Breiðholtsblaðið - 01.03.2006, Blaðsíða 2

MARS 20062 Breiðholtsblaðið
Útgefandi: Borgarblöð ehf.
Vesturgötu 15 • 101 Reykjavík
Sími: 511 1188 • 561 1594
Fax: 561 1594
Auglýsingasími: 511 1188 • 561 1594 • 895 8298
Netfang: borgarblod@simnet.is
Ritstjóri: Þórður Ingimarsson, Sími: 551 1519 • 893 5904
Netfang: thord@itn.is
Framkvæmda- og auglýsingastjóri: Kristján Jóhannsson
Umbrot: Valur Kristjánsson
Prentun: Prentsmiðja Morgunblaðsins
Dreifing: Íslandspóstur
3. tbl. 13. árgangur
Breiðholtsblaðið er gefið út í 9000 eintökum og dreift
frítt í hvert hús í Breiðholtinu.
Brúa þarf bil
kynslóðanna
S T U T T A R
B O R G A R F R É T T I R
Ánægja með breytt
leiðakerfi
Ánægja er með þær breytingar
sem nýlega voru gerðar á leikakerfi
Strætó bs. Hinar nýju akstursleiðir
hafa nýst ágætlega sem sýnir að mik-
il þörf var á breytingunum.
Lítið hefur verið um vandræði og
farþegar ekki átt í umtalsverðum erf-
iðleikum með að tileinka sér breyt-
ingarnar. Stjórnendur Strætó bs.
vona að með þessum breytingum
verði leiðakerfið skilvirkara og al-
menningssamgöngurnar verði betri
valkostur fyrir íbúa höfuðborgar-
svæðisins.
Stærri Egilshöll
Tekin hefur verið fyrsta
skóflustungan að stækkun Egilshall-
ar. Steinunn Valdís Óskarsdóttir,
borgarstjóri tók stunguna og fram-
kvæmdir munu hefjast á næstu vik-
um. Ráðgert að þeim ljúki fyrir ára-
mót.
Byggð verður tíu þúsund fermetra
nýbygging sunnan Egilshallar sem
verður tengd höllinni. Það er Nýsir
hf., eigandi hússins, sem stendur á
bak við þessa framkvæmd en í ný-
byggingunni verður fjögurra sala bíó
á vegum Sambíóanna sem rúma
munu um eitt þúsund manns, 36
brauta keilusalur og þemasýningu,
sem verður kölluð „Auga Óðins“,
verður komið fyrir neðanjarðar. Lóð
Egilshallar verður 94.000 fermetrar
eftir stækkunina og verður gert
hringtorg á Víkurvegi með nýrri að-
komu að höllinni. Bílastæðum verð-
ur fjölgað í tvö þúsund og byggður
verður gervigrasvöllur norðan hallar-
innar.
Bílhræjum
fjölgar sífellt
Um 150 tilkynningar hafa verið
settar á afskráðar bifreiðar og bílhræ
í Reykjavík það sem af er þessu ári.
Mikil fjölgun hefur orðið á ónýtum
bílum sem lagt hefur verið bæði á
opinberum bílastæðum og einnig á
einkalóðum. Ástæðu þess má trúlega
rekja til mikils innflutnings á bílum að
undanförnu og einnig miklum við-
skiptum með notaða bíla. Vaxandi
bílaeign veldur því síðan að fólk legg-
ur eldri bíla til hliðar mun fyrr en
áður var en kemur því ekki í verk að
losa sig við þá. Eigandi bíls sem búið
er að taka endanlega úr notkun fær
15 þúsund krónur greiddar fyrir að
færa hann til niðurrifs. Umhverfis- og
framkvæmdasvið Reykjavíkurborgar
vinna nú saman að eftirliti til þess að
sporna við þessu vandamáli sem fer
sífellt vaxandi.
Læsi í víðasta
skilningi
Hátt í 700 grunnskólakennarar í
Reykjavík sóttu ráðstefnu um skóla á
nýrri öld sem haldin var í Reykjavík á
starfsdegi grunnskólakennara 1.
mars sl. Fyrirlesari á ráðstefnunni
var Carol Ann Tomlinson, professor
við Virgíníuháskóla í Bandaríkjunum,
en hún hefur m.a. annars rannsakað
einstaklingsmiðað nám og skrifað
fjölda bóka um viðfangsefnið.
Sex málstofur voru haldnar að
loknum fyrirlestri hennar undir yfir-
skriftinni „að lesa heiminn“ þar sem
kynnt voru ýmis verkefni sem verið
er að vinna að í grunnskólum borgar-
innar. Þemað í umræðunum í mál-
stofunum var læsi í víðasta skilningi,
þar á meðal nýjar leiðir við lestrar-
kennslu, en einnig menningarlæsi,
upplýsingalæsi og læsi á heilsufar. Þá
voru haldnir fyrirlestrar um nýjar
leiðir í námsmati, kennslu í heim-
speki, svonefnda útikennslu og
einnig sterka námsmenn.
E ldri borgarar eiga að vera virkir í samfélaginu. Þetta komskýrt fram á umræðum á málþingi um félagsstarf eldriborgara er efnt var til í tengslum við Breiðholts-menning-
arhátíð sem haldin var í Gerðubergi síðustu helgina í febrúar.
Einnig er nauðsynlegt að bæta aðstöðu eldra fólks þegar heilsu
þess hrakar og starfsgetuna þverr, m.a með svokölluðum ör-
yggisíbúðum eins og Vilhjálmur Þ. Vilhjálmsson, Breiðhyltingur
og borgarfulltrúi, vék að í erindi sínu á málþinginu.
Guðrún Þórsdóttir, skólastjóri Vinnuskóla Reykjavíkurborg-
ar, ræddi meðal annars um að margt fólk væri svo heppið að
halda heilsu og starfsgetu langt fram yfir hefðbundinn eftir-
launaaldur. Í stað þess að nýta orku fólks, starfsgetu og síðast
en ekki síst reynslu væri því ýtt út úr daglegu lífi. Finna þyrfti
farveg til þess að tengja kynslóðirnar saman svo þær fengju
betri tækifæri til þess að hittast, ræðast við og miðla hvor
annarri af hugmyndum sínum og reynslu. Einnig þyrfti að huga
að því að atvinnuþátttaka fólks sem komið er yfir eftirlaunaald-
ur hætti að skerða grunnlífeyrisréttindi þess. Kerfið sem nú sé
farið eftir beinlínis refsi eldra fólki fyrir að leita út á vinnumark-
að eftir að það hefur öðlast rétt til lífeyris vegna aldurs.
Ástæða er til þess að taka undir þessi orð Guðrúnar sem og
önnur orð sem látin voru falla á umræddu málþingi. Engin
ástæða er til og raunar ekkert vit í því að ýta fólki, sem býr við
góða heilsu og oft á tíðum fulla starfsgetu burt af vinnumarkaði
og jafnvel burtu úr hinu daglega lífi á ákveðnum afmælisdegi.
Grunnframfærslukerfið er svo gegnumstungið af tekjutenging-
um að lítinn sem engan hvata er að finna fyrir fólk, sem komið
er á eftirlaunaldur að sækja sér vinnu þótt áhugi og starfsgeta
sé fyrir hendi. Teikn eru um að hugarfar gagnvart atvinnuþátt-
töku eldra fólks sé að breytast til hins jákvæða. Opinber starfs-
aldursmörk, sem einnig gætir verulega á hinum almenna vinnu-
markaði, og tekjutengingar hins opinbera eru stærstu hindran-
irnar að þessu leyti.
Hraðbankar og kaffihús
H átt í 21 þúsund manns búa í Breiðholtinu. Þetta er ein afstærstu samfelldu byggðum eða hverfum hér á landi.Breiðholtið er nærri eins fjölmennt og stærstu sveitarfé-
lögin utan Reykjavíkurborgar. Þrátt fyrir stærð hverfisins og
fjölda íbúa vantar ýmsa þjónustu í hverfið sem ætti að vera
sjálfsögð. Aðeins munu vera örfáir hraðbankar í öllu Breiðholt-
inu ef Mjóddin, þar sem bankarnir hafa útibú er frá talin. Ekkert
kaffihús er að finna í nær 21 þúsund manna byggð fyrir utan
kaffihúsið í Menningarmiðstöðinni Gerðubergi og kaffiaðstöðu í
bakaríinu gegnt Félagsmiðstöð Reykjavíkurborgar í Mjóddinni.
Þetta þætti ekki góð þjónusta í öðrum sambærilegum byggðum
og nægir að benda á nágrannabyggðirnar í Kópavogi og Hafnar-
firði í því sambandi. Ef Breiðholtsbúa langar að skreppa á kaffi-
hús þarf hann að minnsta kosti að fara niður í Skeifu, Borgar-
tún eða yfir í Kópavog að ekki sé talað um Laugaveginn eða
Kvosina þar sem kaffihúsin blómstra. Í öllum tilvikum þarf
hann að hafa bíl til umráða.
„Það vantar sárlega kaffihús í Breiðholtið“ segir Guðrún Þórs-
dóttir, skólastjóri Vinnuskóla Reykjavíkurborgar, í viðtali hér í
blaðinu og hún kveðst skora á hugmyndaríkt fólk að íhuga
möguleika á kaffihúsarekstri í hverfinu sem hafi tengingu við þá
göngustíga sem fyrir hendi eru og skapa þannig kaffihúsa-
göngu-hefð. Breiðholtsblaðið tekur heilshugar undir þau orð
hennar.
ÁRVR opnaði í nýju húsnæði í Garðheimum í Mjóddinni í Breið-
holti sl. þriðjudag en sölubúð áfengisverslunarinnar í Breiðholti
var áður í verslanakjarnanum í Mjódd. Á myndinni er Kolbrún
Jóhannesdóttir, starfsmaður ÁTVR að afgreiða Rósu Reinards-
dóttur sem var fyrsti viðskiptavinur hinnar nýju verslunar.
Verslunin er rúmgóð, björt og skemmtilega innréttuð í hinum
nýja stíl sem ÁTVR hefur tileinkað sér.
ÁTVR opnar
í Garðheimum