Breiðholtsblaðið - 01.02.2006, Blaðsíða 2

FEBRÚAR 20062 Breiðholtsblaðið
Útgefandi: Borgarblöð ehf.
Vesturgötu 15 • 101 Reykjavík
Sími: 511 1188 • 561 1594
Fax: 561 1594
Auglýsingasími: 511 1188 • 561 1594 • 895 8298
Netfang: borgarblod@simnet.is
Ritstjóri: Þórður Ingimarsson, Sími: 551 1519 • 893 5904
Netfang: thord@itn.is
Framkvæmda- og auglýsingastjóri: Kristján Jóhannsson
Umbrot: Valur Kristjánsson
Prentun: Prentsmiðja Morgunblaðsins
Dreifing: Íslandspóstur
2. tbl. 13. árgangur
Breiðholtsblaðið er gefið út í 9000 eintökum og dreift
frítt í hvert hús í Breiðholtinu.
Þjónustumiðstöðvar
S T U T T A R
B O R G A R F R É T T I R
Hólabrekkuskóli
hverfameistari
Hólabrekkuskóli varð hverfa-
meistari í borgarhluta þrjú í
keppninni „Nema hvað 2006“.
Skólinn bar sigurorð af Árbæjar-
skóla í keppni sem fór fram í frí-
stundamiðstöðinni Miðbergi
fimmtudagskvöldið 26. janúar sl.
Lokatölur keppninnar urðu þær
að Hólabrekkuskóli hlaut 25 stig
en Árbæjarskóli 21.
Hólabrekkuskóli mætti síðan
Borgaskóla í fyrri undanúrslita-
viðureign keppninnar. Hvorugt
þeirra liða hafði áður komist í
undanúrslit og höfði bæði liðin
því allt að vinna og engu að tapa.
Þeirri viðureign lauk síðan með
sigri Borgaskóla.
Svifryk yfir heilsu-
farsmörkum
Allt að 75% þess svifryks sem
mælist í Reykjavík er talið vera af
völdum umferðar í borginni.
Svifryk mældist yfir heilsu-
verndarmörkum í mælingu sem
gerð var 24. og 25. nóvember sl.
Svifryk mældist einnig hátt yfir
heilsufarsmörkum aðfaranótt 1.
janúar sl. þegar miðstöð mengun-
arvarna umhverfissviðs Reykja-
víkurborgar sýndi að um 1800
míkrógrömm af svifryki væru í
andrúmsloftinu. Talið að notkun
negldra hjólabarða eigi verulegan
þátt í myndun svifryks en nagla-
dekkin spæna malbikið upp sem
síðan rýkur út í andrúmsloftið.
Nýtt svæði fyrir allt
að 1400 hross
Borgarráð hefur samþykkt til-
lögu borgarstjóra um að veita
Fáki formlegt fyrirheit um að fé-
lagið fái hesthúsalóðir í Almanna-
dal á Hólmsheiði til ráðstöfunar.
Gert er ráð fyrir fjórum þyrping-
um hesthúsa þar sem hægt verði
að hýsa allt að 1400 hross.
Um er að ræða svæði vestan
við það svæði sem Fjárborg er á.
Gert er ráð fyrir að byggja megi
frá átta til fimmtán hesthús í
hverri þyrpingu eftir stærð
þeirra. Hugmyndir eru um rúm
fyrir 140 til 150 hesta á hverri lóð.
Á svæði fjáreigenda Reykjavíkur
eru þegar pláss fyrir allt að 800 til
1000 hross en með hinu nýja
svæði eiga að skapast möguleikar
fyrir 2200 til 2400 hross þegar allt
svæðið verður fullnýtt. Auk hest-
húsabyggðarinnar gerir skipulag
svæðisins ráð fyrir að þar verði
reiðskemma, félagsheimili og
gæðingavöllur með áhorfenda-
svæði, skeiðbraut og tamninga-
gerði og beitarhólfs í Hólmsheiði.
Um 900 hugmyndir í
Hallveigarbrunn
Um 900 hugmyndir bárust í
svonefndan Hallveigarbrunn en
það er vefsetur sem umhverfis-
svið Reykjavíkurborgar opnaði í
tvær vikur í janúar.
Markmiðið með Hallveigar-
brunni var að leita hugmynda hjá
borgarbúum um ýmsa þætti sem
lúta að umhverfismálum. Þar má
m.a. nefna notkun útivistar-
svæða, landnýtingu og loftgæði. Á
meðal hugmynda sem komu fram
má nefna minni strætisvagna, yf-
irbyggt Austurstræti og sérstakan
dag faðmlagsins í borginni. Unnið
er að flokkun hugmyndanna og
verða þær sem teljast vera raun-
hæfar og skemmtilegar teknar
með í stefnumótun sjálfbærs sam-
félags í Reykjavík.
Um 70 milljónir til
þróunarverkefna í
skólum
Menntaráð Reykjavíkurborgar
hefur ákveðið að verja 70 milljón-
um króna til fræðslu- og þróunar-
verkefna í leikskólum, grunnskól-
um og tónlistarskólum í borginni
fyrir skólaárið 2006 til 2007.
Framlög til leikskóla margfald-
ast frá fyrra ári og nema 12 millj-
ónum króna. Þá verður einnig
varið fjármunum til tónlistarskóla
sem eiga m.a. að nýtast til tónlist-
arkennslu í frístundaheimilum
grunnskólanna. Að þessu sinni
var einkum lögð áhersla á verk-
efni sem tengjast samstarfi leik-
og grunnskóla en einnig verkefn-
um á borð við kennslu bráðgerra
barna, kennslu í ensku og í ís-
lensku og fjölmenningu fyrir börn
fjölskyldna sem eru aðfluttar frá
öðrum löndum.
Hundrað milljónir
greiddar með
skólamáltíðum
Gert er ráð fyrir að kostnaður
Reykjavíkurborgar vegna mat-
væla í mötuneytum grunnskól-
anna í Reykjavík verði um 410
milljónir króna á þessu ári og
annar kostnaður vegna starfsemi
þeirra verði um 170 milljónir.
Samtals er því gert ráð fyrir að
kostnaður vegna mötuneytanna
verði um 580 milljónir. Á móti er
gert ráð fyrir tekjum af sölu á mat
fyrir um 480 milljónir sem þýðir
að borgin mun greiða um 100
milljónir króna vegna máltíða
grunnskólabarna. Þetta kemur
fram í fjárhagsáætlun borgarinnar
fyrir yfirstandandi ár.
Nokkur umræða hefur orðið að
undanförnu um að sumar fjöl-
skyldur hafi ekki ráð á að kaupa
skólamáltíðir fyrir börn sín. Engin
formleg könnun hefur þó farið
fram á hvort svo sé en umræðan
virðist fyrst og fremst tilkomin
vegna fjölda barna sem ekki nýta
sér máltíðir sem boðið er upp á í
skólunum. Ástæður þess eru því
ekki að fullu kunnar og geta mat-
arvenjur og matarsmekkur barn-
anna valdið nokkru um hvort þau
vilja nýta skólamáltíðirnar ekkert
síður en efnahagur heimilanna.
Reglum um fjárhagsaðstoð
Reykjavíkurborgar var breytt á
árinu 2003 á þann veg að kveðið
er á um að veittur skuli sérstakur
styrkur til barna frá efnalitlum
fjölskyldum til þess að mæta
kostnaði vegna skólagöngu og
getur sá styrkur miðast við leik-
skóla, heilsdagsskóla, daggæslu,
tómstundir og skólamáltíðir. Á
síðasta ári var tæpum 30 milljón-
um króna varið til sérstakrar að-
stoðar af þessum tilefnum og
fengu 439 heimili aðstoð af þeim
sökum á sl. ári.
Þ jónustumiðstöð Reykjavíkurborgar í Breiðholti hefur starf-að síðan um mitt sl. ár. Hverfamiðstöðvar á borð við Þjón-
ustumiðstöðina í Breiðholti eru nýmæli í starfsemi sveitar-
félaga þótt aðdraganda þeirra megi rekja allt aftur til laga um
reynslusveitarfélög frá miðjum síðasta áratug. Fyrstu þjónustu-
miðstöð borgarinnar var komið á fót í Grafarvogi 1997 og þeirri
næstu í vesturborginni fimm árum síðar. Nú starfa sex þjón-
ustumiðstöðvar í hinum ýmsu hlutum borgarinnar.
Markmið þjónustumiðstöðvanna er fjórþætt. Í fyrsta lagi að
auðvelda fólki aðgang að þjónustu borgarinnar við íbúana þar
sem þeir geta nálgast alla þjónustuþætti á einum stað. Í öðru
lagi er verið að auka samstarf þjónustuaðila og stuðla að þver-
faglegu samstarfi sérfræðinga í mismunandi þjónustugreinum á
borð við, skólaþjónustu, félagsþjónustu og frístundaþjónustu. Í
þriðja lagi er unnið að því að efla félagsauð og stuðla að marg-
víslegu félagsstarfi innan hverfanna. Í fjórða lagi er síðan verið
að búa borgina sem sveitarfélag undir að taka við fleiri
verkefnum frá ríkinu.
Þótt engar ákvarðanir liggi enn fyrir um þau verkefni sem
kunna að verða flutt frá ríki til sveitarfélaga þá hefur einkum
verið rætt um verkefni í heilsugæslu, verkefni Tryggingarstofn-
unar ríkisins og jafnvel löggæsluverkefni í því sambandi. Ljóst
má vera að unnið verður að flutningi einhverra verkefna til
sveitarfélaga á komandi tímum. Til þess liggur vilji sveitar-
stjórnarmanna og einnig stjórnvalda.
Nágrannavarsla
Á vegum Þjónustumiðstöðvarinnar í Breiðholti er nú unnið
að undirbúning þess að koma af stað tilraunaverkefni um
nágrannavörslu. Nágrannavarslan felst í að íbúum ákveðinna
gatna er boðið að fá þekkingu og þjálfum sem þarf til þess að
íbúar geti aðstoðað hvorir aðra við vörslu eigna og einnig og
ekkert síður til þess að gæta að og efla ákveðna samkennd á
meðal fólks. Einsemd virðist fara vaxandi í því stórborgarsam-
félagi sem hér er orðið til og öðru hvoru berast fregnir af eldra
fólki sem hefur fundist látið á heimilum sínum og verið það
jafnvel um einhvern tíma án þess að neinn hafi vitað af því. Vel-
ferðarráð Reykjavíkurborgar hefur nýlega samþykkt að setja á
stofn vinnuhópa með það að markmiði að finna leiðir til þess
að rjúfa svo mikla einsemd og einangrun að jafnvel skapadæg-
ur fólks verði ekki öðrum kunnugt fyrr en um síðir.
Því getur nágrannavarslan náð til fleiri þátta en hinnar eigin-
legu eignavörslu, vörslu heimila og bíla. Hún getur líka náð til
hinna félagslegu þátta og dregið úr hættunni á því að fólk verði
algerlega félagslega einangrað. Markmið nágrannavörslunnar
er því tvíþætt. Að gæta að eignum fólks en einnig að fólk sem
býr við einsemd getið vitað af því að nágrannar þess hafi auga
með því og sú vissa geti skapað því góða tilfinningu.