Breiðholtsblaðið - 01.10.2006, Blaðsíða 18

18 Breiðholtsblaðið OKTÓBER 2006
Við nálgumst viðskiptavinina í stað
þess að bíða eftir þeim
Nútíminn mætir manni þegar
komið er í útibú Glitnis í Þarbakk-
anum í Mjóddinni. Opin vinnu-
rými starfsfólks og galopin gler-
hurð inn til útibússtjórans. Þung-
ar hurðir og bjöllur á dyrastöfum
heyra liðnum tíma til og aðgangur
að starfsfólki er annar og auðveld-
ari en áður var. En vinnuumhverfi
bankafólksins er ekki það eina
sem breyst hefur í áranna rás
heldur nánast allt sem við kemur
bankastarfseminni. Lilja Pálsdótt-
ir, nýráðin útibússtjóri Glitnis í
Mjóddinni, hefur starfað í banka í
hartnær aldarfjórðung eða í 24 ár
og hefur því fylgst vel með þeim
breytingum sem orðið hafa. Hún
flutti sig nýverið eða fyrir liðlega
þremur vikum af Laugaveginum í
Mjóddina. Hún segir breytingarn-
ar hafa orðið svo miklar að varla
sé hægt að ímynda sér hvernig
unnið hafi verið fyrir aldarfjórð-
ungi. “Þegar ég hóf störf í banka
voru fyrstu tölvurnar að koma
en þær líktust ekkert þeim tölvu-
búnaði sem notaður er í dag og
faxtæki voru næstum óþekkt. Við
notuðum reiknivélar og upplýs-
ingar varð að sækja í næstu skjala
skápa eða að fá þær í gegnum
síma og bankapóst. Nú hefur mað-
ur þetta allt á skjánum fyrir fram-
an sig og þar fer mikill hluti af
samskiptum við viðskiptavinina
einnig fram.”
Mæti glöð á hverjum degi
Lilja segir sér lítast vel á að vera
komin í Breiðholtið. Umhverfið
sé áhugavert og mjög gott starfs-
fólk í Þarbakkanum. “Og nú er ég
að kynnast viðskiptavinunum. Ég
hygg að viðskiptavinahópurinn
komi til með að verða mun fjöl-
breyttari en niður á Laugavegi
vegna þess hversu mörg atvinnu-
fyrirtæki tengist Mjóddinni og
nágrenni hennar. Laugavegurinn
er vissulega í alfara leið en Mjódd-
in er það líka hér við Reykjanes-
brautina. Því geri ég ráð fyrir að
sjá þverskurð af fólki og fyrirtækj-
um hér í bankanum sem vissulega
gefur lífinu lit.” Lilja hóf störf í
banka strax eftir að hafa lokið
framhaldsskóla en kveðst þó hafa
ætlað í framhaldsnám. Dvölin í
bankanum hafi þó orðið lengri
en ætlað var í fyrstu og hún hafi
ekki látið drauminn um nám ræt-
ast fyrr en fyrir sex árum að hún
fór í rekstrarnám í endurmennt-
un sem hún vann að ásamt vinnu
sinni. “Annars hefur starfið sjálft
verið mikill skóli. Verkefnin hafa
verið og eru mjög fjölbreytt og
þróunin verið afskaplega hröð.
Bæði í vinnuferlinu sjálfu og ein-
nig þeirri þjónustu sem bankar
eru veita. Vöruþróunin hefur
verið mjög hröð ef við notum þá
samlíkingu og umhverfið er allt
mikið viðskiptavænna en áður.”
En hefur Lilju fundist gaman í
vinnunni. “Ég verð að svara því
játandi og ég hefði örugglega
ekki verið við þessi störf í allan
þennan tíma hefði mér ekki lík-
að vinnan og vinnustaðurinn. Þar
fer saman ágætt fólk sem ég hef
starfað með í gegnum tíðina og
einnig hin mikla fjölbreytni sem
einkennt hefur þennan starfsvett-
vang. Nei - mér hefur aldrei leiðst
í vinnunni og get ekki sagt annað
en að ég mæti glöð á hverjum ein-
asta degi.”
Nálgast viðskiptavinina
í stað þess að bíða eftir
þeim
Lilja segir að ein þeirra breyt-
inga sem orðið hafa á bankastarf-
seminni þá að nú sé mikið lagt
upp úr að hlusta á viðskiptavin-
ina. Kanna hverjar þarfir þeirra
séu og leita síðan eftir hvað af því
sem bankinn hafi að bjóða henti
þeim og þeirri starfsemi sem þeir
annist. Hvernig viðskiptabankinn
geti einfaldað þeirra líf og þeirra
viðskipti. “Þetta á bæði við um
einstaklinga og einnig hina fjöl-
breyttu atvinnuflóru. Einstakling-
arnir eru eins ólíkir og þeir eru
margir og spanna alla lífsleiðina.
Við byrjum með sparibaukana og
sparnaðarleiðir fyrir börnin og
endum gjarnan á því að annast
um fjármál fyrir eldri borgarana.
Greiðsluþjónustan er líka mjög
stór þáttur í starfi okkar og ég
held að sá þáttur einstaklings-
þjónustunnar auk heimabank-
ans sé það sem hefur fækkað
ferðum fólks í bankana. Við sjá-
um tæpast lengur þær biðraðir
sem einkenndu bankaútibúin og
afgreiðslustaðina áður fyrr - hvor-
ki í hinni almennu afgreiðslu eða
hjá bankastjórunum. Þetta þannig
fram að við biðum eftir viðskipta-
vininum og afgreiddum hann en
nú leggjum við mikið upp úr því
að nálgast viðskiptavini okkar
enda væri bankinn ekki neitt ef
hann hefði ekki viðskiptavini. Þeir
eru númer eitt.”
Breiðholt og austur
Kópavogur
En hvert er starfssvæði útibús-
ins í Þarbakkanum. Lilja segir
það ná yfir Breiðholtið og aust-
urhluta Kópavogs og þá einkum
atvinnuhverfið sem liggur með-
fram Reykjanesbrautinni en Glitn-
ir er með tvö útibú í Kópavogi, í
Hamraborginni og í Smáralind.
“Breiðholtið sjálft er fyrst og
fremst íbúahverfi en þó með all-
nokkru atvinnulífi en meginhluti
þess atvinnulífs sem við veitum
þjónustu kemur úr Kópavoginum
og raunar víðar að. Þar er mjög
fjölbreytt atvinnustarfsemi og
mörg og ólík verkefni sem kalla
að.” Lilja segir að þótt margvísleg-
ar breytingar hafi orðið á banka-
starfseminni að undan förnu sé
engin hætta á að sú þróun verið
stöðvuð. “Við eigum örugglega eft-
ir að sjá margar fleiri breytingar á
næstu árum. Þróunin er svo hröð
og bankarnir rétt eins og aðrir
verða að svara kröfum tímans.”
Lilja Pálsdóttir, nýráðin útibússtjóri Glitnis í Mjódd.
Prófkjör sjálfstæðismanna í Reykjavík 27. og 28. október 2006
6
SÆTIKO
LB
RÚ
N
Kolbrún Baldursdóttir
Kolbrún er sálfræðingur með fjölþætta reynslu að baki.
Hún hefur unnið að málefnum barna og fjölskyldna þeirra
í tæpa tvo áratugi. Kolbrún var um árabil leiðandi í gerð
kjarasamninga sálfræðinga og hélt jafnframt námskeið
í samningatækni fyrir fjölda annarra stéttarfélaga.
www.kolbrun.ws (WebSite)
Samkennd
Staðfesta
Stöðugleiki
sálfræðingur og varaþingmaður
Við hvetjum alla
sjálfstæðismenn í
Breiðholti til að taka
þátt í prófkjörinu
og kjósa Kolbrúnu
í 6. sæti.
Augl‡singasími: 511 1188 & 895 8298