Breiðholtsblaðið - 01.05.2006, Blaðsíða 14
Svandís Svavarsdóttir, oddviti
framboðs Vinstrihreyfingarinnar
Græns framboðs:
Samhæfa þarf þjónustu við börn og eldri
borgara
Vinstrihreyfingin - grænt framboð vill byggja upp lýð-
ræðislegt og réttlátt samfélag grundvallað á virkri þátt-
töku almennings. Sígildar áherslur um jöfnuð og félagslegt
réttlæti annars vegar og róttæk umhverfisverndarsjónar-
mið eru hornsteinar í stefnu flokksins og eru um leið for-
sendur þess að lífskjör og velferð landsmanna verði
tryggð til framtíðar. Einkavæðing samfélagsþjónustunnar
þýðir í raun að vald er tekið af almenningi og flutt til pen-
ingaaflanna og það er í andstöðu við stefnu okkar um þátt-
töku, aðgengi og lýðræði. VG leggst gegn því að samfé-
lagsfyrirtæki eins og Orkuveitan og Landsvirkjun verði
einkavædd enda myndi það leiða til hækkaðra þjónustu-
gjalda á allan almenning eins og dæmin sanna. Þvert á
móti á að nýta afraksturinn af rekstri þessara fyrirtækja í
þágu almennings með bættri þjónustu á sviði skólamála,
velferðarmála, umhverfismála o.fl.
Lækka fasteignagjöld elli- og annarra
lífeyrisþega
Við viljum nýta sameiginlegar tekjur til að standa undir
samfélagslegum verkefnum og teljum ekki tilefni til að
lækka útsvarið og þar með draga úr þjónustu við borgar-
búa. Á hinn bóginn telur VG að nýta eigi í auknum mæli
heimildir til að lækka eða fella niður fasteignagjöld til
tekjulágra elli- og örorkulífeyrisþega, og stuðla þannig m.a.
að því að þeir geti búið í eigin húsnæði.
Allar tölur um rekstur sveitarfélaga og samanburður
milli þeirra sýnir að Reykjavíkurborg stendur vel. Þjón-
usta er almennt ódýr í Reykjavík, skuldir borgarsjóðs á
hvern íbúa með því lægsta sem þekkist meðal stærstu
sveitarfélaga landsins.
Samhæfa þarf þjónustu við börn og eldri
borgara
Það er afar nauðsynlegt að tengja saman alla þjónustu
borgarinnar við börn með samhæfingu í huga og einnig að
jafna aðstöðu barna í borginni þannig að gæði hennar
standi börnum til boða óháð efnahag og félagslegum að-
stæðum. Ljóst er að þjónustu við eldra fólk þarf að sam-
hæfa og hafa á einni hendi. Ríkisstjórnin myndi ekki setja
meira fé í málaflokkinn þótt hann yrði fluttur til sveitarfé-
laganna. Meira fé þarf til að efla þjónustu við eldra fólk.
Aukið fé þarf að setja í heimaþjónustu og heimahjúkrun til
að draga úr starfsmannabreytingum og auka á stöðug-
leika. Ef fólk vill vera lengi heima á að gera því það kleift.
Einstaklingsmiðuð þjónusta er lykilorðið með virðingu fyr-
ir mismunandi þörfum og áherslum hvers og eins. Kjör
starfsfólks á dvalarheimilum eru til skammar eins og kjör
ófaglærðra og fagfólks almennt sem vinnur við hjúkrun,
umönnun, kennslu og uppeldi. Reykjavíkurborg hefur þó
sýnt frumkvæði í því að bæta þau kjör þótt vissulega þurfi
enn að gera betur í þeim efnum. Misskiptingin í þjóðfélag-
inu hefur farið vaxandi á síðustu árum og blasir í raun
hvarvetna við. Því ástandi viljum við Vinstri grænir snúa
við.
Samfella og fjölbreytni í lóðaframboði
„Breiðholtið er að mestu leyti fullbyggt. Einstaka reitir
kunna þó að koma til uppbyggingar, eins og nýbyggingar-
svæðin við Lambasel og Skógarsel eru dæmi um. VG telur
ekki æskilegt að þrengja meira að útivistarsvæðum í ná-
grenni Breiðholts, eins og t.d. í Elliðaárdal, eins og hug-
myndir hafa verið um.
Afar ólíklegt er að allir sem sækja um lóð fái „lausn
sinna mála“ eins og spurningin er orðuð. VG telur að auka
þurfi framboð lóða á næstu árum en telur jafnframt mikil-
vægt að samfella og fjölbreytni sé í lóðaframboði. Eðlilegt
er að horfa á þróun íbúðamarkaðarins á höfuðborgar-
svæðinu öllu í samhengi, enda svæðið löngu orðið eitt at-
vinnu- og búsetusvæði. Sameiginlegt svæðisskipulag höf-
uðborgarsvæðisins, sem er í gildi, er besta tækið til þess.“
Vilhjálmur Þ. Vilhjálmsson,
borgarfulltrúi og oddviti framboðs
Sjálfstæðisflokksins:
Fjölgun íbúa og aukin lífsgæði í fyrirrúmi
„Rekstrarform skólanna er ekki aðalatriði og ekki ætlum
við að einkavæða þá grunnskóla sem reknir eru á vegum
borgarinnar. En það er mikilvægt að breyta þeirri stefnu
sem hér hefur viðgengist, að nemendum sé mismunað af
borgaryfirvöldum, eftir rekstrarformi þeirra skóla sem
nemendur sækja. Aðalatriðið er að fólk hafi raunverulegt
val um skóla þar sem öll börn njóta sama stuðnings, óháð
rekstrarformi eða staðsetningu þess skóla sem foreldrar
og börn velja. Við leggjum áherslu á að fjölbreytni verði
aukin og miðstýring minnkuð með því að færa skólamálin í
meira mæli til hverfanna sjálfra, þar sem stjórnendur og
starfsmenn skóla fá tækifæri til að vinna með foreldrum og
öðrum þeim er koma að málefnum barna í hverfinu. Skóla-
stjórnendur eiga að fá meiri sveigjanleika og frelsi um
skipulag, hugmyndafræði, skólanámskrá, fjármuni og fag-
lega stjórn.“
Seljum ekki Orkuveituna en lækkum
fasteingnagjöld
„Sjálfstæðismenn ætla ekki að selja Orkuveituna en póli-
tískir mótherjar okkar, hafa gegn betri vitund, reynt að
koma inn slíkum ranghugmyndum hjá kjósendum. Mikil-
vægast er að Orkuveitan veiti góða grunnþjónustu en
standi ekki í áhættusömum ævintýrafjárfestingum .
Sjálfstæðisflokkurinn mun lækka fasteignagjöld á íbúðar-
húsnæði um 25%. Auk þes verður viðmið vegna afsláttar
af fasteignagjöldum til tekjulágra eldri borgara og öryrkja
hækkað. Fyrst um 10% 1. janúar 2007 og síðan um 5% ár-
lega út kjörtímabilið.
Við ætlum að ganga til samninga við íþrótta- og æsku-
lýðsfélög í borginni um að þátttökugjöld verði lækkuð með
stuðningi borgarinnar ekki síðar en um áramótin
2006/2007. Þetta er unnt að gera með aukinni hagræðingu
og ráðdeild í rekstri borgarinnar. Stóraukið lóðaframboð
ásamt mun meiri íbúafjölgun en verið hefur eykur einnig
tekjur borgarinnar eins og dæmin hafa svo augljóslega
sýnt í okkar nágrannasveitarfélögunum.“
Höfum dregist aftur úr
„Já við höfum dregist aftur úr á ýmsan hátt. Ársreikning-
ur Reykjavíkurborgar fyrir árið 2005 endurspeglar til dæm-
is slaka rekstrarniðurstöðu borgarinnar, eða um 25 þús.
kr. tap á rekstri borgarsjóðs fyrir fjármagnsliði á hvern
íbúa. Hin sveitarfélögin á höfuðborgarsvæðinu skila hagn-
aði. Þessi niðurstaða er afleit ekki síst í ljósi þess góðæris
sem hefur ríkt í þjóðfélaginu og mikilla skattahækkana nú-
verandi meirihluta.
Staðreyndin er sú að þar sem íbúum hefur fjölgað mest,
er staðan best. Skipulagður skortur á lóðum fyrir íbúðir og
atvinnustarfsemi og endalausar tafir á framkvæmdum mik-
ilvægra samgöngumannvirkja, hafa beinlínis hrakið ungt
fólk og gróskumikil atvinnufyrirtæki til annarra sveitarfé-
laga. Fjölgun íbúa í borginni hefur verið mjög lítil. Frá 1.
desember 2001 til 1. desember 2005 hefur íbúum í ná-
grannasveitarfélögunum fjölgað um 6.600 eða um 10% á
meðan íbúum í Reykjavík hefur einungis fjölgað um 2.500
eða um 2,26% eða vel innan við 1% á hverju ári.“
Samfelldur vinnutími barna
„Það er afar mikilvægt að samhæfa og skipuleggja vinnu-
dag barna, ekkert síður en foreldra þeirra, draga þannig úr
akstri með þau á hinum ólíklegustu tímum og fjölga í stað-
inn samverustundum fjölskyldunnar. Við viljum að frí-
stundaheimilin leiti eftir samstarfi eða samningum við
íþróttafélög, tónlistarskóla og aðra tómstundastarfsemi í
hverfinu til að auðvelda börnum að sinna áhugamálum
sínum innan hefðbundins vinnutíma.“
Vistun að loknu fæðingarorlofi
„Varðandi leikskólann og dagmæðrakerfið þá er nauð-
synlegt að foreldrar hafi val um vistun fyrir ung börn sín
frá því fæðingarorlofi lýkur. Við viljum reka sérstakar smá-
barnadeildir í leikskólum í hverju hverfi og auka framboð
á þjónustu dagforeldra, með auknum stuðningi við þá
starfsemi.
Við boðum almenna gjaldskrárlækkun í öllum borgar-
reknum leikskólum, 25% 1. september 2006 og að foreldrar
greiði aldrei fyrir fleiri en eitt barna sinna sem dvelja á
leikskóla samtímis.“
Stórbætt þjónusta við eldri borgara
„Við leggjum áherslu á það að leitað verði eftir samningi
við ríkið um að færa mikilvæga þjónustu við eldri borgara
frá ríki og til borgarinnar í því skyni að samhæfa hana og
þjónustu borgarinnar. Þar er átt við þjónustu á borð við
heimahjúkrun, dagvistun og heimilishjálp. Mestu skiptir
að öll þessi þjónusta sé stórbætt, hún verði markvissari,
samhæfðari og að það verði tiltölulega einfaldur hlutur að
sækjast eftir þjónustunni, meta þörfina fyrir hana og veita
hana. Rétt er að hafa í huga að mjög mörg verkefni sem
snúa að hagsmunamálum eldri borgara eru alfarið á
ábyrgð borgarinnar eins og bygging og rekstur þjónustu-
íbúða, leiguíbúða og félags- og þjónustumiðstöðva.“
Með stórátaki í fjölgun þjónustuíbúða eins og við sjálf-
stæðismenn létum byggja fyrir 1978 og aftur 1983-94. R-
lista flokkarnir hafa ekki komið því í verk að láta byggja
slíkar þjónustuíbúðir á sínum tólf ára valdaferli. Einnig
verður að gera stórátak í byggingu hjúkrunarheimila í
góðu samstarfi við ríkið, en rúmlega 300 manns eru í dag í
afar brýnni þörf fyrir slíkt vistunarúrræði.
Laun starfsfólks í umönnunarstörfum hafa nýlega verið
hækkuð og ég beitti mér sérstaklega fyrir því sem stjórnar-
formaður hjúkrunarheimilisins Eirar. Hækkun launa á
hjúkrunarheimilum er háð því að heilbrigðisráðherra
hækki þau daggjöld sem þessar stofnanir fá til reksturs.“
Stórauka framboð lóða
„Skipulagstillögur okkar sjálfstæðismanna miða m.a. að
því að auka byggð og fjölga íbúum í vesturhluta borgarinn-
ar. Mikilvægt er að sátt náist um staðsetningu flugvallar
fyrir innanlandsflugið í Reykjavík eða næsta nágrenni. Inn-
anlandsflugið verði ekki flutt til Keflavíkur. Í samræmi við
heildarskipulag af Vatnsmýrarsvæðinu verði fyrstu lóðun-
um úthlutað utan helgunarsvæðis flugvallar í byrjun árs
2008. Þá gerum við ráð fyrir að skipulagi í Örfirisey fyrir 1.
áfanga eyjabyggðar verði lokið árið 2008, en íbúafjöldi þar
getur orðið um 6 þúsund.
Við sjálfstæðismenn segjum að brýnustu verkefnin í
skipulagsmálum í Reykjavik eru að auka lífsgæði i borginni
með því að fjölga íbúum, stórauka framboð lóða og tryggja
að allir sem hér vilja búa eigi þess kost. Reykvíkingar og
aðrir áhugasamir sem vilja byggja og búa í Reykjavík eiga
ekki að þurfa að leita í önnur sveitarfélög vegna lóða-
skorts.“
MAÍ 200614 Breiðholtsblaðið
Er rétt eða nauðsynlegt að færa verkefni, s.s. í skólamál-
um og jafnvel fleiri málaflokkum til atvinnulífsins í meira
mæli en verið hefur?
Er rétt að selja ýmsar eignir eða stofnanir borgarinnar, s.s.
Orkuveitu Reykjavíkur og nýta fjarmunina til þess að bæta
þjónustu Reykjavíkurborgar við íbúana?
Er unnt að lækka álögur á borgarbúa, s.s. með lægri út-
varsprósentu og lækkun fasteignaskatts og holræsagjalds.
Hefur Reykjavíkurborg dregist aftur úr hinum sveitarfélögun-
um í rekstrarlegu tilliti?
Er nauðsynlegt að samtengja grunnskólastarf, sérskóla-
starf, íþróttalíf og tómstundastarf barna, opna leikskólann
fyrir yngri börnum og efla dagmæðrakerfið?
Er rétt að færa þjónustu við eldri borgara alfarið til sveit-
arfélaganna og hvernig á að leysa vanda þeirra þegar þeir
geta ekki lengur dvalið á eigin heimilum án þess að mynda
biðlista?
Hvernig á að bæta kjör starfsfólks á dvalarheimilum?
Er æskilegt að bjóða út byggingalóðir í Breiðholti á næsta
kjörtímabili, og þá hvar?
Fá allir sem sækja um lóð í Reykjavík lausn sinna mála á
næsta kjörtímabili?
Frambjóðendur svara
Breiðholtsblaðið sendi oddvitum framboðanna til borgarstjórnarkosninganna í Reykjavíkurborg
sem fram fara í næstu viku nokkrar spurningar um stefnu þeirra og áherslur í nokkrum málum
sem snerta hinn almenna borgara. Spurningarnar voru samhljóða fyrir alla framboðsaðila og
fara hér á eftir.