Vesturbæjarblaðið - 01.04.2007, Síða 4
4 Vesturbæjarblaðið APRÍL 2007
Björn Ingi Hrafnsson formað-
ur borgarráðs Reykjavíkurborg-
ar gegnir einnig formennsku í
hafnarstjórn Faxaflóahafna og í
ÍTR. Mörg mál tengjast því setu
hans í borgarstjórn og nefndum
borgarinnar. Hann segir að sem
formaður hafnarstjórnar finnst
sér verkefnin á Mýrargötusvæð-
inu mjög áhugaverð og einnig
þær hugmyndir sem unnið er að
um uppbyggingu í Örfirisey, þar
sem miklar framkvæmdir eru
fyrirhugaðar.
“Í málefnaskrá okkar í borgar-
stjórnarmeirihlutanum gerum
við ráð fyrir fjórum svæðum til
íbúðabygginga í borginni. Þau eru
í Úlfarsárdalnum, Vatnsmýrinni,
á Geldingarnes og í Örfirisey þar
sem við ætlum að skipuleggja
íbúðabyggð á kjörtímabilinu.”
Björn Ingi segir hvert kjörtíma-
bil fljótt að líða og vilji menn
koma einhverju í framkvæmd
verði að hafa snör handtök.
“Við erum við á fullri ferð í
þessu starfi og nú stendur alþjóð-
leg samkeppni yfir um skipulag
Vatnsmýrarinnar og einnig er
unnið á fullu við skipulag Örfiris-
eynnar. Stór fyrirtæki á borð við
Þyrpingu og Björgun hafa kynnt
hugmyndir um landfyllingar sem
nú er unnið að athugun á. Á bak
við uppbyggingu í Örfirisey og í
Vatnsmýrinni eru hugmyndir um
hvernig styrkja megi miðborgina
og treysta bakstoðir hennar beg-
gja vegna. Á sama tíma og við
erum að þróa nýtt úthverfi í Úlf-
arsárdal, sem líkjast mun Fossvog-
inum að því leiti hverfið er byggt í
suðurhlíðum. Með því viljum við
gefa venjulegu fólki kost á að eign-
ast lóðir í glæsilegu úthverfi.”
Björn Ingi segir lóðauppboð,
sem þróast höfðu hjá Reykjavíkur-
borg hafi verið farin að fæla margt
fólk frá því að sækja um lóðir. “Ég
tel miður að svo hafi farið vegna
þess að í mínum huga eru það
grundvallarréttindi að fólk geti
byggt þar sem það vill og sveitar-
félögin eiga að stuðla að því án
þess að vera að maka krókinn á
lóðaúthlutunum með þeim hætti
sem gert var.”
Árangurinn kemur fyrr
fram
Þegar Björn Ingi Hrafnsson gaf
kost á sér til setu í borgarstjórn
fyrir síðustu sveitarstjórnarkosn-
ingar hafði hann komið að stjórn-
málum með ýmsum hætti bæði
sem varaþingmaður Reykjavík-
urkjördæmis suður undanfarið
kjörtímabil en einnig sem fram-
kvæmdastjóri þingflokks fram-
sóknarmanna og aðstoðarmaður
utanríkisráðherra og forsætisráð-
herra.
- Hvað kom til að þú ákvaðst að
fara hina leiðina og snúa þér að
sveitarstjórnarmálum eftir að hafa
fengist við landsmálin?
“Ég byrjaði í þjóðmálunum en
ákvað svo að breyta um. Ég lít
ekki á pólitík sem ævistarf en
borgarmálin bera hæst ber hjá
mér núna í augnablikinu. Ég hafði
starfað í skipulags- og byggingar-
nefnd Reykjavíkur áður en að ég
ákvað að gefa kost á mér til setu
í borgarastjórn fyrir síðustu kosn-
ingar en hætti störfum þar þeg-
ar nefndin var lögð niður og nýtt
skipulagsráð tók við hlutverki
hennar. Mér finnst nándin í sveit-
arstjórnarmálunum áhugaverð
og auðveldara er að láta verkin
tala á sveitarstjórnarstiginu en í
þjóðmálunum. Árangur vinnunn-
ar kemur fljótar fram en það sem
fer í gegnum Alþingi. Það tekur
lengri tíma að skila sér á hið verk-
lega stig.
Í borgarstjórn gefst manni
líka kostur á að ræða við borgar-
búa augliti til auglitis því margir
koma til borgarfulltrúanna með
fjölbreytt erindi. Ég hef reyndar
aldrei prufað að vera í stjórnar-
andstöðu. Ég hef unnið fyrir meiri-
hluta bæði í skipulags og bygg-
ingarnefndinni gömlu og einnig í
störfum mínum fyrir þingflokka
og ráðherra og að borgarmálum
nú.”
Borgarhverfin í sífelldri
endurskoðun
“Af því við vorum að tala um
uppbyggingu í eldri borgarhlutum
þá má aldrei líta svo á að þróun
einhvers borgarhluta eða hverfis
sé lokið þótt byggingarlandið sé
vel nýtt. Við megum hins vegar
ekki gleyma okkur í framkvæmda-
gleði og fara út fyrir skynsamleg
mörk. En við erum líka opin fyr-
ir öllum möguleikum til þess að
styrkja öll borgarhverfi hvort sem
er með nýrri atvinnustarfsemi eða
möguleikum til íþrótta og félags-
lífs. Við höfum átt í viðræðum
um þjónustuíbúðir fyrir aldraða
og einnig sambýli fyrir fatlaða og
aðra sem á slíkri þjónustu þurfa
að halda.
“Við höfum verið að láta kort-
leggja alla borgina að þessu leyti
og finna út hvar hentug svæði fyr-
ir slíkar byggðir sé að finna og
enn er allt er opið í þessum efn-
um. Við höfum sérstaklega horft
til þess hvort til séu ónotaðir
blettir sem gætu nýst betur að
þessu leyti en viljum engu að síð-
ur standa vörð um grænu svæðin.
Spurningin er um hversu mörg
opnu svæðanna eru græn svæði
og hver þessara svæða gætu nýst
fyrir byggð eða atvinnustarfsemi
af einhverju tagi.”
Eftirsóttustu útsvars-
greiðendurnir fóru
- En nánar að uppbyggingu mið-
borgar og nýrra hverfa. Reykja-
víkurborg hefur þanist nokkuð
verulega út með nýjum og nýjum
úthverfum. Eru borgarbúar og
jafnvel Íslendingar almennt séu
úthverfasæknir?
“Já þeir eru það en ég held að
það eigi einkum við fólk á vissu
aldursbili. Sjálfur sóttist ég eft-
ir því að búa í miðborginni og
nágrenni hennar fyrir nokkrum
árum og kunni vel að geta gengið
um bæinn og jafnvel í vinnuna.
Nú er ég komin með börn, sem
þurfa að leika sér úti og þá koma
aðrar þarfir og aðrir möguleik-
ar. Þá skiptir gott leiksvæði og
rými fyrir börnin miklu máli og
mun auðveldara er um slík rými
í úthverfum en á miðborgarsvæði
þar sem margskyns atvinnu- og
athafnalíf og búseta blandast sam-
an. Þegar börnin eru uppkomin
hallar fólk sér stundum að mið-
bæjarbúsetu að nýju til þess að
nýta sér nálægðina við þjónustu
og margskyns mannlíf sem þar er
að finna.”
Björn Ingi segir að tryggja verði
fólki val. “Að undanförnu hefur
skort lóðir fyrir sérbýli í Reykja-
vík. Við verðum að gera bragar-
bót á því og auka framboð eins
og kemur fram í þriggja áraáætlun
borgarstjórnar. Barnafólki hefur
fækkað í Reykjavík en verið að fly-
tja til nágrannasveitarfélaganna.
Stundum er sagt að sá hópur sé
sá tekjuhæsti og hefur því stund-
um verið kallaður eftirsóttustu
útsvarsgreiðendurnir. Tekjur
nágrannasveitarfélaganna hafa
verið að aukast á kostnað Reykja-
víkurborgar vegna þessa. Í stað
þess að vísa fólki úr borginni á
Reykjavíkurborg að leggja áherslu
á að vera góður búsetukostur fyr-
ir alla.”
Viljum láta verkin tala
Björn Ingi segir ánægjulegt sjá
hversu mikill hraði er á þeirri upp-
byggingu sem meirihlutaflokkarn-
ir í borgarstjórn eru að beita sér
fyrir.
“Við lögðum upp með hugtakið
athafnastjórnmál sem má útleggja
að láta verkin tala. Við náðum
síðan góðri samstöðu um það og
sem dæmi um að þessu hefur ver-
ið veitt eftirtekt get ég nefnt að
við Vilhjálmur borgarstjóri feng-
um ábendingu frá sveitarstjórnar-
manni utan af landi á dögunum
þess efnis að við færum nú heldur
hratt yfir. Við værum annað hvort
búnir að efna allt sem stæði í mál-
efnaáherslunum eða setja það í
farveg. Hann taldi að við ættum
að dreifa þessu meira á kjörtíma-
bilið til þess að við hefðum eitt-
hvað að gera á síðari hluta þess.”
Frístundakortin eru
bylting
Björn Ingi nefndi nokkur dæmi
um verkefni sem komin eru í
gang. Þar á meðal í málum eldri
borgara og síðan frístundakort-
in sem verða sett í gang fyrir öll
börn og ungmenni í borginni á
aldrinum sex til 18 ára á komandi
sumri.
“Frístundakortin eru risa stórt
mál sem setja mun Reykjavíkur-
borg í röð allra fremstu sveitar-
félaga í landinu. Með kortunum
erum við að gera börnum í borg-
inni kleift að taka þátt í tómstund-
um, íþróttum, listnámi og öðru
slíku algerlega óháð efnahag og
aðstæðum foreldra og forráða-
manna. Ég tel að í þessu felist
hrein þjóðfélagsbylting enda töldu
margir að með þessu væri verið
að leggja nokkuð mikið í hlutina.
En ég er ákaflega stoltur af að
standa að þessu verki og að meiri-
hluta sem er umhugað um verk-
legar framkvæmdir eins og skipu-
lagningu íbúðahverfa og atvinnu-
svæða en hugsar á sama tíma um
velferð fólksins með aðgerðum á
borð við frístundakortin. Þverpóli-
tísk samstaða myndaðist einnig í
borgarstjórn um málið sem ekki
er algengt að gerist í borgarstjórn
Reykjavíkur.”
Fólkið er víðar
en í 101-um
Björn Ingi flutti tillögu í borgar-
ráði um að selja húseign borgar-
innar við Fríkirkjuveg 11 á síðasta
ári. Hann segir að tillagan hafi ekki
verið óumdeild en fleiri hafi þó
talið hana skynsamlega.
“Þetta húsnæði hentaði ekki
nægilega vel því nútímalega starfi
ÍTR sem þar er til húsa. Fríkirkju-
vegurinn er hins vegar virðulegt
hús og er nú komið í hendur afkom-
anda Thors Jensens, sem byggði
það á sínum tíma. Þeir ætla nú að
viðhalda húsinu af miklum metn-
aði og koma þar á fót safni þannig
að fólk mun fá mun meira aðgengi
að því en nú er. Við erum búin að
velja ÍTR framtíðarhúsnæði í húsi
Orkuveitu Reykjavíkur við Bæjar-
háls, sem mér finnst tímanna tákn.
Nú kynnu einhverjir að halda því
fram að stjórnsýsla borgarinnar
ætti öll að vera á einum stað í mið-
borginni.
Á móti því vil ég benda á að fólk-
ið er víðar en við Tjörnina og í
101-um. Reykvíkingar búa á stóru
svæði og með þessu erum við að
reyna að nálgast þá fjölbreytni sem
er í byggð borgarinnar. Breiðholt-
ið gegnt Árbænum var eitt sinn
útnári en er löngu orðið miðsvæð-
is í borgarbyggðinni þegar við lít-
um yfir hana sem eina heild. Þetta
er skýrt dæmi um breytingar þar
sem byggð er að vaxa og sveitar-
stjórnir verða að taka mið af þeim
í störfum sínum á hverjum tíma,”
segir Björn Ingi Hrafnsson, formað-
ur borgarráðs Reykjavíkur.
Björn Ingi Hrafnsson, formaður borgarráðs.
Styrkja þarf miðborgina
og bakstoðir hennar
Fríkirkjuvegur 11 er
hins vegar virðulegt
hús og er nú komið í
hendur afkomanda
Thors Jensens, sem
byggði það á sínum
tíma. Þeir ætla nú að
viðhalda húsinu af
miklum metnaði og
koma þar á fót safni
þannig að fólk mun fá
mun meira aðgengi að
því en nú er. Við erum
búin að velja ÍTR fram-
tíðarhúsnæði í húsi
Orkuveitu Reykjavíkur
við Bæjarháls, sem mér
finnst tímanna tákn.