Vesturbæjarblaðið - 01.05.2007, Blaðsíða 18
18 Vesturbæjarblaðið MAÍ 2007
Ý M I S Þ J Ó N U S T A
Hreinsum allan fatnað,
sængur, millidýnur og gardínur
á athyglisverðu verði.
EFNALAUGIN
DRÍFA
Hringbraut 119 • Rvk.
ÖLL ALMENN PRENTUN
SÍMI 561 1594
895 8298
HRÓLFSSKÁLAVÖR 14
NETFANG: NES@ISHOLF.IS
AUGL†SINGASÍMI
511 1188
895 8298
Netfang:
borgarblod@simnet.is
Nú eru aðeins rúm vika til alþing-
iskosninga og loforðalistar ein-
stakra stjórnmálaflokka lengjast
frá degi til dags. Að sumu leyti er
það skiljanlegt. Hagsmunasamtök
og áhugafólk um einstök málefni
vill auðvitað fá svör frá flokkunum
um áherslur og stefnumál á sínu
sviði, nota tækifærið til að komu
kröfugerð og tillögum til útbóta á
framfæri og eðlilegt að flokkarnir
bregðist við því. Það er nauðsynleg-
ur hluti þeirrar samræðu, sem alltaf
þarf að eiga sér stað milli stjórn-
málamanna og kjósenda í aðdrag-
anda kosninga. Í hita leiksins er
hins vegar freistandi fyrir flokkana
að lofa gulli og grænum skógum og
láta síðan bara ráðast hvort hægt
er að standa við hin fögru fyrirheit.
Reynslan sýnir að flokkar eru mis-
jafnlega veikir fyrir freistingum af
þessu tagi og almennt má segja að
mótstöðuaflið minnki í réttu hlut-
falli við vaxandi taugaveiklun inn-
an þeirra flokka, sem upplifa sig í
vanda, verða fyrir mótlæti í kosn-
ingabaráttu, finna ekki hljómgrunn
fyrir sjónarmiðum sínum og sjá
fylgið dala í skoðanakönnunum. Á
sama hátt er áberandi að eftir því
sem möguleikinn á stjórnarþátttöku
verður fjarlægari eykst tilhneigingin
til yfirboða og stórkarlalegra yfirlýs-
inga af ýmsu tagi. Flestir tóku eftir
því að hagstæðar skoðanakannanir
gerðu forystumenn Vinstri grænna
óvenju varkára í tali á sama tíma
og loforðalistar Samfylkingarinnar
lengdust viku eftir viku, mánuð eft-
ir mánuð, þegar hver könnunin á
fætur annarri gaf til kynna að þriðj-
ungur kjósenda flokksins í síðustu
kosningum væri að yfirgefa hann.
Það er mikilvægt að kjósendur
hafi þetta í huga á lokaspretti kosn-
ingabaráttunnar og meti málflutn-
ing flokkanna í þessu ljósi. Það eru
líka til betri mælikvarðar til þess að
bera saman flokka heldur en fjöldi
fyrirheita eða fjárhæðir sem lofað er
til hinna ýmsu málefna. Sá sem lof-
ar mestu er ekki endilega sá sem lík-
legastur er til að ná mestum árangri
við landsstjórnina. Miklu mikilvæg-
ara er að meta hvort viðkomandi
flokkur hafi sýnt að hann geti náð
árangri og hvort hann sé líklegur til
að ná árangri í framtíðinni.
Öflugt atvinnulíf, kröftug-
ur hagvöxtur, meiri kaup-
máttaraukning
Við sjálfstæðismenn erum stoltir
af verkum okkar á undanförnum
árum og leggjum þau óhræddir í
dóm kjósenda. Öflugt atvinnulíf,
kröftugur hagvöxtur, meiri kaupmátt-
araukning en víðast hvar í hinum
vestræna heimi og minnsta atvinnu-
leysi í nokkru þróuðu hagkerfi eru
órækar vísbendingar um árangur
þeirrar stjórnarstefnu, sem við höf-
um haft forgöngu um. Vöxturinn í
efnahagslífinu hefur líka gefið okkur
svigrúm til að greiða niður skuldir
ríkisins og lækka skatta á sama tíma
og unnt hefur verið að verja meiri
fjármunum til opinberrar þjónustu,
hvort sem er á sviði menntamála,
heilbrigðismála og velferðarmála
almennt. Hagvöxtur og fjárhagsleg-
ir mælikvarðar eru að sönnu ekki
þ a ð e i n a
s e m m á l i
skiptir, en
við megum
ekki gleyma
því að pen-
i n g a r e r u
þó forsenda
þess að get-
um gert svo
margt við af
því sem við
viljum gera,
hvort sem
er í heimilisrekstrinum eða opinber-
um umsvifum.
Við erum líka sannfærðir um að
stefna okkar er líklegust til að skila
áframhaldandi framförum á kom-
andi kjörtímabili. Árangurinn er
nefnilega ekki sjálfgefinn. Það er
ekki náttúrulögmál að hagvöxtur
haldi áfram að vaxa, atvinnulífið
blómgist, kaupmáttur aukist og allt-
af sé næg atvinna í boði. Um það
vitna dæmin, bæði frá nágranna-
löndunum og úr okkar eigin sögu.
Ákvarðanir stjórnvalda ráða þar
auðvitað miklu um.
Það er fyrst og fremst á þessum
forsendum, en ekki með yfirboðum
og loforðaflaumi, sem við sjálfstæð-
ismenn leitum eftir stuðningi kjós-
enda þann 12. maí og óskum eftir
áframhaldandi umboði til að vera í
forystu í landsmálunum.
Birgir Ármannsson, Víðimel 47
þingmaður Sjálfstæðisflokksins
og skipar nú 5. sæti á framboðslista
flokksins í Reykjavíkurkjördæmi suður
Yfirboð eða árangur?
Birgir Ármannsson.
Spennandi sumar í
kvennaknattspyrnunni
Þær Edda Garðarsdóttir og
Katrín Ómarsdóttir, leikmenn
KR, telja að framundan sé spenn-
andi sumar í kvennaknattspyrn-
unni. Edda leik með Breiðabliki
á sl. sumri en er nú komin aftur
“heim”, en hún er uppaldin hjá
KR. Katrín hefur einnig leikið
með KR í yngri flokkunum og
hefur ekki leikið með öðru liði.
“Þetta er góður hópur og stór
og andinn frábær,” segja þær
Edda og Katrín. “Hópurinn er að
eflast og KR sennilega með mestu
breiddina og svo er Hrefna komin
aftur úr barnseignaleyfi. Ekki má
gleyma því að yngri stelpur eru
að koma upp, og þær lofa góðu
um framhaldið.”
Þær stöllur telja að Valur verði
erfiðasti andstæðingurinn í sumar
enda með nær óbreytt lið. Einnig
sé Stjarnan að bæta sig og frammi-
staða Fylkis komið nokkuð á
óvart, m.a. hafi þær tapað nýlega
fyrir Fylki og búast megi við sterk-
um erlendum leikmönnum með
Fylki. En það sé gott að sá skellur
sem fylgir tapi sé að baki, hann
komi ekki í deildarkeppninni.
Breiðablik sé nokkur spurning,
liðið hafi misst lykilleikmenn og
liðið ungt. En ekki megi vanmeta
nokkurn einasta andstæðing.
Edda Garðarsdóttir og Katrín Ómarsdóttir, leikmenn Landsbanka-
deildarliðs KR.
Frá því að Sjálfstæðisflokkurinn tók
við stjórn landsins árið 1991 hefur
orðið bylting á Íslandi. Fyrir þeirri
byltingu finna allir þjóðfélagshópar
í þeim tækifærum sem þeim standa
til boða hvort sem er í efnahags- og
atvinnumálum, menntamálum eða vel-
ferðarmálum. Fólk finnur líka fyrir því
í buddum sínum því á þessu tímabili
hefur hagsæld aukist samkvæmt öll-
um mælikvörðum, skattar hafa lækk-
að og laun á sama tíma hækkað. Við
höfum gripið til aðgerða til þess að
lækka matarverð og svo lengi mætti
telja.
En þó svo að sá árangur sem
náðst hefur sé í senn glæsilegur og
ánægjulegur er ekki þar með sagt að
Sjálfstæðisflokkurinn vilji láta staðar
numið og vilji ekki gera betur. Þvert á
móti viljum við halda áfram og höfum
því sett fram metnaðarfull markmið á
öllum sviðum.
Um fátt hefur verið meira rætt í
aðdraganda þessara kosninga en um
málefni aldraðra. Það er sama við
hvern ég hef talað, allir leggja þunga
áherslu á að bæta þurfi kjör hinna
eldri, einkum þess hóps eldri borgara
sem lakast eru settir. Þessar áherslur
koma ekki eingöngu fram hjá eldri
borgurum, heldur ekki síður hjá fólki
á mínum aldri, enda á það að vera sér-
stakt markmið hinna yngri að vinna
að velferð þeirra eldri. Þeir eiga það
skilið enda hafa þeir skilað sínu fram-
lagi til þjóðfélagins með glæsilegum
hætti og við af yngri kynslóðinni njót-
um nú ávaxta þeirrar vinnu.
Hagur eldri borgara vænkaðist veru-
lega á síðsta kjörtímabili þegar elsti
skattur Íslandssögunnar, eignaskatt-
urinn, var afnuminn. Eignaskattur-
inn, sem átti rætur sínar að rekja til
tíundarinnar gömlu, var ósanngjarn
og óréttmætur skattur, en hann var
jafnframt einstaklega þungbær eldri
borgurum, enda voru eldri borgarar
þeir sem helst urðu fyrir þeirri skatt-
heimtu. Afnám eignaskattsins var því
mikill sigur fyrir eldri borgara.
Sigur fyrir eldri borgara
Enn stærri sigur vannst í kjarabar-
áttu eldri borgara þegar Geir H. Haar-
de, forsætisráðherra og formaður Sjálf-
stæðisflokksins, lýsti því yfir á lands-
fundi flokksins nýverið að á næsta kjör-
tímabili myndi Sjálfstæðisflokkurinn
leggja sérstaka áherslu á bæta kjör
eldri borgara, það er að segja að grípa
til sérstakra aðgerða til þess að auka
ráðstöfunarfé þessa hóps. Og hvað er
það sem Sjálfstæðisflokkurinn ætlar
að gera til þess að ná þessum markmið-
um? Hvað ætlum við að gera?
Í fyrsta lagi ætlum við að minnka
skerðingar á lífeyrisgreiðslum frá
almannatryggingakerfinu. Slíkt er nauð-
synlegt til þess að ná fram kjarabótum
fyrir eldri borgara. Í annan stað viljum
við tryggja öllum lágmarkslífeyri úr líf-
eyrissjóði til viðbótar þeim greiðslum
sem koma úr almannatryggingakerfinu,
enda státa því miður ekki allir eldri
borgarar af digrum lífeyrissjóðum sem
þeir geta leitað í að lokinni starfsævi
sinni. Hefur formaður Sjálfstæðisflokks-
ins nefnt að slíkar viðbótargreiðslur
gætu numið 25.000 krónum á mánuði.
Í þriðja lagi viljum við sjálfstæðismenn
beita okkur fyrir því að fólk sem er kom-
ið yfir sjötugt geti unnið launaða vinnu
án þess að það skerði lífeyri frá Trygg-
ingastofnun
ríkisins eins
og nú er. Slík
breyting er
mikið réttlæt-
ismál. Í stað
þess að vera
s j á l f k r a f a
dæmdir út af
vinnumarkaði
myndi s l ík
breyting hvet-
ja eldri borg-
ara til áfram-
haldandi þátttöku í atvinnulífinu og til
þess að gera sig áfram gildandi í samfé-
laginu með okkur sem yngri erum.
Sigurður Kári Kristjánsson
þingmaður Sjálfstæðisflokksins
í Reykjavík
Sjálfstæðisflokkurinn vill bæta hag eldri borgara
Sigurður Kári
Kristjánsson.