Breiðholtsblaðið - 01.09.2006, Síða 1
Tilraunaverkefni með fólki af
erlendum uppruna er nú hafið í
Breiðholtinu. Fella- og Hóla-
kirkja stendur fyrir verkefninu í
samvinnu við stofnanir í hverf-
inu. Tæplega sjö af hundraði
íbúa Breiðholtsins eru af erlend-
um uppruna. Í Efra Breiðholti
eiga liðlega níu af hundraði
íbúanna sér uppruna í öðrum
löndum og ríflega fimm af
hundraði íbúa Neðra Breiðholts.
Alls búa 332 manns af pólsku
bergi í Breiðholtinu, 190 manns
ættaðir frá Filippseyjum, 92 frá
Taílandi, 83 frá Danmörku, 51 frá
Bandaríkjum Norður Ameríku, 33
frá Nepal og 29 frá Portúgal. Um
28% leikskólabarna í Efra Breið-
holti eru af erlendum uppruna og
um 13% í Neðra Breiðholti. Þá
eru um 23% nemenda Fellaskóla
af erlendum uppruna en færri í
öðrum grunnskólum í Breiðholti.
Þessar tölulegu upplýsingar
komu fram í erindi Eddu Ólafs-
dóttur, verkefnisstjóra hjá Félags-
miðstöð Miðborgar og Hlíða, á
málþingi sem haldið var í Fella-
og Hólakirkju sl. laugardag.
Málþingið var haldið í tengsl-
um við tilraunaverkefnið en
markmið þess er að ná til sem
flestra af nýbúum hverfisins.
Svavar Stefánsson, sóknarprestur
í Fella- og Hólakirkju segir þetta
verkefni hafa verið undirbúið í
góðri samvinnu við stofnanir og
einstaklinga, sem hafa reynslu á
þessu sviði og einnig í samvinnu
við fólk sem flust hefur hingað til
lands og búið hér í lengri eða
skemmri tíma. Hann segir ýmis-
legt hafa verið gert til þess að
auðvelda fólki frá öðrum löndum
aðlögun að hinu nýja samfélagi
sem það hafi kosið að búa í en
alltaf megi gera betur í því efni
sem öðru. Vilhjálmur Þ.
Vilhjálmsson borgarstjóri sagði
m.a. í ávarpi þegar hann setti
málþingið að reynsla annarra
þjóða sýni að málefni innflytj-
enda geti verið eldfim og nauð-
synlegt að auka möguleika á að
komast hjá mörgum þeim vanda-
málum sem aðrar þjóðir hafi orð-
ið að glíma við. Það sé þakkavert
að Fella- og Hólakirkja hafi nú tek-
ið frumkvæði í þessum málum
undir heitinu „Litróf - kirkjan fyrir
alla“ með það að markmiði að
auka samskipti íbúanna á svæð-
inu, brjóta múra og rjúfa einangr-
un þannig að skapist betra líf fyr-
ir alla íbúana. Í viðtali hér í blað-
inu segir Ragnhildur Ásgeirsdótt-
ir djákni m.a. að fram hafi komið
að fólk sé jákvætt gagnvart því að
kirkjan stigi þetta skref í sam-
vinnu við þjónustumiðstöðina í
Breiðholti og fleiri stofnanir í
Breiðholtinu.
9. tbl. 13. árg.
SEPTEMBER 2006Dreift frítt í öll hús í Breiðholtinu
Útsala á
lambakjöti
Opið virka daga 9-18:30 og laugardaga 10-14
Mjódd
Apótekið í Hólagarði er opið:
mán-föst: 10-18, laugardaga: 10-14
Lyfjaval.is
Sími 577 1166 Frá málþinginu í Fella- og Hólakirkju sl. laugardag. Fremst má sjá, Svavar Stefánsson, sóknarprest í Fellaog Hólakirkju, Ragnhildi Ásgeirsdóttur djákna og Hope Knútsson, sem hefur búið í mörg á hér á landi og
látið málefni nýbúa til sín taka.
„Lifróf - kirkjan fyrir alla“
®
fasteignasala
reynir erlingsson, löggiltur
fasteigna-, fyrirtækja- og skipasali
-tilraunaverkefni með nýbúum í Breiðholti