Breiðholtsblaðið - 01.10.2006, Page 5
heldur hér fyrirlestra. Þeir verða
þó örugglega búnir þegar þetta
eintak Breiðholtsblaðsins kemst í
hendur lesenda.”
Vildi ekki bækur í
jólagjöf
-En hvernig bækur les forsprakki
Bókaútgáfunnar Hóla?
“Það er kannski skrýtið að
segja frá því en forsprakki Hóla
var framan af ævi afskaplega lítill
bókamaður og á barna- og ung-
lingsárunum fór það til dæmis
mjög í taugarnar á honum ef hann
fékk bækur í jólagjöf. Þeim var
flestum skipt við fyrsta tækifæri
og hljómplötur fengnar í staðinn.
En þetta hefur breyst og síðast-
liðna tvo áratugi hef ég lesið gríð-
armikið af bókum mér til mikillar
ánægju. Þar ber mest á erlendum
bókum um aðaláhugamál frá fæð-
ingu, knattspyrnu. Hún er mitt
“dóp” ef svo má segja og á ég
orðið talsverðan fjölda af fótbolta-
bókum. Ég hef lesið þær mér til
ánægju en einnig notað mikið af
þeim sem heimildir í þær bækur
sem ég hef skrifað um þessa eftir-
lætisíþróttagrein mína. Ég les líka
margt annað, einstaka ævisögur
hafa vakið hjá mér forvitni og því
hef ég freistast til að kaupa þær
bækur og eins hef ég ákaflega gam-
an að lesa bækur um sagnfræðileg
efni, til dæmis þær sem tengjast á
einhvern máta atvinnu- og byggða-
sögu okkar Íslendinga.”
Í tveimur bílskúrum
-Þú þarft auðvitað gríðarlega
stórt húsnæði undir bókaútgáfuna,
ekki satt?
“Jú, ég þyrfti að hafa mjög
stórt húsnæði, en hef það því
miður ekki. Henni er komið fyr-
ir í tveimur bílskúrum og þar er
ansi þröngt. Þar eru kassastæð-
ur upp um alla veggi og út um
öll gólf og ósjaldan gerist það að
einhver staflinn nánast ræðst á
mig. Ég er þá að taka til bókasend-
ingar í búðirnar og í hamagangin-
um rek ég mig kannski utan í eina
stæðuna sem undir eins hrynur á
mig. Þessu tengist ágæt saga en
fyrir nokkrum árum kom útvarps-
maður frá Bylgjunni til að taka
við mig viðtal. Nokkrar mínútur
voru í viðtalið þegar hann kom og
ákvað ég að gefa honum eitthvað
af bókum til að taka með sér til
baka. Ég ætlaði að ná í eina, sem
var í bókastafla í litlu geymsluher-
bergi og var ekki alveg efst í sinni
röð. Ég ætlaði að kippa henni var-
færnislega til mín en um leið og
ég gerði það hrundi staflinn yfir
mig, lenti á geymsluhurðinni og
lokaði henni. Ég rétt náði að kom-
ast út úr geymslunni áður en við-
talið átti að fara í loftið en það
var ansi móður viðmælandi sem
sagði hlustendum þessara ágætu
útvarpsstöðvar frá jólabókum
Hóla það árið.”
Byrjaði á skólaskopinu
-Hvenær byrjaðir þú sjálfur að
skrifa bækur?
“Ætli það séu ekki svona tutt-
ugu ár síðan. Ég og þáverandi
samkennari minn, Jón Sigurjóns-
son, tókum upp á því að hripa
hjá okkur kostuleg svör nemenda
á prófum og útkoman varð fjög-
urra bóka sería, Skólaskop, sem
auðvitað inniheldur einnig sögur
sem við öfluðum okkur hjá öðr-
um kennurum. Þetta átti bara
að verða ein bók en viðtökurn-
ar voru slíkar að ekki var látið
staðar numið fyrr en sú fjórða var
komin út.”
Komnar á fjórða tuginn
-Hvað hefur þú skrifað margar
bækur?
“Þær eru sennilega farnar að
nálgast fjórða tuginn. Ætli þar
á meðal séu ekki ríflega tuttugu
gamansagnabækur, átta bækur
um knattspyrnu og eitthvað af
spurningabókum.”
Þögn um önnur
viðfangsefni
-Hvað væri þinn draumur að
skrifa um eða gefa út?
“Mig langar til að halda áfram að
skrifa ef færi gefst og þá bæði að
taka saman gamansögur og knatt-
spyrnutengt efni. Einnig langar
mig við tækifæri að spreyta mig á
öðrum viðfangsefnum en um þau
læt ég ekkert upp að svo stöddu.”
Ég þakka Guðjóni Inga Eiríks-
syni, bókaútgefanda í Breiðholti
og eiganda Bókaútgáfunnar Hóla,
fyrir spjallið og fæ um leið leyfi
hans til að birta hér á opnunni
nokkrar sögur úr hinni vinsælu
gamansagnabókaröð sem hann
ýtti úr vör fyrir rúmlega tíu árum
síðan.
Erna Ýr.
5BreiðholtsblaðiðOKTÓBER 2006
Að fanga augnablikið verður alltaf
kúnst. Hvort sem er með myndrænum
hætti eða öðrum. Eftirtektin þarf að
vera næm. Og ekki síður áhugi fyrir
hinu sérstæða í mannlífinu hvort sem
það birtist með orðum, athöfnum eða
jafnvel kyrrstæðum myndum í hinu
daglega lífi. Margir hafa gerst sér að
leik og einnig að starfi að fást við þetta
krefjandi viðfangsefni sem augnablik-
ið er. Sumir hlusta aðrir horfa og beita
hinum ýmsu miðlum til þess að tjá öðr-
um þessi augnablik eins og þeim hefur
tekist að fanga þau.
Ari Sigvaldason er einn þeirra.
Hann er raunar þekktastur fyrir blaða-
og fréttastörf, starfsvettvang þar sem
ekki síður er nauðsynlegt að hafa
auga á augnablikinu en í öðrum störf-
um en hefur nú sýnt á sér nýja hlið.
Þá hlið birtir hann með ljósmyndavél-
inni sem hann ber jafnan með sér þar
sem hann á leið um og gefur gaum
að umhverfinu. Á ljósmyndasýningu
hans sem nú stendur yfir í Gerðu-
bergi má sjá mörg hversdagsleg sjón-
arhorn úr hinu daglega lífi sem hann
hefur gefið nýtt inntak með ljósmynd-
un sinni, með því að vaka yfir augna-
blikinu og fanga það á filmu eins og
það birtist honum en verður ef til
vill aldrei aftur eins. Hvort sem hann
er staddur innan um mannaferðir á
víðavangi, á gatnamótum eða jafnvel
í verslunarmiðstöðvum borgarinnar
verður þessi heimur augnabliksins á
vegi hans. Mannlífið sem birtist jafn-
an með ofurvenjulegum hætti verður
í meðförum Ara og myndavélarinnar
hans eins og sérstætt. Eitthvað sem
aðeins varir í augnablik og kemur ekki
aftur. Ýmsir ljósmyndarar hafa fengist
við viðlíka hluti í gegnum tíðina með
allskyns áherslum og árangri en ein-
faldleikinn sem Ari sækist greinilega
eftir gerir myndir hans einkar áhuga-
verðar. Þær gefa innsýn í mannlíf sem
við höfum fyrir framan okkur en gef-
um oft ekki gaum. Hann kýs að kalla
sýningu sína “úr launsátri” rétt eins
og hann hafi læðst að viðfangsefni
sínu eins og hver annar hrekkjalómur.
Ef til vill krefst athygli af þessu toga
þess að stundum sé horft fyrir horn
en mikið fremur mun þó nauðsynlegt
að kunna þá kúnst að fanga augnablik-
ið. Augnablikið sem líður hjá og kem-
ur ekki aftur. Það segir allnokkuð um
mannlífið og það tekst Arna mætavel
með myndum sínum.
Að fanga augnablikið
4
Prófkjör sjálfstæðismanna í Reykjavík,
27. og 28. október.
Kosningaskrifstofa Sigurðar Kára - Aðalstræti 6
Sími: 561-2620 og 561-2624
www.sigurdurkari.is
Sigurð Kára Kristjánsson,
alþingismann í 4. sæti
BREIÐHYLTING TIL FORYSTU!
Sigurjón Fjeldsted
fyrrv. skólastjóri Hólabrekkuskóla
„Ég er stoltur af því að sjá gamlan
nemanda minn og Breiðhylting stefna
að forystusæti hjá Sjálfstæðisflokknum
í Reykjavík. Framganga hans í störfum
sínum á Alþingi á síðasta kjörtímabili,
dugnaður og heiðarleiki hefur vakið
sérstaka eftirtekt mína. Ég styð hann
heilshugar í 4. sætið og skora á alla
Breiðhyltinga að gera það líka.“