðholti er
hluti af þeirri stefnumörkun borg-
aryfirvalda að færa borgarbúum
meiri áhrif á það hvernig skattfé
er varið og bæta þjónustuna. Sem
formaður hverfisráðs Grafarvogs
hef ég haft þá ánægju að starfa
með Miðgarði, sem er þjónustu-
miðstöð í því hverfi. Þar hef ég
kynnst því hvernig nærþjónustan
batnar, tengsl við íbúa aukast, og
sameiginlegur skilningur á mark-
miðum og leiðum til að bæta
hverfisvitund verður dýpri. Því
hefur það vakið furðu mína að
Sjálfstæðismenn í borgarstjórn
hafa lagst gegn þjónustumið-
stöðvum í hverfunum, þrátt fyrir
að lýsa yfir ánægju með nær ára-
tugs reynslu af Miðgarði í Grafar-
vogi. Hvers vegna vilja þeir neita
öðrum hverfum um þann góða ár-
angur sem náðst hefur með Mið-
garði? Hvers vegna má Breiðholt-
ið ekki fá sams konar þjónustu og
Grafarvogur? Þetta er óleyst gáta
en á eflaust rætur að rekja til
íhaldssemi sem flestum fram-
farasinnuðum borgarbúum er
óskiljanleg. Það er til dæmis al-
veg óskiljanlegt að vera á móti
þjónustumiðstöðinni nýju, þar
sem þegar hefur verið tekið upp
,,Grafarvogsmódel“ af samstarfi
íbúa og lögreglu sem hvarvetna
hefur hlotið lof.
Frekari skref nauðsynleg
Í framboði mínu til fyrsta sætis
í prófkjöri Samfylkingarinnar hef
ég lagt áherslu á að enn beri að
auka svokallaða hverfavæðingu.
Ég tel að ná megi því markmiði
með því að efla hvers konar íbúa-
samtök sem starfa á lýðræðisleg-
um grunni, og bæta tengsl þeirra
við hverfaráðin. Í hverfisráði
Grafarvogs héldum við íbúaþing
með Miðgarði þar sem kom í ljós
að umferðarmál voru fólkinu hug-
leikin. Hverfisráð skipaði því sér-
stakan umferðaröryggishóp sem í
voru fulltrúar frá lögreglu, íbúa-
samtökum og ráðinu sjálfu. Þetta
fólk fór um hverfið, skilaði
skýrslu um nauðsynlegar úrbæt-
ur og síðan höfum við markvisst
fylgt þessu eftir. Nú hefur verið
mælt með því að þetta vinnulag
verði tekið upp í öllum hverfum
borgarinnar á vegum hverfisráð-
anna. Breiðholt verður því ekki
afskipt. Ég tel að sams konar
vinnulag eigi að hafa við um fleiri
grenndarmál, svo sem umhirðu á
opnum svæðum og umhverfismál
sem tengjast þeim. Því þarf að
auka samstarf þjónustumiðstöðv-
anna og hverfisbækisstöðva garð-
yrkju og framkvæmda til að gera
borgarstarfsmenn okkar í hverf-
unum meðvitaða um óskir og for-
gangsröðun íbúa, og gera þá
ábyrga gagnvart fólkinu sem býr í
hverfunum.
Styrkari tengsl foreldra
og skóla
Dæmi um verkefni sem ég hef
beitt mér fyrir með stofnun þjón-
ustumiðstöðva er í Breiðholti.
Þar hef ég sem formaður mennta-
ráðs beitt mér fyrir samstarfi for-
eldrasamtakanna Samfoks og
þjónustumiðstöðvar um að bygg-
ja upp foreldraráðin í skólum
hverfisins og bæta samskipti for-
eldra og skóla. Framkvæmda-
stjóri Samfoks og forstöðumaður
þjónustumiðstöðvarinnar hafa
sýnt metnað og áhuga á verkefn-
inu og foreldrar nú þegar kynnst
því. Þetta verkefni á síðan að nýt-
ast í öðrum hverfum, rétt eins og
umferðaröryggisstarfið í Grafar-
vogi. Íbúar Breiðholts munu
sannarlega njóta þess að við höf-
um markvisst stefnt að því að
færa þjónustuna út í hverfin og ég
vil gjarnan fá að leggja mitt af
mörkum á næsta kjörtímabili til
að þróa þessi mál enn áfram með
íbúum hverfanna.
Stefán Jón Hafstein.
Björk Vilhelmsdóttir.
„Ég er komin heim“
Breiðholtið er með mikla breidd, segir Björk Vilhelmsdóttir
Björn Ingi
í 1. sætið