Vesturbæjarblaðið - 01.04.2007, Page 3

3VesturbæjarblaðiðAPRÍL 2007
“Verktakar sækja hart að
hverfinu okkar nú um stundir,”
segir Gísli Þór Sigurþórsson,
formaður Íbúasamtaka Vestur-
bæjar. Hann telur það arðsamt
að byggja og selja húsnæði á
höfuðborgarsvæðinu. Mun fleiri
fjölskyldur en pláss er fyrir vilji
búa í þessu friðsæla þorpi sem
afmarkast af Hringbraut, Kvos-
inni, Suðurgötu og Reykjavík-
urhöfn. Þetta verði til þess að
verktakar kaupa upp gömul lítil
hús, rífa þau og leita uppi hæstu
byggingar í nágrenninu. Beita
svo jafnræðisreglunni til að kre-
fjast þess að fá að byggja jafn há
hús og þau hæstu. Gott dæmi sé
Holtsgötureiturinn sem fór í nýtt
deiliskipulag sem lyktaði á þann
veg að það fékkst leyfi til að byg-
gja jafnhátt og hæstu aðliggjandi
hús á horni Holtsgötu og Bræðra-
borgarstígs.
“Ég vil nefna svolítið öfgafullt
dæmi um hve jafnræðisreglan get-
ur verið vandmeðfarin. Getur til
dæmis eigandi lóðar við hlið Hall-
grímskirkju krafist þess að fá að
byggja íbúðarturn jafnháan Hall-
grímskirkju? Hvar liggja mörkin?
Hefur Guð sérstöðu í þessu máli?
Er núna búið að gefa veiðileyfi á
lágreista byggð í Túnunum? Munu
rísa þar turnar á hverri lóð? Hvað
með Hverfisgötu? Mun rísa nýr
Skuggahryllingur við Hverfisgöt-
una?
Það er nefnilega svo að skuggar
af byggingum geta verið góðir þar
sem hitar verða miklir. Þess vegna
hafa til dæmis litlu miðaldaþorpin
í Andalúsíu að geyma tveggja til
þriggja hæða hús meðfram þröng-
um götum. Þá myndast góður
skuggi og líka dragsúgur, þeirra
tíma loftkæling. Í Vesturbænum
er hvorki gott að mynda of mikla
skugga né dragsúg, nóg er nú um
norðan næðinginn sem streymir
út Hvalfjörðinn og skellur á Vest-
urbænum. Það verður að setja
einhver takmörk á virkni jafnræð-
isreglunnar áður en ástandið verð-
ur verra en orðið er,” segir Gísli
Þór Sigurþórsson, formaður Íbúa-
samtaka Vesturbæjar.
Opin svæði í
Vesturbænum
“Við í Vesturbænum þökkum
börnum okkar fyrir hve snögg þau
voru að mótmæla nýju deiliskipu-
lagi á Landakotsreit, þar sem nú
er sparkvöllur, en þar átti að leyfa
jafn stóra og háa byggingu og Stýri-
mannaskólann. Nógu slæmt er að
búið sé að trampa nýju deiliskipu-
lagi í gegn, fyrir Slippasvæðið,
sem gerir ráð fyrir að róluvöllur-
inn á Vesturgötunni fari undir mal-
bik. Þessi svæði eru einu opnu
leiksvæðin austan Vesturbæjar-
skóla og norðan Túngötu. Það er
mikilvægt að við stöndum vörð
um opin svæði í hverfinu. Við eig-
um að krefjast þess að hætt verði
við að framlengja Bræðraborgar-
stíg og að Vesturgöturóló verði
byggður upp sem útivistarsvæði
fyrir börnin í Vesturbæ Reykjavík-
ur. Fyrrnefndur sparkvöllur við
hlið Stýrimannaskólans er jafn
verðmætur því að þar eru börn
að leik seinni part dags allt árið
um kring. Stýrimannaskólinn er
friðað hús í eigu ríkisins, líkt og
lóð sparkvallarins. Það er mjög
mikilvægt að Reykjavíkurborg
leysi húseignina og aðliggjandi
lóð til sín. Mín tillaga er að í fram-
tíðinni verði Stýrimannaskólinn
félagsmiðstöð hverfisins. Félags-
miðstöð sem þjóni öllum aldurs-
hópum.”
Íbúaþing og aðalfundur
Íbúasamtaka Vesturbæjar
“Í vetur hefur stjórnin haft
í nógu að snúast. Hún andæfði
skipulagi Slippasvæðisins og hald-
inn var fundur sem tengdist húsa-
friðun og flutningi á húsum. Fund-
urinn tengdist vitanlega Gröndals-
húsinu og umræðunni um hvort
það fengi að vera eða yrði flutt á
brott. Vonandi fær húsið að vera
áfram í Vesturbænum.
Síðan tóku íbúasamtökin þátt
í undirbúningi að Íbúaþingi sem
haldið var í Ráðhúsi Reykjavíkur
31. mars sl. Umræðuefni þings-
ins var íbúalýðræði og borgar-
skipulag. Meðal framsögumanna
var Audun Engh. Audun hefur
starfað lengi með frjálsum félaga-
samtökum í Noregi og Vestur-Evr-
ópu, meðal annars samtökunum
“Council for european urbanism”.
Audun sýndi okkur ótal dæmi
um hvernig megi skipuleggja ný
hverfi í fullu samræmi og sátt
við þá byggð sem fyrir er. Hann
gerði okkur grein fyrir að um alla
Evrópu eru svæði í nágrenni við
hafnir að breyta um hlutverk eins
og Slippasvæðið við Reykjavíkur-
höfn.
Audun sagði að við Reykvíking-
ar yrðum að nýta þetta tækifæri
sem okkur gefst núna til að byg-
gja upp fagurt hverfi við Reykja-
víkurhöfn sem væri í samræmi
við gamla Vesturbæinn en kæfði
ekki eitt elsta og fallegasta hverfi
Reykjavíkur,” segir Gísli Þór Sigur-
þórsson.
Starfsári íbúasamtakanna lýkur
með aðalfundi þann 3. maí nk.
Fundurinn verður í húsnæði Sögu-
félagsins í Fichersundi kl. 20:00.
Stýrimannaskólinn og sparkvöllurinn. Verður þar í framtíðinni félags-
miðstöð hverfisins?
Mikilvægt að standa vörð um opin svæði í Vesturbænum
Kona á besta aldri óskast til
starfa í fatahreinsunina Hraða
Okkur vantar konu til framtíðarstarfa hjá
fyrirtækinu. Við erum að leita að konu sem hefur
góða tilfinningu fyrir gæðafatnaði og meðhöndlum
hans. Við leitum að konu sem hefur gaman af
mannlegum samskiptum og er tilbúin að taka á
sig ábyrgðastarf í ört vaxandi, traustu og grónu
fyrirtæki. Þarf að geta hafið störf sem fyrst.
Vinsamlegast hafið
samband við
John 863-0070 eða
Þorgeir 899-0020.