Vesturbæjarblaðið - 01.03.2007, Síða 15

Meistaraflokkur KR fór í æfingaferð til La Manga
á Spáni fyrir skömmu og segir Teitur Þórðarson,
þjálfari liðsins, að það sé mjög gott fyrir liðið að
komast á svona mót þar sem spilað sé við sterka
andstæðinga frá öðrum löndum. Þátttakan sé liður
í undirbúningi fyrir Íslandsmótið. Andstæðingar
KR í mótinu voru Rosenborg, Brann, Vålerenga
og Lilleström sem eru fjögur efstu liðin í Noregi
frá síðasta keppnistímabili. Í fyrra léku KR-ingar á
sama stað, en þá við liðin sem voru í 5. til 8. sæti
í Noregi. Það hafi því verið umtalsverður munur á
andstæðingunum.
Teitur segir þetta hafa verið mjög góða ferð þó ekki
hafi unnist nema einn leikur, tveir leikir hafi tapast
naumlega. Fyrsti leikurinn var gegn Vålerenga sem
tapaðist 1-0, en í þeim leik átti KR allan seinni hálfleik-
inn en leikurinn sjálfur var ekki neinn toppleikur.
“Síðan er spilað við Lilleström, og þeim leik töpuð-
um við illa, eða 5-0. Það var svolítill skellur fyrir okk-
ur en Lilleström átti allan fyrri hálfleikinn og þeir ná
að skora úr nánast öllum sínum tækifærum. Staðan
var 3-0 í hálfleik en þegar við vorum að reyna að jafna
í síðari hálfleik fáum við á okkur tvö mörk til viðbótar.
Leikurinn við Brann var þriðji leikurinn á einni viku,
og við vinnum hann stórt og verðskuldað, 4-0. Það
var frábær leikur af okkar hálfu, ég var mjög sáttur
við mína menn í þeim leik. Sex dögum seinna var leik-
ið við Rosenborg og sá leikur var ekki mikið síðri en
leikurinn við Brann en þar tókst okkur ekki að nýta
færin sem sköpuðust, og við töpuðum 1-0. Við vorum
í þessum leikjum að taka þá svolítið í okkar hendur í
seinni hálfleik, og ég átti kannski ekki alltaf von á því.
Það kom skemmtilega á óvart.
Í þessa ferð til La Manga fór sá hópur sem spilar
fyrir KR í sumar og þetta var mjög gott tækifæri til að
hrista nýju leikmennina saman við þá eldri og fyrir
okkur til að kynnast þeim. Með því að fara í svona
æfingaferð fæst tækifæri til að spila við lið sem eru
almennt talin mun betri en okkar lið, það er besta
æfingin. Það er algjört lykilatriði í undirbúningnum
fyrir sumarið að geta “testað” liðið á móti sterkum
liðum, það er engin önnur leið betri. Nýju leikmenn-
irnir komu mjög vel út í þessari ferð og eru hægt og
sígandi að samlagast hópnum.”
Teitur segir það ekki síður mikilvægt að í þessar
tvær vikur sem dvalið er á La Manga umgangast
strákarnir leikmenn sem þeir hafa verið að sjá spila
í Meistaradeild Evrópu árum saman, eins og t.d. leik-
menn Rosenborg. Ef þeir lentu t.d. á móti Rosenborg
í Evrópukeppninni vita þeir að úrslitin eru ekkert
ákveðin fyrirfram.
Væri gaman að dragast á móti norsku
liði
- Áttu þér þá ósk sem fyrrum þjálfari í Noregi að drag-
ast á móti norsku liði?
“Ég hef ekkert á móti því, væri raunar mjög fínt
mál. Ég held hins vegar að við ættum meiri möguleika
ef við lentum á móti liðum frá Balkansskaganum, en
möguleikinn er alveg fyrir hendi að slá út lið frá Norð-
urlöndunum.
Nú er framundan deildarbikarkeppnin, sem nú
heitir Lengjubikarinn, og þar unnum við fyrsta leikinn
2-0, það var gegn Þrótti. Það mót er mjög gott til und-
irbúnings Íslandsmótinu og við munum leika alla leik-
ina í Lengjubikarnum með okkar bestu menn,” segir
Teitur Þórðarson þjálfari.
15VesturbæjarblaðiðMARS 2007
KR-SÍÐAN
GETRAUNANÚMER
KR ER 107
Ekkert annað kom til greina
en körfubolti, og það með KR”
Körfubolti var fyrr á árum oft
kallaður íþrótt án snertingar þar
sem ekki mátti snerta andstæðing-
inn án þess að fá á sig villu. Þeg-
ar skráð var saga körfuboltans
á Íslandi í hálfa öld fékk bókin
nafnið “Leikni framar líkamsburð-
um.” Kannski það segi meira um
þessa skemmtilegu íþrótt í dag.
Brynjar Þór Björnsson leikur með
meistaraflokki KR í dag í körf-
unni, en hann er fæddur 1988,
og verður því 19 ára á þessu ári í
lok Sólmánaðar samkvæmt fornu
dagatali. Æfingar eru venjulega
sex sinnum í viku, svo varla er
mikill tími fyrir aðrar tómstundir.
Undir það tekur Brynjar Þór.
Brynjar Þór segir að ekkert ann-
að hafi komið til greina en körfu-
bolti þegar hann fór að velja sér
íþrótt til að leggja stund á, þó hann
hafi eitthvað verið að gutla með
Þrótti í fótbolta um tíma. Bróðir
hans, Björgvin Halldór, fæddur
1982, var í hinum fræga árgangi
KR sem nánast vann allt sem til
boða stóð og mágur hans, Ósvald-
ur Knudsen, var líka að spila körfu-
bolta með KR svo strax um ellefu
ára aldur var Brynjar Þór farinn að
skjóta á körfu heima.
“Ég fór snemma að spila með
aldursflokki fyrir ofan mig og á
síðustu sjö eða átta árum hefur
sá flokkur aðeins misst af tveimur
Íslandsmeistaratitlum, og við höf-
um unnið titilinn síðustu þrjú árin.
Ég byrjaði 16 ára, þegar ég byrj-
aði í Menntaskólanum við Sund,
að æfa og spila með meistaraflokki
KR. Fyrsti leikurinn minn var hins
vegar í Hraðmóti ÍR í júlímánuði
gegn Njarðvík sumarið eftir 8. bekk
en fyrsti úrvalsdeildarleikurinn
með KR var 2004 gegn Hamri/Sel-
fossi. KR vann með 10 stiga mun
og ég skoraði 12 stig í leiknum, og
var því býsna ánægður með sjálfan
mig.”
Alvaran tekur við í
úrslitakeppninni
Brynjar segir að vegna mikilla
leikmannaskipta hafi ekki verið
lengi neinn fastur kjarni í KR-liðinu
eins og í mörgum öðrum úrvals-
deildarliðum, eins og t.d. Suð-
urnesjaliðunum. Svo hafi margir
leikmenn farið erlendis að spila,
eins og t.d. Jón Arnar, Jakob og
Helgi Már sem allir eru að leika
með landsliðinu. Brynjar fullyrðir
að væru þeir að leika með KR í dag
væri það langbesta liðið í úrvals-
deildinni.
“Það er hins vegar frábærlega
staðið að málum hér hjá stjórn
körfuboltadeildarinnar, og okkur
hefur tekist að vera í toppbaráttu í
deildinni í vetur og eigum von á að
hreppa 2. sæti deildarinnar. Njarð-
víkingar urðu hins vegar deildar-
meistarar. En svo tekur við úrslita-
keppnin, og þá segja sumir að alvar-
an taki við. Þar skiptir miklu máli
að ná góðu sæti í 8. liða úrslitum,
því liðin í 1. - 4. sæti fá fyrst heima-
leik, en vinna þarf tvo leiki. Odda-
leikur, ef til hans kemur, er því á
heimavelli liðanna í 1. - 4. sæti.”
- Ertu bjartsýnn á gengi ykkar KR-
inga í úrslitakeppninni?
“Já, og hef verið það allt tímabil-
ið frá því í haust því við erum með
góðan mannskap og innan hans rík-
ir góður mórall, og við erum með
frábæran þjálfara. Við stefnum á
Íslandsmeistaratitilinn en KR hefur
ekki unnið hann síðan árið 2000,
Suðurnesjaliðin hafa verið að ein-
oka hann, en við ætlum að breyta
því nú.
Deildin hefur verið nokkuð tví-
skipt í vetur, sex efstu liðin hafa
verið í einum hnapp, þ.e. Suður-
nesjaliðin þrjú, Snæfell, Skallagrím-
ur og KR. Gengi Vesturlandsliðanna
hefur komið mér svolítið á óvart,
en vissulega eru þeir með margra
frábæra leikmenn og eru ekki auð-
unnir. Það eru margir góðir íslensk-
ir leikmenn með Snæfelli.”
Brynjar Þór segir að auk bróð-
ur hans hafi KR alltaf verið með
leikmenn úr Lauganesinu þar sem
hann býr, og marga af bestu leik-
mönnum KR eins og Jón Arnar og
Helga Má. Annað félag hafi því ekki
komið til greina allt frá upphafi.
KR Reykjavíkur-
meistari kvenna
KR vann Val 4-3 í lokaleik Reykja-
víkurmótsins í lok febrúarmán-
aðar og tryggði sér þar með sig-
ur á mótinu í 10. sinn. Mörk KR
gerðu Olga Færseth (2), Katrín
Ómarsdóttir og Fjóla Dröfn Frið-
riksdóttir. Leikurinn var afbragðs
skemmtun sem bauð upp á sjö
mörk. Katrín Ómarsdóttir skoraði
fyrsta markið á 6. mínútu, en um
15 mín. síðar var Valur kominn
yfir með tveimur mörkum. Olga
Færseth jafnaði en aftur komst
Valur yfir þegar sóknarmaður Vals
sá við rangstöðutaktík KR. Olga
jafnaði úr vítaspyrnu og loks skor-
aði Fjóla Dröfn sigurmark KR.
Þessi úrslit veita KR-ingum
vissulega vonir um gott gengi KR
í Landsbankadeild kvenna á kom-
andi sumri.
Lið KR var skipað þannig; Berg-
lind Magnúsdóttir, Embla Sigríður
Grétarsdóttir, Agnes Þóra Árna-
dóttir, Lilja Dögg Valþórsdóttir, Val-
dís Rögnvaldsdóttir, Fjóla Dröfn
Friðriksdóttir, Margrét Þórólfsdótt-
ir, Edda Garðarsdóttir, Hólmfríður
Magnúsdóttir, Katrín Ómarsdóttir
og Olga Færseth sem var fyrirliði.
Inn á komu Ólöf Gerður Ísberg og
Hulda Mýrdal Gunnarsdóttir.
Í 40 viðureignum KR og Vals á
Reykjavíkurmóti hefur Valur sigr-
að í 19 leikjum, KR í 16 en fimm
leikjum hefur lokið með jafntefli.
Markatalan er 100-69 Val í hag.
KR skoraði 53 mörk á Reykjavík-
urmótinu og hefur aldrei skorað
jafn mörk mörk á einu móti. Fyrra
félagsmetið var 24 mörk árin 2001,
2003 og 2005.
www.kr.is
Brynjar Þór Björnsson, bakvörður í úrvalsdeildarliði KR í körfubolta.
Árangursrík ferð KR til La Manga
Guðrún Björnsdóttir
Íslandsmeistari
KR-ingurinn Guðrún G.
Björnsdóttir varð Íslands-
meistari í borðtennis um sl.
helgi. Í úrslitaleiknum í ein-
liðaleik kvenna lagði Guðrún
félaga sinn úr KR, Aldísi Lár-
usdóttur, en þetta var fyrsti
sigur Guðrúnar á Aldísi í
einliðaleik en hennar þriðji
sigur í röð á Íslandsmótinu
í borðtennis. Í tvíliðaleik
kvenna töpuðu þær Guðrún
og Aldís fyrir Magneu Ólafs-
dóttur og Ragnhildi Sigurðar-
dóttur úr Víkingi.
Í tvíliðaleik karla sigruðu
KR-ingarnir Ingólfur S. Ing-
ólfsson og Kjartan Bríem
bræðurna Guðmund og
Matthías Stephensen. KR-
ingar hirtu fleiri titla því í
1. flokki karla sigraði Ólaf-
ur Páll Geirsson, í 1. flokki
kvenna Auður T. Aðalbjarn-
ardóttir og í 2. flokki kvenna
Fríður R. Sigurðardóttir.
Reykjavíkurmeistarar KR
Frá ferð KR til La Manga fyrir skömmu.
- segir Brynjar Þór Björnsson
Íslandsmeistarinn í borðtennis kvenna,
Guðrún G. Björnsdóttir.
Kjartan Bríem og Ingólfur S. Ingólfsson,
sigurvegarar í tvíliðaleik karla.
Borðtennis