Breiðholtsblaðið - 01.04.2006, Blaðsíða 2
APRÍL 20062 Breiðholtsblaðið
Útgefandi: Borgarblöð ehf.
Vesturgötu 15 • 101 Reykjavík
Sími: 511 1188 • 561 1594
Fax: 561 1594
Auglýsingasími: 511 1188 • 561 1594 • 895 8298
Netfang: borgarblod@simnet.is
Ritstjóri: Þórður Ingimarsson, Sími: 551 1519 • 893 5904
Netfang: thord@itn.is
Framkvæmda- og auglýsingastjóri: Kristján Jóhannsson
Umbrot: Valur Kristjánsson
Prentun: Prentsmiðja Morgunblaðsins
Dreifing: Íslandspóstur
4. tbl. 13. árgangur
Breiðholtsblaðið er gefið út í 9000 eintökum og dreift
frítt í hvert hús í Breiðholtinu.
Breiðholtið miðsvæðis
S T U T T A R
B O R G A R F R É T T I R
Byggingarmet í
Reykjavík
Hafin var smíði á 1.257 íbúðum
í Reykjavík á árinu 2005 og hefur
sú tala aldrei verið hærri. Lokið
var við smíði 782 íbúða á síðasta
ári, samkvæmt skýrslu bygginga-
fulltrúa sem lögð hefur verið fram
í borgarráði.
Í skýrslunni kemur fram að
íbúðarhúsnæði var um helmingur
alls húsnæðis sem fullgert var á
árinu í fermetrum talið. Vöru-
geymslur og bílskúrar námu 16%,
verslunar- og skrifstofuhúsnæði
15%, stofnanahúsnæði 13% og um
6% nýbygginga í Reykjavík árið
2005 var iðnaðarhúsnæði.
Allt að 120 MW
stækkun
Skipulagsstofnun hefur fallist á
stækkun Hellisheiðarvirkjunar.
Stækkun vinnslusvæðisins er í
Skarðsmýrarfjalli norðan núver-
andi virkjunarsvæðis á Hellis-
heiði. Áætlað er að vinnsla á
Skarðsmýrarfjalli geti nægt til allt
að 120 MW rafmagnsframleiðslu
sem kallar á stækkun rafstöðvar,
stöðvarhúss og annarra mann-
virkja auk nýrra lagnaleiða,
veglagningar og efnistöku.
Markmið Orkuveitunnar með
framkvæmdinni er að mæta auk-
inni eftirspurn atvinnuvega eftir
raforku. Fyrir liggur samningur
um stækkun Norðuráls og hlut
Orkuveitu Reykjavíkur í raf-
magnsframleiðslu sem gerir ráð
fyrir að frá stækkaðri Hellisheið-
arvirkjun afhendi Orkuveitan 35
MW í september 2008 og önnur
35 MW í nóvember sama ár. Þá
eru eftir 10 MW í þessum áfanga
sem fara í eigin notkun orkuvers-
ins og inn á almennan markað
Orkuveitu Reykjavíkur. Einnig
hefur Orkuveitan gert samkomu-
lag við Alcan um sölu á raforku
vegna hugsanlegrar stækkunar ál-
versins í Straumsvík.
Jafnréttisverðlaun
Reykjavíkurborgar
Jafnréttisnefnd Reykjavíkur-
borgar hefur óskar eftir tilnefn-
ingum til jafnréttisverðlauna
Reykjavíkurborgar. Verðlaunin
verða veitt 1. maí næstkomandi
en þetta er í fyrsta sinn sem þessi
verðlaun verða veitt.
Tilgangur verðlaunaveitingar-
innar er að vekja athygli á því
sem vel er gert í jafnréttismálum
og til að vera hvatning þeim sem
vinna ötullega í þessum mála-
flokki. Jafnréttisverðlaunin verða
veitt til starfseiningar innan borg-
arinnar, sem hefur unnið mark-
visst að jafnréttismálun, hvort
sem er á sviði þjónustu, í starfs-
mannamálum eða með öðrum
hætti. Þá verður einnig veitt við-
urkenning til frjálsra félagasam-
taka eða einstaklings sem hefur
sýnt frumkvæði og unnið að jafn-
réttismálum í Reykjavík. Tilnefn-
ingar, ásamt stuttum rökstuðn-
ingi, sendist á netfangið jafnret-
ti@reykjavik.is til og með 24. apríl
n.k.
Svifryk yfir
heilsumörkum
Samkvæmt upplýsingum frá
Umhverfissviði borgarinnar hefur
svifryk mælist yfir heilsuverndar-
mörkum í Reykjavík að undan-
förnu.
Ástæður þess eru einkum þurrt
og kalt veður og lítill raki í and-
rúmslofti þann tíma sem mæling-
ar stóðu yfir. Viðmiðunarmörk
svifryks eru 50 míkrógrömm á
rúmmetra á sólarhring en hafa
farið yfir 400 míkrógrömm og
hæst 600 míkrógrömm.
Samningur um vinnu
við tónlistarhússlóð
Gengið hefur verið frá samningi
um framkvæmdir vegna lóðar
undir tónlistar- og ráðstefnuhús,
hótel, íbúðir, banka, skrifstofu-
húsnæði og bílakjallara í Austur-
höfn. Lóðaframkvæmdirnar, sem
nú þegar eru hafnar, taka til
hönnunar, landfyllinga, færslu
Geirsgötu, niðurrifs húsa s.s.
Faxaskála, færslu ræsa og ann-
arra lagna, yfirborðsvinnu gatna
o.fl. þátta.
Samningurinn er gerður til að
uppfylla skyldur Reykjavíkur-
borgar um afhendingu lóðarinnar
samkvæmt samningi milli Austur-
hafnar ehf. og Portusar ehf. um
byggingu tónlistarhúss, en sam-
kvæmt samningnum er afhending
lóðarinnar á ábyrgð Reykjavíkur-
borgar. Samningsfjárhæðin við Ís-
lenska aðalverktaka skiptist í
tvennt. Samið um fasta krónutölu
fyrir framkvæmdir vegna; fylling-
ar í Austurbugt, brúar á Geirs-
götu, alla hönnun og aðstöðu-
sköpun á svæðinu og nemur sá
hluti samningsins 529 milljónum
króna. Aðrir þættir verksins
verða boðnir út og munu Íslensk-
ir aðalverktakar hf. hafa umsjón
með því. Heildarkostnaður við
undirbúningsframkvæmdir vegna
lóðarinnar er áætlaður rúmlega
1.3 milljarður krónur.
Leikskólarýmum
fjölgað
Leikskólarýmum í Reykjavík
hefur fjölgað um 2.129 frá 1994.
Fjölgunin ræðst að mestu af því
að 20 nýir leikskólar hafa verið
byggðir á síðustu 12 árum.
Með þessum 20 leikskólum
hafa 1.644 dagvistarrými fyrir
börn orðið. Einnig hefur verið
byggt við 16 leikskóla á sama
tíma með rými fyrir 274 börn.
Borgaryfirvöld hafa tekið einnig
við rekstri fimm einkarekinna
leikskóla á tímabilinu 1994 til
2006 en þeir leikskólar rúma um
210 börn. Meginbyltingin sem
orðið hefur í dagvistunarmálum
felst þó einkum í stórauknu hlut-
falli barna í heilsdagsvistun. Árið
1994 var hlutfall barna í heils-
dagsvistun aðeins um 31% en nú
eru 92% allra leikskólabarna í
borginni heilsdagsvistuð.
Þ egar bygging Breiðholtsins hófst á sjöunda áratug liðinnar aldar varhverfið nokkuð utan annarra byggða svo sumum fannst þeir vera aðflytja í óbyggðir. Í dag tæpum fjórum áratugum síðar er hverfið orðið
nær miðsvæðis á höfuðborgarsvæðinu. Byggðin teygir sig til austurs; að
Korpu og Úlfarsá auk Kjalarnessins og Mosfellsbærinn teygir anga sína til
austurs og allt upp í Mosfellsdal. Kópavogurinn er kominn upp að Heim-
senda og Garðabær mun vaxa í áttina að Urriðavatni innan tíðar. Hafnar-
fjörður er byggður vestur að Straumsvík og stæði álverið þar ekki fyrir
myndi byggðin þróast með samfelldum hætti áfram vestur eftir Reykja-
nesströndinni. Byggðaþróuninni sem leitt hefur til vaxtar höfuðborgar-
svæðisins verður ekki snúið enda um sambærilega þróun að ræða og í
öðrum löndum. Breyttir atvinnuhættir kalla eftir vaxandi þéttbýli og fólk
kýs einnig í síauknum mæli að búa í stærri þéttbýliskjörnum. Af þessum
sökum ættu að vera skilyrði til þess að byggja upp margvíslega miðbæjar-
þjónustu í Breiðholtinu sem einnig gæti höfðað til þeirra fjölmennu
byggða í nágrenni þessa stærsta samfellda íbúahverfis á landinu.
Flugið til Keflavíkur
S taðreyndin um miðju höfuðborgarsvæðisins leiðir hugann að sam-göngumálum. Miklar umræður hafa orðið um stöðu og framtíð Reykja-víkurflugvallar að undanförnu. Fáum blandast hugur um að flugvöllur-
inn stendur á einu verðmætasta byggingarsvæði hér á landi. Flugvöllurinn
þjónar einkum innanlandsflugi auk einka- og kennsluflugs. Með greiðari
samgöngum á landi hefur vægi innanlandaflugsins minnkað. Flugfélag Ís-
lands heldur nú uppi föstu áætlunarflugi til Ísafjarðar, Akureyrar og Egils-
staða og Landsflug sinnir flugi til nokkurra minni staða. Á gullöld innan-
landsflugsins var hins vegar flogið áætlunarflug frá Reykjavík til 15 staða
víðs vegar um landið.
Með breyttum samgöngum, minnkandi vægi innanlandsflugsins og til-
færslu á þungamiðju byggðarinnar á höfuðborgarsvæðinu hafa skapast ný
rök fyrir því að flytja þá flugstarfsemi sem fram hefur farið á Reykjavíkur-
flugvelli til alþjóðaflugvallarins á Reykjanesi. Með tvöföldun allrar Reykja-
nesbrautar geta orðið áhöld um hvort lengri tíma taki að aka út á Keflavík-
urflugvöll eða í Vatnsmýrina frá eystri byggðum höfuðborgarsvæðisins.
Með fyrirhugaðri brottför varnarliðsins skapast einnig tómarúm sem
nauðsynlegt verður að fylla með nýrri og vaxandi atvinnustarfsemi og þá
verður ekki síst litið til aukinnar starfsemi á Keflavíkurflugvelli í því efni.
Fjarlægð hans frá Reykjavík er síst meiri en algengt er á milli borga og
alþjóðaflugvalla í nágrannalöndunum ef Kaupmannahöfn og Lúxemborg
eru undanskildar. Flest rök hníga því til þeirrar áttar að flytja beri innan-
landsflugið til Keflavíkurflugvallar og ráðstafa Vatnsmýrarlandinu til fram-
tíðar byggðar íbúða- og þjónustusvæðis í Reykjavík. Slík breyting myndi
tæpast skerða þjónustu innanlandsflugsins og alls ekki til lengri tíma litið
auk þess sem góða varaflugvelli fyrir millilandavélar er að finna á þremur
stöðum á landinu; á Akureyri, í Aðaldalshrauni sunnan Húsvíkur og á
Egilsstöðum.
Atvinnulífið um Sundabraut
M iklar umræður fara einnig fram um fyrirhugaða byggingu Sunda-brautar. Með akvegi frá Reykjavík um sundin norður á Kjalarnesopnast ný tenging höfuðborgarsvæðisins til Vestur- og Norður-
lands. Mosfellsbærinn hefur lengi verið talinn flöskuháls á þessari leið en
með tvöföldun vegarins frá gatnamótum Vestur- og Suðurlandsvegar og í
gegnum Mosfellsbæ var sá háls víkkaður verulega. Samkvæmt talningu er
talið að um 20% þeirrar umferðar sem fer úr Reykjavík inn í Mosfellsbæ
fari áfram út úr hinum enda hans. Um 80% allrar umferðar á milli Reykja-
víkur og Mosfellsbæjar er í raun innanbæjarumferð á milli byggða á höf-
uðborgarsvæðinu.
Mjög er þrýst á um byggingu Sundabrautar. Þar er ekki síst um hagsmuni
atvinnulífsins að ræða vegna þess að nær allir þungaflutningar til og frá
Vestur- og Norðurlandi myndu færast á þá leið. Þar er einnig um hags-
muni Faxaflóahafna að ræða þar sem verið er að byggja upp sameiginlega
hafnarstarfsemi á einu atvinnusvæði við Flóann. Einnig er um hagsmuni
þeirra að ræða sem sækja vinnu frá eða til Reykjavíkur yfir Sundin. Því má
benda á þjóðhagslegan sparnað af lagningu Sundabrautar. Hins vegar má
spyrja hversu margir af íbúum höfuðborgarsvæðisins myndu fara um
Sundabraut og hversu margir um Mosfellsbæ þegar þeir leggja leið sína út
á land. Stór hluti höfuðborgarsvæðisins, og þá eru Hafnarfjörður og
Álftanes talin með, liggur svo austarlega að spyrja má hvort íbúar austur-
hluta þessa svæðis myndu fremur kjósa að fara inn í Reykjavíkurumferð-
ina til vesturs til þess að fara um Sundabraut eða að þeir myndu velja
Mosfellsleiðina.
Smiðjuvegi
Hér
er ég!