Breiðholtsblaðið - 01.03.2006, Blaðsíða 9

MARS 2006 9Breiðholtsblaðið
Heiðbrigðiseftirlit
fyrir sjötuga og eldri
Heilsugæslan í Mjódd hefur
boðið íbúum hverfisins, sem eru
orðnir 70 ára upp á ákveðið heil-
brigðiseftirlit. Nú er Heilsugæslan
í Efra Breiðholti að fara af stað
með starf af svipuðum toga.
Markmiðið með þessu starfi er að
styðja fólk til að geta búið sem
lengst á heimilum sínum og er
þessi þjónusta veitt hinum eldri
borgurum að kostnaðarlausu.
Breiðholtsblaðið hitti þær Sól-
veigu Ólafsdóttur, hjúkrunarfræð-
ing og Báru Emilsdóttur, sjúkra-
liða frá Heilsugæslunni í Mjódd
og Herdísi Jónsdóttur, hjúkrunar-
fræðing frá Heilsugæslunni í Efra
Breiðholti og grennslaðist fyrir
um þessa þjónustu.
Að búa fólk undir
breyttar aðstæður
Þær segja markmiðið með
þessu starfi fyrst og fremst að
huga að fyrirbyggjandi aðgerðum
og búa eldri borgara þannig betur
undir breyttar aðstæður sem ald-
ur getur haft í för með sér. Með
starfinu er reynt að grípa inn í og
meðhöndla sjúkdóma og hrörnun
í tíma til þess að einstaklingar
geti viðhaldið færni sinni sem
lengst og geti búið sem lengst á
eigin heimilum. Fólkið er boðið
upp á mælingu á blóðþrýstingi,
vigtum og ráðgjöf varðandi hreyf-
ingu og heppilegt mataræði. Fólki
eru einnig veittar leiðbeiningar
vegna lyfjatöku en þær segja að
sumir eldri borgarar átti sig ekki
nægilega vel á því hvernig þeir
eigi að taka lyf sem þeim eru
nauðsynleg og geri sér stundum
ekki nægilega vel grein fyrir því
hversu mikilvægt er að hafa fasta
reglu á lyfjatökunni bæði hvað
varðar magn og einnig hversu
mikilvægt er að taka lyfin alltaf á
réttum tíma. Því sé oft nauðsyn-
legt að brýna þetta fyrir fólki og
leiðbeina því ef þess gerist þörf.
Einnig er fjallað um slysahættu
sem getur verið fyrir hendi inni á
heimilum fólks, einkum þegar
hreyfigeta þess farin að minnka,
og farið er með því yfir nauðsyn-
leg öryggismál sem allir verða
hafa í huga hvar sem þeir eru
staddir.
Félagsleg réttindi og
heimilisþægindi
Þær segja að sumir eldri borg-
arar viti ekki nægilega vel um þau
félagslegu réttindi sem standi
fólki til boða og einnig í hvað fé-
lagsstarfi fólk getur tekið þátt og
notið. Heilsugæslurnar í Mjódd
og í Efra Breiðholti hafa aðgang
að iðjuþjálfa sem tekur að sér að
fara heim til fólks og kanna hvort
það geti bætt aðstöðu sína heima
fyrir að einhverju leyti, m.a. með
tilliti til nauðsynlegrar hreyfingu
og hvort það geti auðveldað sér
að sinna daglegum störfum heima
fyrir. Fólk þarf oft að breyta um
aðferðir að þessu leyti þegar heil-
sa þess fer að gefa sig og líkamleg
færni minnkar. Fólkið finnur e.t.v.
ekki sjálft út hvernig best er að
bera sig til þegar aðstæður þess
breytast eða áttar sig á hvaða
hjálpartæki geta hentað. Að öðru
leyti en þessu er þessi þjónusta
veitt inni á heilsugæslustöðvun-
um en byggir ekki á heimsóknum
í heimahús og má í því sambandi
nefna infúensu- og lungnabólgu-
bólusetningar fyrir eldra fólk og
landlæknir mælir með að fólk láti
bólusetja sig á haustin.
Of margir einangrast
Þær segja að eldra fólk hafi til-
hneigingu til þess að loka sig af
og margir eldri borgarar séu svo-
lítið innilokaðir og jafnvel ein-
angraðir ef þannig megi komast
að orði. Sumir kjósi sér þann lífs-
stíl ýmist meðvitað eða ómeðvit-
að því stundum stafi það af því að
fólk viti ekki hvert það getur sótt
sér mannleg samskipti og félags-
skap. Margir sæki þó félagsstarf
aldraðra bæði í Gerðubergi og Ár-
skógum. Hjúkrunarfræðingur eða
sjúkraliði frá Heilsugæslunni í
Mjódd er til viðtals einu sinni í
viku, kl. 10.00 til 11.30 á miðviku-
dögum í Árskógum auk símatíma
fyrir eldri borgara á heilsugæslu-
stöðinni á mánudögum og þriðju-
dögum.
Að fara af stað í Efra
Breiðholti
Heilsuverndarstarfið á Heilsu-
gæslunni í Mjódd á sér lengri
sögu en í Efra Breiðholti þar sem
það er að fara af stað þessa dag-
ana. Á næstu vikum er ætlunina
að senda bréf til allra þeirra sem
eru orðnir 75 ára og kanna þannig
aðstæður þessa aldurshóps með
tilliti til heilsufars og kynna þeim
þá þjónustu sem verður fyrir
hendi og varðar heilsufarseftirlit
og heilsuvernd. Þessi aldurshóp-
ur er hlutfallslega minni í Efra
Breiðholtinu en í þeim hluta
hverfisins sem tilheyrir Heilsu-
gæslunni í Mjódd en fer heldur
vaxandi. Það stafi af breytilegri
aldurssamsetningu íbúanna eftir
hverfum innan Breiðholtsins sem
eigi annars vegar rætur að rekja
til í hvaða röð þau byggðust en
hins vegar til byggingarmátans.
Efnt verður til kynningar á heilsu-
verndarþjónustu Heilsugæslu-
stöðvanna í Mjódd og í Efra
Breiðholti og fer kynningin fram í
Gerðubergi mánudaginn 3. apríl
og hefst kl. 13.00.
Sólveig Ólafsdóttir hjúkrunarfræðingur og Bára Emilsdóttir sjúkraliði
hjá heilsugæslunni í Mjódd og Herdís Jónsdóttir hjúkrunarfræðingur
hjá heilsugæslunni í Efra Breiðholti.
Bærinn sem blómstrar
Hópur af „efnilegustu“ fjöl-
miðlanemendum Fjölbrauta-
skólans í Breiðholti fór í vett-
vangsferð til Sandgerðis þann
14. mars síðastliðinn. Nemend-
unum var falið það verkefni að
gera úttekt á Sandgerðisbæ
með því að taka viðtöl við
ýmsa lykilaðila í bæjarfélag-
inu. Ferð sem þessi er farin á
vegum skólans á hverri önn
þar sem eitthvert ákveðið bæj-
arfélag er tekið fyrir.
Þegar komið var til Sandgerð-
is var byrjað á að fara á Fræða-
setrið þar sem hópurinn hafði
bækistöðvar. Rifist var um
myndavélar og diktafóna, en
auðvitað allt á góðu nótunum.
Skipti svo hópurinn upp liði og
svo var hafist handa við að taka
viðtölin. Sumir töluðu við sjó-
menn á meðan aðrir fengu
blessun og viðtal hjá presti.
Eftir mörg, löng og strembin
viðtöl, myndatökur og heimilda-
öflun var lagt af stað í bæinn
síðdegis. Þegar komið var upp í
FB var byrjað að vinna allt efnið
með pizzu í annarri hendi og
kók í hinni.
Áður en lagt var af stað höfðu
margir þröngsýnar hugmyndir
um landsbyggðina og þá sér-
staklega Sandgerði og einhverj-
ir vissu ekki nákvæmlega hvar
bærinn var staðsettur. Eftir dag-
inn var þetta viðhorf breytt;
Sandgerði er mjög vinalegur
bær þar sem allir taka á móti
þér með hlýju viðmóti og til-
búnir að gera hvað sem er fyrir
þig.
Kolbrún Ragna Ragnarsdóttir
Sandra Sigurjónsdóttir
Nemendur í FLM 213
Fjölmiðlafræðihópurinn sem fór í vettvangsferðina til Sandgerðis
ásamt kennurum sínum, þeim Gunnari Magnúsi Gunnarssyni og
Magnúsi Ingvasyni.
Auglýsingasími: 511 1188 & 895 8298