Vesturbæjarblaðið - 01.05.2007, Blaðsíða 8

Árna Rúnari Sverrissyni, list-
mála sem býr í Litla-Skerjafirði,
hefur verið með einkasýningu í
Art-Icelandic.com að Skólavörðu-
stíg 1, en henni lauk 1. maí sl.
Sýningin gekk vel, en um helm-
ingur verkanna seldist. Árni er
með vinnustofu í kjallaranum að
Skerplugötu 11, þar sem hann
býr, og þar er einnig hægt að sjá
ýmiss verka hans. Árna Rúnari
nægir að hafa einn mosavaxinn
stein til að fá ágætis hugmyndir.
“Í einum slíkum get ég fengið
næga inspírasjón fyrir óteljandi
myndir. Þegar ég ferðast um land-
ið tek ég gjarnan myndir sem ég
get síðan notað sem innblástur
á veturna þegar ég hef ekki alla
þessa liti náttúrunnar í kringum
mig. Svo er ég mikill steinasafnari
og á ágætis safn af steinum með
alls konar myndum á og það er
alveg haugur af hugmyndum sem
hægt er að fá út frá þeim, “ segir
Árni Rúnar.
Árni Rúnar hefur fengist við
myndlist í þrjá áratugi og tekið á
ýmsum viðfangsefnum, og m.a.
málað þjóðfélagsádeilumyndir.
Auk þess var hann í trúarpæling-
um af ýmsu tagi svo eitthvað sé
nefnt. En fyrir 10 árum fór hann
að mála landslagsmyndir og hefur
einbeitt sér að mestu að því allar
götur síðan.
8 Vesturbæjarblaðið MAÍ 2007
Hugmyndir fæðast
af einum mosa-
vöxnum steini
Árni Rúnar Sverrisson ásamt eiginkonu sinni, Ólafíu Ásgeirsdóttur, í
sýningarsalnum að Skólavörðustíg 1.
Þrúðvangur minnir
á barokktímabilið
Á sjöunda áratug fyrri aldar sátu
skólasveinar í Menntaskólanum í
Reykjavík í Þrúðvangi og glímdu
við námsefnið. Aldrei hafa fleiri
setið á skólabekk í MR en þessi
ár, en þegar mest var voru nem-
endur liðlega 1.000 talsins. MR var
þá eini Menntaskólinn í Reykjavík
og aðeins tveir aðrir á landinu, á
Akureyri og á Laugarvatni svo ekki
þarf að undrast þrengslin. Í Þrúð-
vangi var um árabil Tónlistarskóli
Reykjavíkur. Gamla skólahúsið var
tvísetið og einnig kennt í Fjósinu
og KFUM-húsinu, og kannski víðar.
Yngri bekkingar mætti í skólann
kl. 13.35 og voru til tæplega sjö og
náðu þeir sem bjuggu í Heimunum
eða Kleppsholtinu með herkjum
strætisvögnunum Vogar-hraðferð
eða Kleppur hraðferð sem fóru
frá Kalkofnsvegi kl. 19.05. Þrátt
fyrir allan þessan fjölda nemenda
þekkti skólaritari, Guðrún Helga-
dóttir, betur þekkt sem barnabóka-
höfundur eða þingmaður, ótrúlega
marga nemendur með nafni.
En Þrúðvangur naut ákveðinn-
ar sérstöðu. Á húsinu er völdug
útidyrahurð útskorin af Ríkharði
Jónssyni en húsið var reist 1918
af Margréti Zoëga, og var hvergi til
sparað. Gaflar hússins eru einnig
sérstakir en lag þeirra minnir á
barokktímabilið. Húsið var komið
í nokkurra niðurníðslu en hefur
verið gert glæsilega upp bæði að
utan og innan, svo gamlir skóla-
sveinar eiga erfitt með að átta
sig hvar þeir sátu þar í tímum.
Þökk sé núverandi eiganda, Páli
V. Bjarnasyni, arkitekt, að húsið
nýtur nú að nýju tilhlýðanlegrar
virðingar.
Þrúðvangur stendur við Laufásveg 7, í örskotsgöngufæri frá miðbænum.
Í Neskirkju við njótum lífsins græða
við njótum þess að hlýða á þá, sem fræða.
Við eigum saman Orðsins höfuðból,
er anda lyftir hátt - á móti sól.
Það húsið Guðs er hálfrar aldar núna,
og hefur boðað okkur ljóssins trúna.
Og saga þess má segjast heil og merk;
það sannarlega er fagurt listaverk.
Enn ung má teljast okkar sóknarkirkja,
og ötull söfnuður kýs hana að styrkja.
Hún hefur fengið ýmsa endurbót,
svo ennþá betur fólki tekur mót.
Og kennimenn við munum vel og metum;
þeir metta oss í sól sem lífsins hretum.
Þeir veita okkur vörn og andlegt skjól,
og víst er kirkjan andans höfuðból.
Og megi kirkjan styrkum fótum standa,
og stormar henni hvergi nái að granda.
Við hverfum öll, - en kirkjan stendur traust,
því kenning hennar varir endalaust.
Auðunn Bragi Sveinsson
höfundur býr að Hjarðarhaga 28
Neskirkja 50 ára Vígð 14. apríl 1957