Breiðholtsblaðið - 01.10.2006, Qupperneq 23

23BreiðholtsblaðiðOKTÓBER 2006
Meistarakeppni KLÍ
Keppnistímabilið í keilunni
hófst formlega fimmtudaginn 21.
september þegar Meistarakeppni
KLÍ í karla- og kvennaflokki fór
fram í Keiluhöllinni í Öskjuhlíð.
Lauk leikjunum með tvöföldum
sigri ÍR-inga sem fögnuðu inni-
lega að loknum leik.
Með sigri ÍR-TT á Íslands- og
bikarmeisturunum KFR-Valkyrjum
var brotið blað í sögu keilunnar
á Íslandi, en þetta er í fyrsta sinn
sem kvennalið úr öðru félagi en
Keilufélagi Reykjavíkur KFR vinn-
ur titil í liðakeppni í keilu í efstu
deild kvenna.
Lið ÍR-TT skipuðu Guðný Gunn-
arsdóttir, Karen Rut Sigurðardótt-
ir, Linda Hrönn Magnúsdóttir, Sig-
ríður Klemensdóttir og Sigurlaug
Jakobsdóttir. Í karlaflokki lögðu
Íslandsmeistararnir ÍR-PLS , bik-
armeistarana KFR-Lærlingar sem
veittu þeim litla mótspyrnu að
þessu sinni. Lið ÍR-PLS skipuðu
Hörður Ingi Jóhannsson, Róbert
Dan Sigurðsson, Sigurður E. Inga-
son, Steinþór G. Jóhannsson og
Halldór Ragnar Halldórsson.
Hafliði Ólafsson ÍR eru Reykja-
víkurmeistari einstaklinga með
forgjöf 2006 og er þetta í fyrsta
sinn sem hann vinnur þennan titil.
Hann sigraði Reyni Þorsteinsson
ÍR í úrslitaleikjunum og fóru báðir
leikirnir 2 til 1. Í þriðja sæti kven-
na voru Bergþóra Rós Ólafsdótt-
ir ÍR og Róbert Dan Sigurðsson
ÍR. Í leiknum um 3. sætið sigraði
Bergþóra, Ástrósu Pétursdóttur
ÍR 2 - 1 og Róbert sigraði Halldór
Ásgeirsson ÍR 2 - 0.
Þann 1. október 2006, voru
undirritaðir samningar við
Ásgeir Elíasson og Sigurð Þóri
Þorsteinsson um þjálfun m.fl. og
2. fl. karla.
Báðir koma þeir til okkar frá
Fram, en þar komu þeir Fram
í Landsbankadeildina að nýju.
Ásgeir hefur farsælan knattspyrnu-
og þjálfaraferil að baki eins og flest-
ir þekkja og Sigurður, sem nú er
formaður KÞÍ (Knattspyrnuþjálfara-
félags Íslands), lék með ÍR upp alla
yngri flokkana í knattspyrnu og hef-
ur mikla reynslu af þjálfun m.a. hjá
Fram, Fylki, Aftureldingu og Breiða-
bliki. Ásgeir hefur langan knatt-
spyrnuferil að baki og lék meðal
annars með landsliðinu. Auk þess
hefur hann þjálfað til lengri tíma
hjá Fram og Þrótti auk þess sem
hann þjálfaði landsliðið um tíma.
Ásgeir lék með ÍR í handbolta og
körfubolta þannig að þeir Sigurður
eru báðir ÍR-ingar inn við beinið.
Sigurður mun verða aðalþjálfari 2.
flokks karla en auk þess mun hann
þjálfa meistaraflokk með Ásgeiri.
Þá munu þeir vinna að samhæfing-
arverkefni með þjálfurum yngri
flokka (11 manna bolta) og loks
skilgreina og koma af stað ung-
lingaakademíu í samráði við ung-
lingaráð knattspyrnudeildar.
Ásgeir og Sigurður
þjálfa ÍR
Taekwondo er kennd hjá ÍR
Sjálfsvarnaríþróttin Taekwondo
er Ólympíuíþrótt sem allir geta
stundað. Hún hæfir nánast hverj-
um sem er, óháð aldri, kynferði,
og líkamlegu ástandi. Sem dæmi
má nefna að hjá Taekwondodeild
ÍR er starfræktur öflugur barna-
hópur og í fullorðinsflokkum
hafa verið þó nokkrir nemendur
sem eru á fimmtugsaldri og jafn-
vel eldri og gefa þeir hinum yngri
ekkert eftir. Þá skipa konur stór-
an hluta nemenda. Þjálfunin er
miðuð við hæfni hvers og eins
og gildir það jafnt um börn og
fullorðna. Auðvitað er það þó svo
með Taekwondo eins og annað
að sumir æfa af kappi og verða
afreksmenn en aðrir stunda íþrótt-
ina ánægjunnar vegna og sjálfum
sér til andlegrar og líkamlegrar
uppbyggingar.
Slysatíðni í Taekwondo er mjög
lág. Hún er t.d. mun lægri en í
ýmsum vinsælum boltaleikjum
t.d. handbolta og fótbolta. Upp-
hitun er ávallt góð, teygjuæfingar
minnka til muna hættu á tognun-
um og þess háttar meiðslum og
öryggis er alltaf gætt við fram-
kvæmd æfinga. Það er því ekkert
að óttast því þótt Taekwondo
gangi að stórum hluta til út á að
læra bardagatækni þá læra nem-
endur einnig að forðast að beita
aðra ofbeldi. Sá sem notar Tae-
kwondo til að beita aðra ofbeldi
ótilneyddur er ekki sannur Tae-
kwondo-maður og hefur engan
veginn skilið tilganginn með
Taekwondo. Áhugasamir skulu
ekki hika við að mæta á æfingu
og athuga hvort Taekwondo sé
ekki eitthvað fyrir þá. Allar nán-
ari upplýsingar um þessa íþrótt
er að finna á heimasíðu félagsins
www.irtaekwondo.net
GETRAUNANÚMER ÍR ER
109
Fréttir
Íflróttafélag Reykjavíkur
Skógarseli 12 • Sími 587 7080
Myndsími: 587 7081
Tölvupóstur: iradal@isholf.is
Mikill uppgangur í
Kvennaknattspyrnunni
Mikill og stöðugur uppgangur
hefur verið í kvennaknattspyrn-
unni hjá ÍR síðustu tímabil. Yngri
flokka starfið hefur verið með
miklum ágætum, árangurinn hjá
stelpunum góður og eins hefur
gott foreldrastarf stutt vel við
bakið á stelpunum og hjálpa til
við að gera það að æfa fótbolta
hjá ÍR að stöðugu ævintýri.
Fjórði flokkur kvenna hélt m.a.
í keppnisferð á Dana Cup í Dan-
mörku nú í sumar. Þar fóru 19
stelpur í vikulanga ferð þar sem
keppt var við stelpur frá Norður-
löndunum, England og USA. Var
þar á meðal spilað við hið forn-
fræga lið Ipswich Town og lauk
þeim leik með jafntefli 2 - 2. Ferðin
var mikið ævintýri, heppnaðist í
alla staði vel og stelpurnar stað-
ráðnar í að þetta þurfi að endur-
taka, sem verður örugglega gert.
Fimmti flokkur kvenna stóð sig
frábærlega á Íslandsmótinu og var
A-liðið í 1 - 2 sæti ásamt ÍBV í sinni
deild. Spilað var við ÍBV í Vest-
mannaeyjum og var farið þangað
með flugi frá Bakka í litlum flugvél-
um, mikið ævintýri. Eins var tek-
ið þátt í Símamótinu í júlí stóðu
stelpurnar sig mjög vel á því stór-
skemmtilega móti.
Flokkur kvenna tók þátt í mörg-
um skemmtilegum mótum og mik-
ið var um að vera hjá þeim. Farið
var á pæjumót á Siglufirði þar sem
við vorum með 3 stórskemmti-
leg lið sem enduðu í 3. sæti A-lið
1.sæti Ba-lið og 4. sæti Bb-lið.
Þess ber samt að geta að þetta
sama A-lið varð síðan fyrst allra
kvenna liða hjá ÍR til að landa
íslandsmestartitli! Einnig var tek-
ið þátt í símamóti sem og öðrum
mótum og var árangur sumarsins
hreint út sagt frábær.
Sjöundi flokkur kvenna tók
þátt í mörgum skemmtilegum og
áhugaverðum verkefnum og þess
má geta að þetta lið tapaði ekki
leik á þessu tímabili þær unnu
haustmót K.R.R og lentu í 2. sæti
á markamun á símamóti og gerðu
sér lítið fyrir og unnu pæjumótið á
Siglufirði án þess að fá á sig mark.
Æfingar eru nú byrjaðar aftur á
fullu fyrir næsta tímabil og hvetj-
um við allar stelpur sem langar að
æfa fótbolta að koma á æfingu og
prófa, það verður tekið vel á móti
ykkur. Upplýsingar um æfingar er
að finna á heimasíðu knattspyrnu-
deildar ÍR: www.ir-sport.is .
Eins er hægt að hringja í ÍR
heimilið í síma 587 7080 og fá upp-
lýsingar.
Unnu fimm titla af níu
ÍR-ingar unnu fimm Íslandsmeist-
aratitla af níu í einstaklingskeppni
Víðavangs-hlaups Íslands sem
fram fór á Víðstaðatúni 14. októ-
ber. Þá sigruðu ÍR-stelpur og ÍR-
sveinar í fjögurra manna sveita-
keppni í sínum flokkum.
Gunnar Ingi Harðarson gaf tón-
inn fyrir ÍR-inga í fyrsta hlaupi
dagsins þegar hann sigraði örugg-
lega í flokki 12 ára stráka þrátt
fyrir að vera aðeins tíu ára. Dag-
bjartur Daði Jónsson kom 14. í
mark en hann er aðeins 9 ára og
Snorri Þór Sigurðsson 16. af 29
keppendum.
Í flokki 12 ára stelpna sigruðu ÍR
stelpur þrefalt en Björg Gunnars-
dóttir kom fyrst í mark eftir góð-
an endasprett, Aníta Hinriksdóttir
varð önnur og Kristín Líf Jónsdótt-
ir varð þriðja. Klara Rún Hilm-
arsdóttir kom svo 11. í mark en
keppendur í þessum flokki voru
24. Vera Sigurðardóttir frá Laug-
arvatni varð fjórða í hlaupinu en
hún æfir með ÍR-stelpunum. ÍR-ing-
ar sigruðu fjögurra manna sveita-
keppni með yfirburðum. Frábær
árangur hjá stelpunum sem eru
mjög duglegar að æfa og vinna
vel saman á æfingum.
Í piltaflokki 13 til 14 ára kepptu
þrír nýliðar fyrir ÍR og stóðu þeir
sig mjög vel. Arnar Már Kristins-
son varð annar eftir góðan enda-
sprett og Kristján Torfi Örnólfs-
son varð fjórði eftir að hafa haldið
öðru sæti lengsta af. Reynir Snær
Valdimarsson varð sjöundi.
Snorri Sigurðsson vann yfir-
burða sigur í sveinaflokki kom 42
sekúndum á undan næsta manni
í mark eftir 3000 metrum. Ármann
Óskarsson varð fjórði, nýliðinn
Stefán Árni Hafsteinsson fimmti
og Adam Þorgeirsson sjötti. ÍR-
sveitin vann sveitakeppnina.
Ólafur Konráð Albertsson sigr-
aði óvænt en með glæsibrag eftir
hörkukeppni í drengjaflokki 17 til
18 ára. Þá hljóp Vignir Már Lýðs-
son mjög vel og varð fjórði eftir
að hafa leitt hlaupið fyrsta kíló-
meterinn.
Fríða Rún Þórðardóttir hafn-
aði í öðru sæti í kvennaflokki eft-
ir einvígi við Írisi Önnu úr Fjölni
en Fríða Rún leiddi hlaupið nærri
alla leiðina og Bryndís Ernstsdótt-
ir varð þriðja í kvennaflokki.
Burkni Helgason hljóp mjög
gott hlaup í karlaflokki og náði
þriðja sæti, Stefán Ágúst Haf-
steinsson varð sjötti og nýliðarnir
Þorsteinn Magnússon og Andri
Gunnarsson urðu í sjöunda og
áttunda sæti. Í öldungaflokki, 40
ára og eldri, sigraði ÍR-ingurinn
Þorlákur Jónsson af miklu öryggi
og tryggði fimmta Íslandsmeist-
aratitil ÍR-inga í Víðavangshlaupi
Íslands 2006.
Glæsileg útkoma í heildina og
greinilegt að lengri hlaupurum
úr röðum ÍR-inga fer fjölgandi á
sama tíma og árangurinn verður
betri og betri.
Fjórir settu sveinamet
Fjórir félagar úr frjálsíþrótta-
deild ÍR settu nýtt íslenskt sveina-
met í 1000 metra boðhlaupi 4.
október sl.
Þetta voru þeir Snorri Sigurðs-
son, Steinar Thors, Heimir Þór-
isson og Einar Daði Lárusson.
Snorri hljóp 100 metra, Steinar
200 metra, Heimir 300 metra og
Einar Daði 400metra. Þeir hlupu
á tímanum 2:05,56 mín. en gamla
metið, sem var í eigu Breiðabliks
síðan 2002 var 2:07.05 mín. Glæsi-
legur árangur hjá þessum efnilegu
strákum.
ÍR- ingar í Berlínarmaraþoni
Nokkrir ÍR-ingar úr skokkhópn-
um tóku þátt í Berlínarmaraþoni
sem fór fram sunnudaginn 23.
september en tæplega 40.000 þátt-
takendur voru í maraþoninu.
Gauti Höskuldsson sem kepp-
ir í flokki 45 ára kom fyrstur ÍR-
inga í mark á tímanum 2:51:48
og varð hann 31. í mark í sínum
aldursflokki. Sigurjón Sigurbjörns-
son hljóp á tímanum 2:59:17 og
varð 25. í mark í flokki 50 ára. Alls
hlupu átta ÍR-skokkarar og með-
al þeirra var Óskar Ármannsson
sem var að hlaupa sitt fyrsta mara-
þon og kláraði það með sóma á
4:22:12 klst. Nánari úrslit má finna
á www4.mmedia.is/kah
Þann 7. október sl. stóð hand-
knattleiksdeild ÍR fyrir grunn-
skólamóti í handbolta í 5. - 8.
bekk fyrir grunnskólana í Breið-
holti. Það olli nokkrum vonbrigð-
um að aðeins 3 af skólunum sáu
sér fært að senda lið til keppni,
Breiðholtsskóli, Seljaskóli og
Ölduselskóli. Hólabrekkuskóli
og Fellaskóli sendu ekki inn lið
þetta árið en við vonumst til
þess að það breytist á næsta ári.
Landsbankinn var bakhjarl
mótsins líkt og í fyrra og þökk-
um við honum stuðninginn enda
hefði ekki verið hægt að halda
mótið án hans.
ÍR-ingar unnu bæði í karla- og kvennaflokki í meistarakeppni KLÍ í keilu.
Grunnskólamót ÍR
og Landsbankans