Vesturbæjarblaðið - 01.04.2007, Blaðsíða 14

14 Vesturbæjarblaðið APRÍL 2007
Ý M I S Þ J Ó N U S T A
Hreinsum allan fatnað,
sængur, millidýnur og gardínur
á athyglisverðu verði.
EFNALAUGIN
DRÍFA
Hringbraut 119 • Rvk.
ÖLL ALMENN PRENTUN
SÍMI 561 1594
895 8298
HRÓLFSSKÁLAVÖR 14
NETFANG: NES@ISHOLF.IS
AUGL†SINGASÍMI
511 1188
895 8298
Netfang:
borgarblod@simnet.is
www.blomalfur.is
kíktu á nýju heimasíðuna....
góða skemmtun..
Óhætt er að segja, að ötular
æfingar Glímdeildar KR í vetur
hafi skilað góðum árangri, því KR-
ingar taka þátt í öllum þeim þeim
glímumótum, sem þeir eiga kost
á, og vinna sigur í þeim öllum,
því sem næst. Karlaflokkurinn er
mest áberandi og sigursælastur,
en góður árangur næst líka með-
al kvennanna, þótt þær séu ekki
nema tvær. Börnin standa sig ein-
nig með prýði, en þar eru flestir
iðkendur byrjendur, en engum
sögum fer af unglingadeildinni,
því hún er tæpast til sem stendur.
Uppskera KR-karlanna ætti svo
sem ekki að koma neinum á óvart,
sé tekið mið af árangri undanfar-
inna ára og einnig má benda á, að
á styrkleikalista Glímusambands
Íslands trónir KR-ingurinn Pétur
Eyþórsson langefstur með 2270
stig, en næstur á eftir kemur félagi
hans Jón Birgir Valsson með 1473
stig. Samtals eiga KR-ingar 12
glímumenn á listanum, þar af 7 á
topp-20.
Íslandsglíman
Elzta íþróttamót landsins,
Íslandsglíman, hefur verið háð síð-
an 1906. Að þessu sinni var hún
haldin í Íþróttahúsi Ármanns í
Laugardal 31. marz sl. Þar var Pét-
ur Eyþórsson girtur Grettisbeltinu
eftir glæstan sigur á öllum 6 and-
stæðingum sínum. Pétur er Þing-
eyingur, frá Mývatni, og keppti í
upphafi ferils síns fyrir HSÞ. Seinna
gekk hann til liðs við Umf. Víkverja
í Reykjavík og varð fyrst glímukóng-
ur Íslands árið 2004 undir þeirra
merkjum. Þá um haustið gekk hann
í raðir KR-inga og vann aftur Grett-
isbeltið árið eftir, 2005. Á hundrað
ára afmæli Íslandsglímunnar, sem
haldin var á Akureyri 2006, brá svo
við, að félagi Péturs, Jón Birgir Vals-
son, sem jafnframt er formaður
Glímusambands Íslands og fyrrum
formaður glímudeildar KR, hafði
betur, en Grettisbeltið var sem sagt
eftir sem áður KR-inga.
Vegna meiðsla tóku engar KR-
konur þátt í keppninni um Freyju-
menið að þessu sinni. Glímukon-
urnar tvær, sem halda upp merki
KR, hafa þó staðið sig með stakri
prýði, þá tvo vetur, sem þær hafa
æft og keppt. Önnur þeirra, Eva
Dröfn Ólafsdóttir, var valin efni-
legasta glímukona ársins 2006 af
stjórn Glímusambandsins. Enn-
fremur vann hún sigur bæði í
þyngdarflokki og opnum flokki á
Bikarglímu Íslands við Mývatn í
febrúar.
Meistaramót Íslands
Háðar eru þrjár umferðir í Meist-
armóti Íslands í glímu og fór 3.
umferð fram á Ísafirði 10. mars sl.
Þar unnu KR-ingar alla fjóra flokka
karla. Orri Björnsson varð sigur-
vegari í +90 kg flokki og Óttar Ott-
ósson í -80 kg. Mestu munaði þó
um Pétur Eyþórsson, sem sigraði
tvöfalt, í -90 kg flokki og opnum,
með fullt hús vinninga að vanda.
Nákvæmlega sama leikinn lék hann
samanlagt. Helgi Bjarnason náði
svo 3. sæti í þyngdarflokki Péturs,
Jón Birgir Valsson 2. sæti í +90 kg
flokki og Óttar Ottósson einnig 2.
sæti í -80 kg flokki; í öllum tilfellum
samanlagt. Ennfremur varð Eva
Dröfn Ólafsdóttir 3. samanlagt í
+65 kg flokki kvenna.
Í stigakeppni félaga lentu KR-
konur í 3. sæti af 5, sem verður
að teljast allgott afrek aðeins
tveggja kvenna, þeirra Evu Drafnar
og Jóhönnu Guðrúnar, sem þar að
auku öttu kappi við heil héraðs-
sambönd. Karlarnir sigruðu með
glæsilegum yfirburðum, með 98
stig, en Héraðssambandið Skarp-
héðinn kom næst með 37 stig.
Heildarstigakeppnina sigruðu
KR-ingar einnig örugglega, en þar
voru HSK-menn aftur skæðustu
keppinautarnir. Stigin þeirra 109,5,
dugðu þó engan veginn gegn 131
stigi KR. KR-ingar eru þ.a.l. Íslands-
meistarar í glímu!
Sveitaglíma Íslands og
Skjaldarglíma Ármanns
Ef undan eru skilin Opna Vest-
fjarðamótið á Ísafirði í maí og
Landsmót UMFÍ í Kópavogi í júlí,
eru einu glímumótin, sem enn hafa
ekki verið háð á þessu keppnistíma-
bili, Sveitaglíma Íslands, 3. umferð,
og Skjaldarglíma Ármanns, en þar
er skjaldarhafi Pétur Eyþórsson.
Bæði þessi mót fara fram í Glímu-
húsi Ármanns í Reykjavík á laugar-
daginn,14. apríl nk.
Staðan í Sveitaglímunni að aflokn-
um 2 umferðum er þannig, að í
kvennaflokki er sameiginleg sveit
KR og Glímufélags Dalamanna í 3.
sæti með 6 stig, en HSK- og UÍA/
HSÞ-sveitirnar hafa 10 stig hvor.
KR-sveit karla hefur forystu með
11,5 stig, en HSK hefur aðeins einu
stigi færra.
“Nú hillir undir lok keppnistíma-
bilsins, þótt þess megi vænta að
sjá megi til KR-inga á glímuvelli á
Ísafirði og í Kópavogi á komandi
mánuðum. Eins og árangur deild-
arinnar gefur glöggt til kynna, sér
tæpast fyrir endann á sigurgöngu
glímudeildar KR. Miklar vonir eru
bundnar við, að takast muni að fá
fleiri og betri æfingatíma frá haust-
inu. Þannig myndu möguleikar okk-
ar á öflugu barnastarfi stóraukast.
Gangi þetta eftir, munu því vaxa úr
grasi öflugir glímumenn í barna-
og unglingaflokki, sem seinna meir
geta haldið merki glímudeildarinn-
ar á lofti,” segir Óttar Ottósson, for-
maður glímudeildar KR.
Sigurganga glímudeildar KR
Íslandsmeistarar KR 2007. Fremri röð f.v.: Jóhanna Guðrún Magnús-
dóttir, Óttar Ottósson og Eva Dröfn Ólafsdóttir. Aftari röð f.v.: Ásgeir
Sævar Víglundsson, Jóhannes Pétur Héðinsson, Pétur Eyþórsson og
Helgi Bjarnason. Á myndina vantar Jón Birgi Valsson, Fjölni Elvarsson,
Skarphéðin Orra Björnsson og Snorra Þór Guðmundsson.