Breiðholtsblaðið - 01.10.2006, Qupperneq 2
Breyta verður
neikvæðri niðurstöðu
í jákvæða
Sérfræðingar KPMG telja brýnt
að farið verði yfir fjármálastjórn
Reykjavíkurborgar í heild sinni og
leitað leiða sem ætla megi að leiði
til betri rekstrarárangurs. Sé tekið
mið af framvindu áætlana fyrir
síðustu ár hafa áform um hagræð-
ingu ekki náð fram að ganga. Vil-
hjálmur Þ. Vilhjálmsson, borgar-
stjóri segir úttektina áfellisdóm
yfir fjármálastjórn síðasta meiri-
hluta. Borgarráð samþykkti þann
15. júní sl. að fela óháðum aðila
að gera úttekt á fjárhagsstöðu
Reykjavíkurborgar.
Vilhjálmur Þ. Vilhjálmsson,
borgarstjóri og Björn Ingi Hrafns-
son, boðuðu til fundar með frétta-
mönnum af þessu tilefni fyrir
nokkru. Borgarstjóri segir skýrslu
KPMG staðfesta gagnrýni sína
og fjölmargra annarra á fjármála-
stjórn Reykjavíkurborgar síðustu
árin. Hann sagði að tölurnar og
staðreyndirnar, sem settar væru
fram í skýrslunni töluðu sína
máli. Í þeim fælist áfellisdómur
yfir fjármálastjórn síðasta meiri-
hluta. Eytt hafi verið um efni fram
árum saman, skuldum safnað og
þar með gengið á eignir og skatt-
fé borgarbúa. Vilhjálmur sagði
ljóst að Reykjavíkurborg verði að
snúa þessari þróun við og breyta
neikvæðri rekstrarniðurstöðu í
jákvæða til langs tíma og bæta
áætlanagerð. Björn Ingi Hrafns-
son, formaður borgarráðs tók und-
ir með borgarstjóra og sagði mik-
ilvægt fyrir nýjan meirihluta að
innleiða ábyrga fjármálastjórn og
laga reksturinn. Við blasi ákveð-
inn fortíðarvandi sem takast verði
á við og það verði gert.
Hvatningarverðlaun
leikskóla
Ákveðið hefur verið að stofna
til hvatningarverðlauna leikskóla
í Reykjavík sambærileg þeim sem
veitt eru árlega til grunnskóla í
borginni en ákvörðun um það var
tekin á fyrsta fundi nýs leikskóla-
ráðs.
Hvatningarverðlaunin verða
veitt sex skólum ár hvert og verða
í formi viðurkenningarskjals og
verðlaunagrips. Markmið þeirra
er að veita leikskólum í Reykja-
vík jákvæða hvatningu í starfi,
vekja athygli á því gróskumikla
starfi sem fer fram í leikskólum
borgarinnar og stuðla að auknu
þróunarstarfi og nýbreytni. Aug-
lýst verður eftir tilnefningum til
verðlaunanna í byrjun nóvember.
Foreldrar, kennarar, skólar, starfs-
menn og aðrar borgarstofnanir
geta sent inn tilnefningar. Í leik-
skólaráði Reykjavíkurborgar eiga
sæti; Þorbjörg Helga Vigfúsdóttir,
formaður, Anna Margrét Ólafsdótt-
ir, Áslaug Friðriksdóttir, Helena
Ólafsdóttir, Sigrún Elsa Smáradótt-
ir, Oddný Sturludóttir og Svandís
Svavarsdóttir.
Ragnhildur Erla sviðs-
stjóri leikskólasviðs
Ragnhildur Erla Bjarnadóttir hef-
ur verið ráðin sviðsstjóri leikskóla-
sviðs Reykjavíkurborgar. Ragnhild-
ur Erla er ráðin samkvæmt tillögu
Vilhjálms Þ. Vilhjálmssonar, borg-
arstjóra og var ráðning hennar
samþykkt einróma í borgarráði 6.
október.
Ragnhildur Erla tekur við starf-
inu 1. nóvember. Hún hefur verið
aðstoðarsviðsstjóri menntasviðs
frá stofnun þess 1. júni 2005 og
var um árabil fjármálastjóri Leik-
skóla Reykjavíkur. Í bókun borg-
arráðs segir að ráðið fagni því að
njóta starfskrafta Ragnhildar Erlu.
Nýr yfirmaður skipu-
lags- og byggingar-
sviðs
Birgir H. Sigurðsson, skipulags-
fræðingur hefur tekið við sem
yfirmaður skipulags- og bygging-
arsviðs Reykjavíkurborgar, Birgir
tók við sem sviðsstjóri. 1. októ-
ber sl. af Salvöru Jónsdóttur, sem
gegnt hefur stöðu sviðsstjóra í
tæp fimm ár.
Birgir er skipulagsfræðingur að
mennt. Hann lauk mastersprófi
frá The University of Liverpool
árið 1980. Á árunum 1980-1985
starfaði hann á Skipulagsstofu höf-
uðborgarsvæðisins. Starfið fólst
einkum í gagnasöfnun, úrvinnslu
upplýsinga, samantekt í formi
greinargerða og tillögugerð um
ýmis skipulagsmál á höfuðborg-
arsvæðinu. Á árunum 1985-1988
starfaði Birgir á Borgarskipulagi
Reykjavíkur m.a. við gerð Aðal-
skipulags Reykjavíkur 1984-2004.
Hann hafði einnig umsjón með
skipulagsverkefnum í eldri hverf-
um borgarinnar sem unnin voru
samhliða gerð aðalskipulagsins
og nýju skipulagsstigi, hverfa-
skipulagi. Haustið 1988 var Birgir
ráðinn skipulagsstjóri Kópavogs.
Því starfi gegndi hann til 1. októ-
ber sl. er hann tók við starfi svið-
stjóra skiplags- og byggingasviðs
Reykjavíkurborgar.
Fleiri fara með Strætó
Viðsnúningur hefur orðið hjá
Strætó bs. og hefur farþegum fjölg-
aði um tæp 46 þúsund eða 6,8% í
september, miðað við sama mán-
uð á síðasta ári. Farþegum hefur
fjölgað jafnt og þétt síðustu mán-
uðina og er aukningin um 3,5% á
fyrstu níu mánuðum ársins miðað
við sama tíma á síðasta ári.
Samkvæmt upplýsingum frá
Strætó bs. er þetta er þriðji mán-
uðurinn í röð sem farþegum fjölg-
ar og fimmti mánuður ársins þar
sem farþegar eru fleiri í saman-
burði við sama mánuð síðasta
árs. Á öðrum þriðjungi ársins var
farþegafjölgunin hjá Strætó alls
9,2% sem var töluverð breyting
frá 1,9% fækkun farþega á fyrsta
þriðjungi ársins, að því er segir
í tilkynningu. Ásgeir Eiríksson,
framkvæmdastjóri segir þetta
ánægjulega þróun eftir samdrátt
síðustu ára. Það bendir ótvírætt
til þess að breytingarnar sem
gerðar hafa verið á leiðakerfinu
mæti þörfum viðskiptavina okkar
og að almenningur sé að átta sig
á því að strætó er raunhæfur val-
kostur á höfuðborgarsvæðinu.
Sorpbílar
Tveir nýir metanknúnir sorp-
bílar á vegum Umhverfissviðs
Reykjavíkurborgar verða teknir í
notkun á morgun kl. 13 á bílastæð-
inu við Grasagarðinn og Skauta-
höllina í Laugardalnum. Borgar-
stjórinn í Reykjavík mun taka við
lyklunum og verða bílarnir svo
til sýnis og boðið upp heitt kakó.
Þessir bílar nýta eldsneyti sem er
unnið úr sorpi í stað jarðefnaelds-
neytis. Auk þess eru bílarnir bún-
ir sjálfvirkum tunnulyftum sem
eru hraðvirkari og valda minni
hávaða- og loftmengun en hefð-
bundnar lyftur.
Tunnulyfturnar eru íslensk
hönnun, alsjálfvirkar og rafknúnar
en ekki hefðbundnar glussalyftur.
Helstu kostir við þessar lyftur er
að þær skapa hagræði með sjálf-
virkninni og eru mun hljóðlátari
og menga minna en glussalyfturn-
ar þar sem ekki þarf að auka snún-
ing á bílvélinni við losun.
Borgin rekur tíu sorpbíla til söfn-
unar á heimilissorpi hjá borgarbú-
um. Stefnt er að því að endurnýja
sorpbílana á næstu árum með
metanknúnum bílum. Nú eru þeir
orðnir þrír og eru af Mercedes-
Benz gerð og í eigu Vélamiðstöðv-
arinnar. Umhverfissvið leigir þá
af henni.
2 Breiðholtsblaðið
Útgefandi: Borgarblöð ehf.
Vesturgötu 15 • 101 Reykjavík
Sími: 511 1188 • 561 1594
Fax: 561 1594
Ritstjóri: Þórður Ingimarsson, Sími 551 1519, 893 5904
Netfang: thord@itn.is
Auglýsingasími: 511 1188 • 561 1594 • 895 8298
Netfang: borgarblod@simnet.is
Framkvæmda- og auglýsingastjóri: Kristján Jóhannsson
Umbrot: Valur Kristjánsson
Prentun: Prentsmiðja Morgunbla›sins
Dreifing: Íslandspóstur
10. tbl. 9. árgangur
Breiðholtsblaðið er dreift frítt í öll hús í Breiðholti
S T U T T A R
B O R G A R F R É T T I R
E r til fólk hér á landi sem er svo einangrað að það hefur enga umgengni, hvorki við ættingja né vini og kunninga. Fólk sem einvörðungu hittir annað fólk þegar það aflar
sér allara brýnustu lífsnauðsynja eða sækir sér nauðsynlegustu
heilsuþjónustu. Fyrir nokkrum árum hefðu fáir trúað því að svo
væri en nú er ljóst að þetta vandamál mun vera algengara en
órað var fyrir.
...
Ástæður þess að einsemd fólks og einangrun fer vaxandi geta
verið margar og liggja án efa að einhverju leyti í þeim þjóðfélags-
breytingum sem orðið hafa á undanförnum áratugum. Alkunna
er að með vexti borgarsamfélaga breytist grenndarsamfélagið.
Samskipti nágranna minnka og einangrun fólks vex. Einnig
virðist sem frændsemis- og fjölskyldutengsl hafi minnkað. Slíkt
getur verið fylgifiskur samfélags þar sem um mikið vinnuálag er
að ræða, stíft neyslukapphlaup og streitu sem fylgir slíkum lifn-
aðarháttum. Mun fleiri fjölskyldur sundrast einnig í dag en fyrir
nokkrum áratugum, sem leiðir oft til þess að einstaklingar eigi
ekki lengur samleið með fyrrum umgengisfélögum, finna sér
ekki aðra og hverfa á vit einsemdarinnar.
...
Kannanir sýna að fólk sem orðið hefur fyrir einhverjum áföll-
um í lífinu; t.d. veikindum, langvarandi atvinnumissi, fjölskyldu-
brestum eða misst fæturna á hálu svelli ýmiskonar áreitna á oft
erfiðara með en aðrir að viðhalda félagslegum tenglum og hvað
þá að efla þau. Þá er einnig vaxandi hætta á að eldra fólk ein-
angrist. Oft vegna þess að umgengishópur þess minnkar eftir
því sem fleiri fara yfir móðuna miklu og yngri fjölskyldumeðlim-
ir eiga ekki stund í erli dagsins til þess að sinna þeim sem eldri
eru.
...
Samfélagið og stofnanir þess eru farnar að taka mið af þessari
þróun og vinna það því að efla grenndarsamfélagið og ná fólki
úr félagslegri einangrun. Dæmi um það er margvíslegt félags-
starf fyrir aldraða og aðra sem af einhverjum orsökum eiga ekki
auðvelt með að lifa venjubundnu lífi.
...
Rauði krossinn, kirkjan og félagsstarfið í Breiðholtinu er nú
að hleypa af stað verkefni með því markmiði að ná til fólks sem
er félagslega einangrað og aðstoða það við að fara út á milli
manna að nýju. Til þess skortir sjálfboðaliða sem geta starfað
með þeim stofnunum sem hér eiga hlut að máli. Nauðsynlegt
er að sem flestir sjái sér fært að koma að þessu mikilvæga verk-
efni. Það er átakanlegt að vita til þess að fólk lifi svo einangruðu
lífi að það hitti varla manneskju utan ópersónulegra samskipta
við afgreiðslufólk.
...
Eftir því sem fólk lifir lengur við aðstæður af þeim toga verð-
ur því erfiðara að ganga inn í hið opna mannfélag að nýju. Því
ríður á að finna hver áhugamál þessa fólks geta verið og hvort
finna megi því hlutverk og þeim farveg í einhverju af þeim
félagsstörfum sem í boði eru eða í boði kunna að verða. Breið-
holtsblaðið hvetur fólk í Breiðholtinu að taka höndum saman
við Rauða krossinn, kirkjuna og félagsstarfið í hverfinu í þessu
mikilvæga verkefni.
Mikilvægt verkefni
OKTÓBER 2006
Lesið meira!