Breiðholtsblaðið - 01.04.2006, Blaðsíða 5

gott að alast upp í Bökkunum.
„Maður hafði allt við hendina. Ég
var tvær mínútur að labba í skól-
ann og aðrar tvær að fara á æf-
ingu. Þetta var lokað hverfi og við
krakkarnir vorum bæði mjög
frjáls en einnig örugg í þessu um-
hverfi. Ég var það ungur þegar
við fluttum suður að ég var ekki
búinn að festa neinar rætur fyrir
norðan aðrar en þær sameigin-
legu rætur sem fjölskyldan á þar.
Uppeldislegu ræturnar eru allar í
Breiðholtinu,“ segir hann og það
bregður fyrir þessu skagfirska
stolti sem einkennir þá feðga.
„Þótt ég líti á mig sem Skagfirðing
þá ég finn ekki mikið til þess
svona dags daglega. Ég reyni þó
að fara norður í Skagafjörð einu
sinni á ári. Það má ekki vera
minna því uppruninn er þaðan.
Breiðholtið er mjög góður staður
og ég get vel hugsað mér að búa
þar þegar dvöl minni erlendis lýk-
ur. Ég tel raunar mestar lýkur á
að svo verði þótt konan sé ættuð
úr Grafarvoginum. Ég held að hún
geti vel sætt sig við Breiðholtið.
Kannski verð ég bara að kaupa
hús án þess að láta hana vita,“
bætir hann við. „Þá hefur hún
ekkert val.“
Hollywood og Harlem
Hólmgeir segir að Breiðholtið
hafi setið svolítið á hakanum síð-
ustu 10 til 12 árin. „Eftir að lokið
var við að byggja hverfið er eins
og það hafi gleymst að einhverju
leyti. Lífið heldur áfram og ráðast
varð í byggingu nýrra hverfa og
beina athyglinni þangað. En það
má auðvitað ekki gleyma því sem
fyrir er. Ég get nefnt útivistar-
svæðin sem dæmi. Þar hefur ekk-
ert verið gert um lengri tíma og
þau eru hreinlega í niðurníðslu.
Ég hef borið útivistarsvæðin í
Breiðholtinu saman við útivistar-
svæðin í Garðabæ og samanburð-
urinn er eins og á Hollywood og
Harlem Garðabæ í vil.“ Hólmgeir
segir að stjórnmálamenn hafi ekki
sýnt Breiðholtinu nægilegan
áhuga á undanförnum árum. Þeir
hafi greinilega verið of uppteknir
af uppbyggingu nýju hverfanna.
„Ef til vill hefur mönnum fundist
Breiðholtið svo nýbyggt að það
þyrfti ekki athygli. Væri ekki kom-
ið á viðhaldsstig. En málið er ekki
svo einfalt. Breiðholtið er orðið
40 ára gamalt og það er ekki hægt
að byggja ný hverfi og gleyma
þeim svo í áratugi á meðan kröft-
unum er beint annað. Vilhjálmur
Þ. Vilhjálmsson er eiginlega eini
stjórnmálamaðurinn sem aldrei
hefur hætt að sýna Breiðholtinu
áhuga enda hefur hann búið lengi
í hverfinu. Hann lítur greinilega á
Breiðholtið sem heimabæinn sinn
að þessu leyti. Það er alla vega
mín reynsla.“ Hólmgeir segir
Breiðholtið hafa allt til þess að
bera að geta verið fallegt og
skemmtilegt hverfi. Aðeins sé um
herslumun að ræða að ná því og
brýnustu verkefnin séu að bæta
útivistarsvæðin og skilyrði til úti-
vistar.
Samheldni vantar
Mörgum finnst að ýmsa að-
stöðu vanti í Breiðholtið. Fyrir
skömmu var rætt um tæpast væri
hægt að komast í hraðbanka
nema að fara á bíl og sömu sögu
væri að segja um kaffihús. Hólm-
geir segir að Mjóddin hafi á sín-
um tíma verið hugsuð sem
þjónustukjarni eða einhvers kon-
ar miðbær fyrir Breiðholtið. Hún
hafi þó aldrei virkað fullkomlega
sem slík vegna þess að hún liggi í
útjaðri þess við Reykjanesbraut-
ina. „Fólk þarf hvort sem að nota
bíl til þess að komast þangað og
þegar það er sest upp í bílinn þá
fer það niður í bæ. Að þessu leyti
er Breiðholtið dálítið bílavænt
hverfi. Þjónustan liggur í útjaðrin-
um og í öðrum borgarhverfum.“
Hólmgeir segir að þótt benda
megi á að ýmsa þjónustu vanti í
hverfið þá skorti einnig á sam-
heldni Breiðhyltinga. Það komi
t.d. fram í tengslum við íþrótta-
málin. „Íþróttastarfið byggist á að
afla fjármuna og að leita til styrkt-
araðila. En það eru ekki nema tvö
til þrjú fyrirtæki í Breiðholtinu
sjálfu sem standa virkilega við
bakið á okkur. Þar vil ég sérstak-
lega nefna Þína verslun, sem er
hverfaverslun, en hefur engu að
síður staðið gríðarlega vel við
bakið á okkur í handboltanum í ÍR
og raunar allt íþróttastarfið. Fyrir-
tækin í Mjóddinni hafa, því miður
verð ég að segja, ekki sýnt þessu
neinn áhuga nema, Landsbankinn
sem hefur verið okkur góður bak-
hjarl. Ég er ekki viss um að for-
svarsmenn þeirra líti á þau sem
hverfislæg vegna þess að þau eru
niður við þjóðveginn og þjóna í
raun mun breiðari hópi viðskipta-
vina en íbúum í Breiðholtinu. Mér
finnst að fólk og fyrirtæki í Breið-
holtinu þurfi að vinna meira sam-
an að þessu leyti. Finna meiri
samfélagslega kennd. Það tekur
nokkurn tíma að byggja slíka
kennd upp en Breiðholtið er orð-
ið það gróið hverfi að hún ætti að
vera fyrir hendi. Vera má að hin
takmarkaða þjónusta, sem hverf-
ið býður upp á hafi orðið til þess
að fólk lítur ekki á sig sem Breið-
hyltinga heldur sem Reykvíkinga.
Ég held að meiri hverfisvitund
finnist í ýmsum öðrum hverfum
en er hér í Breiðholtinu að ekki sé
talað um nágrannabæina. Annars
er erfitt að fullyrða þetta. Þetta er
fremur tilfinning en rökhyggja.“
Hólmgeir víkur að öðru stóru
áhugamáli sínu sem er íþróttahús
í suður Mjóddinni. „ÍR verður ald-
argamalt 7. mars á næsta ári. Ég
var búinn að gera mér vonir um
að við gætum labbað inn í nýtt
íþróttahús á þeim tímamótum en
ljóst er að svo verður ekki. En nú
er þó búið að ákveða að ráðast í
byggingu þess svo kannski getum
við tekið fyrstu skóflustunguna á
afmælisárinu í stað þess að labba
inn. Það er þó áfangi á réttri leið.“
Forréttindi að alast upp í
íþróttaumhverfi
Hólmgeir segir að þessu fólki,
sem sé tilbúið að eyða stórum
hluta æfi sinnar til þess að standa
að baki íþróttunum fari fækkandi.
Sjálfur kveðst hann búinn að eyða
um 12 áraum í sjálfboðavinnu fyr-
ir íþróttafélögin í Breiðholtinu en
hann sé þó ekkert að kvarta. „Ég
sé ekki eftir einni mínútu af þess-
um tíma og ég held að svo sé með
fleiri sem hafa verið að fylgja
þessu eftir en því miður þá fækk-
ar þeim stöðugt sem fást til þess
að gera þetta.“ Hólmgeir bendir á
að þetta starf skili alltaf ein-
hverju. „Og þá á ég ekki aðeins
við mín eigin börn þótt þau eigi
velgengni að fagna í íþróttunum.
Það eru svo margir aðrir sem
hafa notið góðs af þessu starfi og
yfir því er ég ánægður í hvert
skipti sem ég lít til baka. Þetta er
ákveðin forréttindahópur. Að
mínu mati eru það ákveðin for-
réttindi að fá tækifæri til þess að
alast upp í þessu umhverfi þótt
maður sé ekkert endilega að tala
um tækifærin til þess að gerast at-
vinnumaður í íþróttum.“
APRÍL 2006 5Breiðholtsblaðið
Einar í leik með Grosswallstad.
Og það varð mark, eins og Bjarni Fel myndi segja.
ÁVÍSUN Á
VELGENGNI
FERMINGAR-
BARNSINS
FRAMTÍÐARREIKNINGUR
Framtíðarreikningur er verðmæt fermingargjöf
sem vex með barninu og hjálpar því að læra
góða siði í fjármálum. Hann er bundinn til
átján ára aldurs og ber alltaf bestu vexti
sparireikninga bankans.
Ef þú stofnar Framtíðar-
reikning til að gefa í
fermingargjöf og leggur
5.000 kr. eða meira inn á
hann færðu 2.000 kr.
mótframlag frá Glitni.
Komdu í næsta útibú og leggðu grunn að
fjárhagslegri velgengni fermingarbarnsins um
alla framtíð. Framtíðarreikningurinn fæst líka
á glitnir.is og í Þjónustuveri í síma 440 4000.
H
V
ÍT
A
H
Ú
S
IÐ
/
S
ÍA

GREI‹I‹
GEGN
TÉKKA Þ
ESSUM
KRÓNUR
KR.
2.000
,–
F.h. Glit
nis
FRAMTÍ
ÐARREI
KNINGU
R
Ferming
arárið 20
06
Ert þú á
leiðinni í
fleiri en
eina fer
mingu? T
alaðu við
gjaldker
a í næsta
útibúi G
litnis.