Breiðholtsblaðið - 01.08.2006, Page 7
Í grennd við Gerðuberg í
Breiðholti var umhverfishópur-
inn í Vinnuskóla Reykjavíkur að
störfum þegar blaðamann bar
að garði. Krakkarnir í hópnum
virtust mjög ánægðir með starfið
í sumar og sögðu að ef fólk
gengi snyrtilega um og bæri
virðingu fyrir umhverfinu
myndi það um leið auka vellíð-
an og gera fólk glaðara. Hópur-
inn varð fyrir því óláni að glata
um stund smíðisgríp sínum ein-
um góðum.
Ljótar öskutunnur verða
fögur blómaker
„Markmið verkefnisins var að
gefa umhverfishópnum færi á að
taka ábyrgð á umhverfi sínu og
koma með tillögur til úrbóta og
brydda um leið upp á skemmti-
legum nýjum,“ segir Guðjón
Ragnar Jónasson sem hefur um-
sjón með nýsköpunarverkefnum
Vinnuskólans. Vinna og verkefni
hópsins nýttust meðal annars við
undirbúning fegrunarátaksins í
Reykjavík Tökum upp hanskann
fyrir Breiðholt sem íbúar tóku
þátt í 22. júlí síðastliðinn. Hópur-
inn vildi gera Breiðholtið glað-
legra og hefur til að mynda bent á
að marg-grá-máluð undirgöng séu
ekki til eftirbreytni. Eftir hug-
myndavinnu lagði hópurinn til að
fagurblár litur yrði einkennislitur
Breiðholtsins. Þennan lit má nota
á lokunarhlið gatna, tengikassa,
ruslakassa og í undirgöngunum
svo dæmi sé tekið. Hópurinn hef-
ur þegar málað nokkur lokunar-
hlið með þessum lit. Ljótar
öskutunnur verða fögur blóma-
ker. Hópurinn hefur gert margt í
sumar auk hefðbundinna verk-
efna. Hann hefur fengist við smíði
bekkja sem staðsettir verða í
Elliðaárdalnum. Þá hafa krakkarn-
ir hannað og málað blómaker
sem gerð eru úr gömlum
öskutunnum.
Vantar þemalit
Gunnar Örn Baldursson er
ánægður með að hafa verið í um-
hverfishópnum í sumar. „Við
gerðum fyrst úttekt á hverfinu og
héldum síðan fundi þar sem fram
komu góðar hugmyndir,“ segir
hann. „Ruslatunnurnar sem urðu
blómaker eru eitt af því sem
stendur upp úr í sumar,“ segir
Gísli Karl sem einnig kom fram
fyrir umhverfisráð Reykjavíkur-
borgar til að kynna hópinn.
Verkefni hópsins „UM-HVERF-
IÐ-MITT“ er að gera Breiðholtið
betra með bættu umhverfi og við-
horfum. „Við höfum séð ýmislegt
skrautlegt, bekki sem má færa,
rusl í undirgöngum og margt sem
betur mætti fara. Við leggjum til
að listahópum verði leyft að mála
undirgöngin, að lífga upp á gráa
borgina með litum og hætta að
hafa rafmagnskassa og járnhlið
grá. Okkur finnst að finna mætti
Breiðholtinu þemalit og að breyta
mætti ímynd Breiðholtsins með
ýmsu móti,“ sögðu krakkarnir
þegar þau kynntu verkefni sín fyr-
ir umhverfisráði meðal annars.
„Þetta hefur gengið rosalega
vel,“ segir Björk Viggósdóttir leið-
beinandi í Vinnuskólanum. Hún
vonast til að starfið haldi áfram
næsta sumar. Krakkarnir í hópn-
um eru sannfærðir um ef fólk
gangi snyrtilega um og beri virð-
ingu fyrir umhverfinu muni það
um leið auka vellíðan þess í leið-
inni. „Umgengnin er betri í Breið-
holtinu núna heldur en hún var
áður,“ segja þau og nefna að þau
hafi valið bláan litinn handa
Breiðholti því hann eykur já-
kvæðni með fólki.
Týndi útibekkurinn
Umhverfishópurinn varð fyrir
því áfalli í byrjun ágúst að einn af
smíðisgripum þeirra hvarf og var
lýst eftir honum í fjölmiðlum,
meðal annars kom frétt um bekk-
inn á mbl.is. Fljótlega kom í ljós,
að starfsmaður Reykjavíkurborg-
arsem heyrði fréttina um útibekk-
inn sem hvarf af bökkum Elliðaáa,
hafði bjargað bekknum úr háska.
Hann sagði að sennilega hafi gleð-
skapur verið haldinn á svæðinu
og bekkurinn verið notaður.
Skemmdir voru unnar á bekknum
og hann að lokum dreginn út í
árnar. Tómar bjórdollur voru á
svæðinu og rusl, annað sætis-
borð útibekksins var brotið.
Starfsmaðurinn fjarlægði bekkinn
og kom honum í skjól í bækistöð-
inni í Seljahverfi. Gert verður við
bekkinn og honum komið fyrir
aftur. Hópurinn fékk efnivið til að
vinna og smíða bekkinn. „ Þau
unnu bekkinn frá grunni og voru
bæði stolt og ánægð með árang-
urinn,“ segir Jóhann Jökull Ás-
mundsson leiðbeinandi hópsins.
Bekkurinn var svo staðsettur fyrir
neðan Fella- og Hólakirkju.
Öruggur vinnustaður
Fleiri hópar Vinnuskólans
kynntu verkefni sín einnig fyrir
borgarfulltrúum í Ráðhúsi Reykja-
víkur. Guðrún Þórsdóttir skóla-
stjóri Vinnuskólans segist mjög
stolt af krökkunum og vill leggja
áherslu á að skólinn sé eftirsókn-
arverður vinnustaður sem eigi að
vera fyrsti kostur á vinnumarkað-
inum. „Þetta er öruggur vinnu-
staður og hér er einnig fræðsla og
skapandi starf,“ segir hún. Guð-
rún segir að þótt nemendur
Vinnuskólans hafi verið færri en
undanfarin ár þá sé það sam-
dóma álit þeirra sem til þekkja að
afköst nemenda urðu jafnvel betri
en áður. „Áhersla var á að vinna
með hvatninguna og setti það
marga nemendur í afkastagírinn,“
segir hún. Upplýsingar um starf-
semi vinnuskólans má finna á
www.umhverfissvid.is og
www.vinnuskoli.is
ÁGÚST 2006 7Breiðholtsblaðið
Breiðholtið í góðum höndum
Árný, Katrín og Sonja við fagurt blómaker sem hópurinn gerði.
Umhverfishópurinn við fagurblátt lokunarhlið - litinn völdu þau sem
einkennislit Breiðholts.
Smiðjuvegi
Hér
er ég!