Breiðholtsblaðið - 01.08.2006, Blaðsíða 1
Á sjöunda hundrað manns
taka að jafnaði þátt í félagsstarfi
eldri borgara í Breiðholti. Fé-
lagsstarfið fer annars vegar fram
í Gerðubergi en hins vegar í fé-
lagsmiðstöðinni Árskógum.
Mjög margt er í boði á vegum
félagsstarfsins og eykst fjöl-
breytni þess ár frá ári. Félags-
starfið miðar annars vegar að því
að skapa eldra fólki aðstöðu til
þess að taka þátt í margvíslegum
verkefnum en einnig er lögð
áhersla á að ná til fólks og fá það
til starfa. Eitt af markmiðum fé-
lagsstarfs eldri borgara er að rjúfa
einangrun þeirra þar sem hún er
fyrir hendi auk þess að stuðla að
því að fólk verði ekki viðskila við
samfélagið og lokist inni á milli
fjögurra veggja vegna þess að
ekkert er fyrir hendi sem það get-
ur starfað að eða tekið þátt í. Eitt
af því sem farið er að leggja
áherslu á í félagsstarfinu er að
skapa aðstöðu fyrir sérstaka
áhugahópa um einhver tiltekin
efni. Dæmi um það má nefna
áhugahóp um perlusaum sem
kemur að staðaldri saman í
Gerðubergi til þess að sinna
þessu áhugamáli sínu auk þess að
hittast og hafa gaman af. Þessi
ákveðni hópur varð upphaflega til
þegar leiðbeinandi var að störfum
en eftir að hann hætti þá héldu
þessar konur áfram að koma sam-
an og vinna að áhugamáli sínu.
Þær eru aðeins dæmi um þau fjöl-
mörgu áhugamál og það fjöl-
breytta starf sem unnið er á veg-
um félagsstarfsins í Breiðholti. Fé-
lagsstarf eldri borgara er nú að
fara af stað að loknum sumarleyf-
um og verður að vanda lögð áher-
sla á fjölbreytni og einnig að bygg-
ja upp hópa utan um tiltekin
áhugamál. Vetrardagskrá félags-
starfsins mun liggja fyrir í næsta
mánuði og þá er fátt annað að gera
fyrir eldri borgara, sem áhuga hafa
á að kynna sér fjölbreytni þess, að
athuga hvort þeir finna sér eitt-
hvað við hæfi. Vart þarf að taka
fram að margt eldra fólk er löngu
orðið fastir þátttakendur í félags-
starfinu og stundar það líkt og að
um vinnu væri að ræða. En það er
alltaf rúm fyrir fleiri að sögn for-
stöðufólks þess.
8. tbl. 13. árg.
ÁGÚST 2006Dreift frítt í öll hús í Breiðholtinu
ÚTSALA Á
FOLALDAKJÖTI
Opið virka daga 9-18:30 og laugardaga 10-14
Mjódd
Lyfjaval.is
Sími 577 1166
Perlusaumshópurinn í Gerðubergi er gott dæmi um sjálfssprottinn hóp áhugafólks um tiltekið efni. Á
myndinni eru frá vinstri standandi Jóhanna Gunnarsdóttir og Jónína Melsteð. Sitjandi frá vinstri eru Jóna
Kortsdóttir, Inga Edith Karlsdóttir og Helga Helgadóttir. Myndin var tekin er þær komu saman í garðinum
við Gerðuberg í sumar.
Á sjöunda hundrað
í félagsstarfi eldri borgara
®
fasteignasala
reynir erlingsson, löggiltur
fasteigna-, fyrirtækja- og skipasali