Breiðholtsblaðið - 01.08.2006, Side 8

Nýtt og glæsilegt Heilsuhús,
það fimmta í röðinni, opnaði í
Lágmúla 5 í júlí.
Þessi nýja verslun er um margt
sérstök, því fyrir utan að bjóða
upp á fjölbreytt úrval bætiefna,
lífrænna matvara og snyrtivara
líkt og fyrirfinnst nú í miklu úrvali
í öllum verslunum Heilshússins,
er sérstök áhersla á hollan
skyndibita og nýpressaða lífræna
safa, samskonar og nú er hægt að
gæða sér á í Heilsuhúsinu í
Kringlunni.
Heilsubitarnir, sem byggðir eru
meðal annars á hugmyndafræði
10 grunnreglna, þeirra Þorbjarg-
ar Hafsteinsdóttur næringar-
þerapista og Oscar Umahro
Cadogans fæðulistamanns, má
ýmist taka með sér eða borða á
staðnum.
Þess má líka geta að góð að-
staða verður fyrir námskeið og
sýnikennslu í Lágmúlanum og
þar munu þau Þorbjörg og
Umahro hafa aðstöðu og ef til vill
fjölbreytt flóra fólks með sér-
þekkingu um heilsu og heilbrigð-
an lífstíl þegar fram líða stundir.
Það sem hefur umfram allt ein-
kennt Heilsuhúsin í hartnær alda-
fjórðung er frábær þekking
starfsfólks og góð þjónusta. Á því
verður engin undantekning í
Lágmúlanum því þangað hafa nú
þegar verið ráðnir starfsmenn
með mikla þekkingu og reynslu á
þessu sviði.
Heilsuhúsin eru starfrækt við
Skólavörðustíg, í Kringlunni,
Smáratorgi, Selfossi og það
fimmta er eins og áður sagði í
Lágmúla 5.
ÁGÚST 20068 Breiðholtsblaðið
Verði framvarp um gerð mann-
virkja að lögum munu bygginga-
nefndir verða lagðar niður en
byggingafulltrúar annast verkefni
þeirra. Í frumvarpinu er gert ráð
fyrir að skipulagslög og bygginga-
lög verða aðskilin. Ýmsar breyt-
ingar eru fyrrihugaðar á skipu-
lags- og byggingamálum sam-
kvæmt frumvarpinu og helstu ný-
mælin þau að gert er ráð fyrir að
sérstakri Byggingastofnun verði
komið á fót. Á meðal verkefna
sem þeirri stofnun yrðu falið eru
byggingarmál, brunamál, eftirlit
með byggingarvörum á markaði,
rafmagnsöryggismál og eftirlit
með lyftum, en þessir málaflokk-
ar hafa hingað til verið á verk-
sviði Skipulagsstofnunar, Bruna-
málastofnunar, Neytendastofu og
Vinnueftirlits ríkisins. Fram-
kvæmd byggingarmála yrði ein-
nig færð frá Skipulagsstofnun til
hinnar nýju stofnunar
Sveitarfélögin í landinu og þar
á meðal Reykjavíkurborg annast
byggingareftirlit og gert ráð fyrir
að þau sinni því hlutverki áfram
en í breyttri mynd. Með því að
leggja byggingarnefndir sveitarfé-
laganna niður koma sveitar-
stjórnir ekki lengur með beinum
hætti að stjórnsýslu byggingar-
mála. Hlutverk þeirra yrði að
ráða byggingarfulltrúa sem síðan
muni alfarið sjá um útgáfu bygg-
ingarleyfa og framkvæmd bygg-
ingareftirlits. Í því felst m.a. að
gert er ráð fyrir að allt byggingar-
eftirlit, yfirferð hönnunarganga
og annað eftirlit þ.a.m. fram-
kvæmd úttekta verða annað
hvort framkvæmdar af sérstök-
um fagaðilum á vegum bygging-
arfulltrúanna eða þeirra sjálfra.
Gert er ráð fyrir að byggingar-
stjóri gegni mikilvægu hlutverki
og annist m.a. um samskipi við
yfirvöld vegna mannvirkjagerðar.
Þá er gert ráð fyrir að trygginga-
skylda byggingarstjóra og hönn-
uða verði afnumin en þeim verði
þá áfram heimilt að kaupa sér
tryggingu til þess að draga úr
áhættu vegna hugsanlega skaða-
bótakrafna er gætu skapast
vegna mistaka eða gáleysis við
framkvæmd verkefna.
Verða bygginganefndir
lagðar niður?
Nýtt og glæsilegt
Heilsuhús í Lágmúla