Vesturbæjarblaðið - 01.04.2007, Blaðsíða 6

6 Vesturbæjarblaðið APRÍL 2007
Sjálfstæðismenn studdu ekki
byggingarform á lóð Blómsturvalla
Haraldur Ólafsson, veður -
fræðingur, segir að fyrir borgar-
stjórnarkosningarnar vorið 2006
hafi Sjálfstæðisflokkurinn lofað
að láta Blómsturvelli á mótum
Bræðraborgarstígs og Sólvalla-
götu standa. Haraldur býr á
Hávallagötunni. Hann segir að
nú standi til að reyna að byggja
á “róló” í staðinn og hugsanlega
gefa út “veiðileyfi” á Blómstur-
velli. Þá væri búið að rjúfa sam-
fellda línu með gömlum húsum
frá Sólvallagötu að Öldugötu.
Það væri eins og að taka tennur
úr tanngarði, garðurinn verði
ljótari og ljótari og á endanum
fái eigandinn sér falskar tennur.
Haraldur segir að íbúarnir séu
orðnir dauðþreyttir á þessari
sífelldu ásælni skipulagsyfirvalda
í sérhvern blett í hverfinu. “Það
ríkir enginn skilningur á því að
ónauðsynlegt er að þétta byggð
þar sem hún er allra þéttust á
landinu. Meðal íbúa hefur kom-
ið upp sú hugmynd að óska eftir
því að borgin kaupi Blómsturvelli,
selji svo húsið með lítilli lóð og
stækki almenninginn sem nú er
kallaður “Blái róló”. Til er sjóð-
ur sem kostar bílastæði og menn
hafa greitt í til að fá undanþágu
frá bílastæðakvöð. Hann gæti fjár-
magnað kaup á stæðunum við
Hávallagötu,” segir Haraldur Ólafs-
son.
Fyrir kosningarnar vorið 2006
sendu íbúarnir spurningar til fram-
boðslistanna þar sem spurt var:
1) Telur þú rétt að Reykjavík-
urborg stuðli að flutningi eða nið-
urrifi hússins Blómsturvalla og
fellingu trjáa á lóðinni?
2) Er þér ljóst að byggð í Vestur-
bænum er nú þegar mjög þétt og
að enn frekari þétting muni rýra
lífsgæði íbúa hverfisins um ófyrir-
séða framtíð?
3) Munt þú styðja að nýbygging
rísi á fyrrnefndri lóð? Ef svo er,
hversu hátt telurðu að slíkt hús
mætti vera í metrum og hversu
stórt að flatarmáli? Nú þegar er
viðvarandi skortur á bílastæðum
í hverfinu. Á fyrrnefndri lóð eru
bílastæði sem m.a. hafa verið nýtt
af íbúum í fjölbýlishúsum sem
reist hafa verið á síðastliðnum ára-
tugum án þess að gert hafi verið
ráð fyrir bílastæðum við þau hús.
Bílastæðin munu auk þess án efa
verða nýtt af íbúum fjölbýlishúsa
sem nú eru í byggingu við Bræðra-
borgarstíg og Holtsgötu. Telur þú
rétt að Reykjavíkurborg tryggi að
bílastæðin sem nú eru á horni
Bræðraborgarstígs og Hávallagötu
verði áfram til ráðstöfunar fyrir
íbúa hverfisins? Ef ekki, hvernig
telur þú að Reykjavíkurborg eigi
að bregðast við auknum skorti á
bílastæðum í hverfinu?
Áfram bílastæði á lóð
Blómsturvalla
Svör Sjálfstæðismanna, sem nú
stýra borginni ásamt Framsóknar-
mönnum, voru m.a. eftirfarandi:
• Nei, Reykjavíkurborg á ekki
að stuðla að flutningi og niður-
rifi Blómsturvalla og leyfa þar
byggingu fjölbýlishúss eins og
hugmyndir hafa verið uppi um.
Ef erindi kemur frá lóðarhafa um
fellingu trjáa á lóðinni verður hins
vegar að afgreiða það með sam-
bærilegum hætti og önnur slík
erindi, sem berast úr hverfinu og
við afgreiðslu slíkra erinda verður
að sjálfsögðu að byggja á jafnræð-
isreglu og meðalhófsreglu stjórn-
sýslulaga. Á undanförnum árum
hefur reynslan verið sú að garð-
yrkjustjóri hefur, að undangeng-
inni ráðgjöf, samþykkt öll erindi
um trjáfellingu í Vesturbænum,
með örfáum undantekningum.
• Já, við gerum okkur grein fyr-
ir því að byggð í Vesturbænum
er mjög þétt og teljum að engin
þörf sé fyrir nýbyggingar í þess-
um hluta hverfisins og allra síst
fjölbýlishús. Við sýndum þessa
stefnu okkar í verki þegar við tók-
um ákvörðun um að styðja ekki
þá tillögu fulltrúa Samfylkingarinn-
ar, Vinstri grænna og Framsókn-
arflokks um að heimila byggingu
tveggja fjölbýlishúsa við Bræðra-
borgarstíg og Holtsgötu með sam-
tals 13 íbúðum. Þessa ákvörðun
tókum við eftir samráð með íbú-
um hverfisins sem flestir mót-
mæltu umræddum byggingum
á tveimur íbúafundum. Fulltrúar
skipulagsráðs með Dag B. Eggerts-
son, formann skipulagsráðs og
borgarstjóraefni Samfylkingarinn-
ar, í broddi fylkingar tóku þátt í
samráðinu en ákváðu hins vegar
að því loknu að ganga gegn vilja
íbúa og heimila umræddar bygg-
ingar.
• Nei, við styðjum ekki nýbygg-
ingu á fyrrnefndri lóð. Við viljum
miklu fremur vinna að því að
Reykjavíkurborg eignist lóðina í
því skyni að tryggja að á hluta
hennar verði áfram bílastæði fyr-
ir íbúa hverfisins. Einnig mætti
skoða hvort hægt væri að taka
aðra hluta þessar stóru lóðar und-
ir sameiginlegar þarfir íbúa hverf-
isins, t.d. væri með niðurrifi girð-
ingar hægt að stækka leiksvæð-
ið á horni Bræðraborgarstígs og
Túngötu. Ef slík stækkun næðist,
væri tilvalið að þróa svæðið betur
til sameiginlegra nota og gera það
skemmtilegra í samráði við íbúa
hverfisins. Við borgarfulltrúar
Sjálfstæðisflokksins studdum ekki
byggingu fjölbýlishúsanna við
Bræðraborgarstíg og Holtsgötu,
m.a. vegna mikils bílastæðaskorts
í hverfinu. Umrædd 7-8 bílastæði
á lóð Blómsturvalla hafa hingað
til bjargað miklu í bílastæðamál-
um hverfisins. Þó er ljóst að bíla-
stæðavandi í hverfinu mun aukast
til muna næsta haust þegar íbúar
taka að flytja inn í fjölbýlishúsin.
Með hverri íbúð fylgir eitt stæði í
bílastæðakjallara hússins en ljóst
er að þau hrökkva skammt þar
sem margar fjölskyldur í húsinu
eiga fleiri en einn bíl. Ljóst er að
miklu skiptir að Reykjavíkurborg
tryggi að umrædd bílastæði á lóð
Blómsturvalla verði áfram til ráð-
stöfunar fyrir íbúa hverfisins og
munum við borgarfulltrúar Sjálf-
stæðisflokksins beita okkur fyrir
því hér eftir sem hingað til.”
Blómsturvellir við Bræðraborgarstíg, “Blái róló” í forgrunni
Við erum að flytja !!!
Sími: 561-4110
Nesdekk flytur í apríl
á Fiskislóð 30
Viðskiptavinir ATH.
Vegna flutninga viljum við vinsamlegast biðja
viðskiptavini okkar að sækja geymsludekk
sem geymd eru hjá okkur sem fyrst á Suðurströndina.