Breiðholtsblaðið - 01.05.2006, Blaðsíða 5

ur, glæsilegt veður, sólin hátt á
lofti og einnig ótrúlegur mann-
fjöldi sem lét í sér heyra.“ En það
var einnig mikill ánægjudagur í lífi
Sigurður, þegar hann ásamt sam-
herjum sínum í íslenska landslið-
inu tókst að sigra lið Austur-Þjóð-
verja á Laugardagsvelli, sumarið
1975.
„Fyrirmyndir mínar í fótboltan-
um eru engar sérstakar en Lev
Yashin er alveg frábær markmað-
ur frá Rússlandi,“ sagði Sigurður
en þó að fyrirmyndirnar séu fáar
eru margir leikmenn alveg frá-
bærir og eiga svo sannarlega skil-
ið þann feril sem þeir eignuðust.“
Sigurður hefur spilað á móti
nokkrum af bestu knattspyrnu-
mönnum heims og þar á meðal
eru Eusebio og George Best heit-
inn, einn besti leikmaður sem
spilað hefur þennan leik. Sigurður
sagði Best þann besta af erlendu
leikmönnunum er hann lék gegn
(sjá mynd úr landsleik Íslands og
Norður-Írlands) og lýsti honum
svo:
„Norður-Írinn Georg Best var
ótrúlega flinkur og útsjónasam-
ur.“
En hver skyldi þá hafa verið
besti íslenski andstæðingur Sigurð-
ar?
„Þegar kemur að heimamönn-
um er það Skagamaðurinn Eyleif-
ur Hafsteinsson sem mér þótti
mest ógnandi á vellinum.“
Að ala upp þrjá drengi
Sigurður Dagsson og Ragnheið-
ur Lárusdóttir, kona Sigurðar til
margra ára stunduðu bæði íþrótt-
ir langt fram eftir aldri og Sigurð-
ur er enn að eins og nemendur
Fjölbrautaskólans í Breiðholti
vita. Þau eiga þrjá drengi sem
hafa allir fetað í fótspor foreldra
sinna með því að fara út í heim
keppnisíþróttanna og auðvitað
voru þeir allir í Val.
Dagur lék lengi stórt hlutverk í
íslenska landsliðinu í handbolta
og var fyrirliði þess í nokkur ár,
en hann er nú að gera góða hluti
sem þjálfari Bergenz í Austurríki.
Lárus og Bjarki Sigurðssynir spil-
uðu einnig um tíma, Lárus var
markmaður hjá Val í fótbolta en
Bjarki fór í handboltann og var
býsna glúrinn í hægra horninu.
„Ég og Ragnheiður höfum
ábyggilega smitað strákana út af
óstöðvandi áhuga okkar á íþrótt-
um. Konan var samt miklu dug-
legri en ég að hvetja þá í keppni.
Ég æsti mig upp og varð mér allt
að því til skammar og dró mig því
í hlé,“ sagði Sigurður eftir að
blaðamaður spurði hvort hann
hafði verið á hliðarlínunni og
hrópað hvatningaróp á meðan
synir hans voru að keppa.
Forvitni blaðamanna er oftast
óstöðvandi og ég er ekkert frá-
brugðin þar. Því læt ég slag stan-
da og skelli á hann heimspekilegri
spurningu - eða hitt þó!
Ef þú mættir nú spóla lífsferli
þínu til baka, myndirðu þá gera
eitthvað öðruvísi en reyndin varð?
„Nei, ég hef verið lánsamur og
þakka fyrir það. Það væri samt
gaman að geta spilað á píanó, og
svo hefði maður kannski átt að
byrja miklu fyrr í golfinu.“
Til að botna þetta viðtal skal
þess getið að Valur tapaði síðari
leiknum gegn Benfica, 8-1. Engu
að síður varði Sigurður Dagsson
þar meistaralega þótt tuðran
hefði nokkru sinnum sloppið
framhjá honum.
Erna Ýr
MAÍ 2006 5Breiðholtsblaðið
Sigurður í hópi félaga á yngri árum. Fremstan á myndinni má sjá
Hemma Gunn.
Tekist á við markið.
Tilþrif í handboltanum á yngri árum.