Breiðholtsblaðið - 01.09.2006, Blaðsíða 10
Breiðholtsdagurinn sem verður
haldinn í fjórða sinn laugardaginn
30. september, hefur frá upphafi
haft þann tilgang að sameina
Breiðholtsbúa og skapa þeim
tækifæri til að hittast og skemmta
sér og öðrum. Með tilkomu Breið-
holtsdagsins hefur einnig verið
skapaður vettvangur til að koma
því mikla og merkilega menning-
arstarfi á framfæri sem fram fer í
hverfinu. Dagskrá Breiðholts-
dagsins er ætlað að höfða til allra
aldurshópa og að fjölskyldan taki
þátt í deginum saman. Frá upp-
hafi hefur sú stefna ríkt við undir-
búninginn að hann sé sem mest
heimagerður. Að Breiðholtsbúar
undirbúi, komi fram og mæti til
að njóta og sýna.
Frábær aðstaða
í Mjóddinni
Aðstaða í göngugötunni í
Mjódd er einstök til að halda
hverfishátíð af því tagi sem Breið-
holtsdagurinn er. Að geta notið
atriða á sviði um leið og boðið er
upp á sýningar, kynningar af
ýmsu tagi annars staðar í göngu-
götunni að ógleymdri þjónustu
og vörusölu fyrirtækja í Mjódd-
inni allt undir þaki óháð veðri og
vindum er frábært.
Borgarstjórinn kemur í
heimsókn
Vilhjálmur Þór Vilhjálmsson,
borgarstjóri og Breiðholtsbúi
heiðrar nágranna sína með nær-
veru sinni. Borgarstjórinn mun
flytja ávarp og taka á móti niður-
stöðum frá Barnaþingi 12 ára
barna í Breiðholtinu sem haldið
var fimmtudaginn 28. september.
Snorri Snorrason Idolstjarna
syngur nokkur af sínum vinsælu
lögum og svo gera einnig börn af
nokkrum leikskólum í Breiðholti.
Þá kemur fram í fyrsta skipti á
sviði nýstofnaður fjölþjóðlegur
kvennakór. Danssýning frá dans-
deild ÍR verður á dagskrá en sýn-
ing þeirra vakti mikla athygli í
fyrra og eldir borgarar munu láta
ljós sitt skína þegar Gerðuberg-
skórinn og sönghópur úr Árskóg-
um stíga á svið og flytja nokkur
lög. Þá verða afhent verðlaun fyr-
ir bestu myndirnar í ljósmynda-
samkeppninni ,,Betra Breiðholt“.
Þrjár stórsýningar í
göngugötunni
Ekki færri en þrjár sýningar
verða í göngugötunni þennan dag
en það eru sýningar á ljósmynd-
um og listaverkum sem leikskóla-
börn hafa unnið út frá þemanu
,,hverfið mitt“. Þá verða til sýnis
30 bestu myndirnar úr ljós-
myndasamkeppninni ,,Betra
Breiðholt“ og síðast en ekki síst
verða til sýnis niðurstöður Barna-
þings Breiðholts þar sem öll 12
ára börn í Breiðholti fjölluðu um
spurninguna: Hvað get ég/við
gert til að gera hverfið mitt betra?
Frístundamiðstöðin Miðberg, fé-
lagsmiðstöðvar eldri borgara og
íþróttafélögin í hverfinu kynna
fjölbreytta starfsemi sína. Leik-
tæki verða til nota fyrir börnin.
Fjöldi fyrirtækja í Mjóddinni
verða með tilboð og sérstakar
uppákomur í tilefni dagsins.
Betra-Breiðholtsskokk
Að endingu verður svo efnt til
almenningsskokks ,,Betra Breið-
holtsskokksins“ þar sem allir
þátttakendur ganga, skokka, hlau-
pa eða hjóla 2 km sér til heilsu-
bótar og til styrktar starfsemi
umsjónarfélagi einhverfra. Ekkert
þátttökugjald er í skokkið en Atl-
antsolía greiðir 200 krónur til
umsjónarfélagi einhverfra fyrir
hvern einstakling sem klárar
skokkið. Allir þátttakendur fá bol
að launum með nýja ,,Betra Breið-
holt“ merkinu á.
Breiðholtsbúar eru hvattir til
að taka þátt í Breiðholtsdeginum
og leggja þannig sitt fram til efl-
ingar mannlífi og lífsgleði í Breið-
holti og gera Betra Breiðholt.
SEPTEMBER 200610 Breiðholtsblaðið
Heimasíða: www.borgarblod.is
Breiðholtsdagurinn í fjórða sinn
- dagur sem eflir félagsstarf og mannlíf í Breiðholti